Mishe 6
6
KOTA GBIA abi tënë na li ti azo ti lo
1Ala ma tënë so *KOTA GBIA atene:
“Londo, gue na tënë so na le ti ngbanga;
sara si akota hoto na akete hoto ama tënë ni.”
2Ala ahoto,
ala agere ti sese so ayeke yingi pepe so,
ala ma tënë so:
KOTA GBIA ayeke na ngbanga na azo ti lo,
lo ye ti bi tënë na li ti azo ti Israel;
3lo tene: “Ala azo ti mbi,
nyen laa mbi sara na ala, nyen?
Ye so mbi sara si
awoko ngangu ti ala so ayeke nyen?
Ala kiri tënë na mbi!
4 Mbi mu ando ala na sese ti Ezipte,
mbi sigigi na ala;
mbi zi ala na gbe ti ngbaa
si mbi tokua Moïse, Aaron na Miriam
ti fa na ala lege.
So sioni laa mbi sara so?
5 Ala azo ti mbi, ala dabe ti ala
na ye so Balak, gbia ti Moab,
aleke ando na be ti lo ti sarango ni,
nga na tënë so Balaam, molenge ti Beor,
akiri na ni na Balak so.
Ala dabe ti ala nga na londongo so azo ti Israel
alondo na Shitim ngbii ala si na Gilgal so.
Tongaso, fade ala yeke hinga lege so KOTA GBIA
ayeke sara nzoni na azo ti lo.”
Ye so Nzapa aku titene azo asara
6“Fade mbi yeke gue na nyen na *KOTA GBIA,
Nzapa ti nduzu
tongana mbi kuku na gbe ti lo ti voro lo?
Mbi mu *sandaga so agbi ni kue na wâ
si mbi gue na ni na gbe ti lo?
Mbi mu bagara ti ngu oko si mbi gue na ni?
7 Akoli-taba gbani gbani laa KOTA GBIA
ayeke ye tënë ni?
Gba ti mafuta so ayeke sua tongana kota ngu?
Fade mbi mu kozo molenge ti mbi na sandaga
ndali ti sarango ye ti kirikiri ti mbi?
Mbi mu molenge ti ya ti mbi wani
ndali ti siokpari ti mbi?”
8Mo zo, a fa na mo ye so ayeke nzoni awe.
Ye so KOTA GBIA ahunda na mo ayeke gi so:
sara ye so ayeke mbirimbiri,
ye tënë ti sarango ye ti nzoni be,
tambula na Nzapa ti mo
na lege ti sarango tere ti mo kete.
KOTA GBIA ayeke fâ ngbanga na ndö ti azo ti sarango sioni
9 *KOTA GBIA ayeke dekongo na azo ti gbata ni.
Zo so ayeke na ndara, fade lo yeke kpe mbeto ti lo.
“Ala azo ti mara ti Juda
na ala so abongbi na ya ti gbata ni, ala ma si!
10Amosoro so azo ti sioni awara na lege ti nzi
angba na ya ti da ti ala,
sembe ti hakango na ye so a pika ngbonda ni
angba na ya ti da ti ala.
Mbi lingbi ti kanga be ti mbi
na fungo ye tongaso?
11Azo so ayeke mu akilo
so alingbi pepe ti haka na ye;
azo so, na ya ti sake ti ala,
ala yeke na awen ti kilo ti handango na azo,
fade mbi yeke wara tënë na ala pepe?
12Azo ti mosoro ti gbata ni
ayeke sara gi ngangu na zo;
azo ti gbata ni ayeke tene gi mvene.
Tënë so ayeke sigigi na yanga ti ala
ayeke gi tënë ti handango zo.
13Ndani laa, mbi pika ala sioni sioni
si ala ti na kobela;
mbi buba aye ti ala kue ndali ti asiokpari ti ala.
14Ala yeke te kobe, me ya ti ala ayeke si pepe;
kota nzara ayeke koro ya ti ala.
Ala yeke bata ye, me ye ni ayeke ngba pepe.
Ataa mbeni ye angba, fade mbi yeke sara
titene ye ni abuba na lege ti bira.
15Ala yeke lu ale ti kobe,
me ala yeke ko ale ti kobe ni pepe.
Ala yeke pete ale ti olive,
me ala yeke sara kua na mafuta ni pepe.
Ala yeke pete ale ti *vinye,
me ala yeke nyon vin ni pepe.
16 Ala yeke bata gi lege ti ambela ti gbia Omri,
nga na lege ti sarango ye kue ti asewa ti Akab.
Ala yeke sara gi aye so agbia ni afa na ala.
Ndani laa, fade mbi yeke buba gbata ti ala
si azo ti gbata ni ayeke ga ye ti ngia na le ti azo.
Kamene so agbu le ti azo ti mbi so,
fade kamene ni ayeke kiri ti gbu le ti ala.”
Currently Selected:
Mishe 6: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Mishe 6
6
KOTA GBIA abi tënë na li ti azo ti lo
1Ala ma tënë so *KOTA GBIA atene:
“Londo, gue na tënë so na le ti ngbanga;
sara si akota hoto na akete hoto ama tënë ni.”
2Ala ahoto,
ala agere ti sese so ayeke yingi pepe so,
ala ma tënë so:
KOTA GBIA ayeke na ngbanga na azo ti lo,
lo ye ti bi tënë na li ti azo ti Israel;
3lo tene: “Ala azo ti mbi,
nyen laa mbi sara na ala, nyen?
Ye so mbi sara si
awoko ngangu ti ala so ayeke nyen?
Ala kiri tënë na mbi!
4 Mbi mu ando ala na sese ti Ezipte,
mbi sigigi na ala;
mbi zi ala na gbe ti ngbaa
si mbi tokua Moïse, Aaron na Miriam
ti fa na ala lege.
So sioni laa mbi sara so?
5 Ala azo ti mbi, ala dabe ti ala
na ye so Balak, gbia ti Moab,
aleke ando na be ti lo ti sarango ni,
nga na tënë so Balaam, molenge ti Beor,
akiri na ni na Balak so.
Ala dabe ti ala nga na londongo so azo ti Israel
alondo na Shitim ngbii ala si na Gilgal so.
Tongaso, fade ala yeke hinga lege so KOTA GBIA
ayeke sara nzoni na azo ti lo.”
Ye so Nzapa aku titene azo asara
6“Fade mbi yeke gue na nyen na *KOTA GBIA,
Nzapa ti nduzu
tongana mbi kuku na gbe ti lo ti voro lo?
Mbi mu *sandaga so agbi ni kue na wâ
si mbi gue na ni na gbe ti lo?
Mbi mu bagara ti ngu oko si mbi gue na ni?
7 Akoli-taba gbani gbani laa KOTA GBIA
ayeke ye tënë ni?
Gba ti mafuta so ayeke sua tongana kota ngu?
Fade mbi mu kozo molenge ti mbi na sandaga
ndali ti sarango ye ti kirikiri ti mbi?
Mbi mu molenge ti ya ti mbi wani
ndali ti siokpari ti mbi?”
8Mo zo, a fa na mo ye so ayeke nzoni awe.
Ye so KOTA GBIA ahunda na mo ayeke gi so:
sara ye so ayeke mbirimbiri,
ye tënë ti sarango ye ti nzoni be,
tambula na Nzapa ti mo
na lege ti sarango tere ti mo kete.
KOTA GBIA ayeke fâ ngbanga na ndö ti azo ti sarango sioni
9 *KOTA GBIA ayeke dekongo na azo ti gbata ni.
Zo so ayeke na ndara, fade lo yeke kpe mbeto ti lo.
“Ala azo ti mara ti Juda
na ala so abongbi na ya ti gbata ni, ala ma si!
10Amosoro so azo ti sioni awara na lege ti nzi
angba na ya ti da ti ala,
sembe ti hakango na ye so a pika ngbonda ni
angba na ya ti da ti ala.
Mbi lingbi ti kanga be ti mbi
na fungo ye tongaso?
11Azo so ayeke mu akilo
so alingbi pepe ti haka na ye;
azo so, na ya ti sake ti ala,
ala yeke na awen ti kilo ti handango na azo,
fade mbi yeke wara tënë na ala pepe?
12Azo ti mosoro ti gbata ni
ayeke sara gi ngangu na zo;
azo ti gbata ni ayeke tene gi mvene.
Tënë so ayeke sigigi na yanga ti ala
ayeke gi tënë ti handango zo.
13Ndani laa, mbi pika ala sioni sioni
si ala ti na kobela;
mbi buba aye ti ala kue ndali ti asiokpari ti ala.
14Ala yeke te kobe, me ya ti ala ayeke si pepe;
kota nzara ayeke koro ya ti ala.
Ala yeke bata ye, me ye ni ayeke ngba pepe.
Ataa mbeni ye angba, fade mbi yeke sara
titene ye ni abuba na lege ti bira.
15Ala yeke lu ale ti kobe,
me ala yeke ko ale ti kobe ni pepe.
Ala yeke pete ale ti olive,
me ala yeke sara kua na mafuta ni pepe.
Ala yeke pete ale ti *vinye,
me ala yeke nyon vin ni pepe.
16 Ala yeke bata gi lege ti ambela ti gbia Omri,
nga na lege ti sarango ye kue ti asewa ti Akab.
Ala yeke sara gi aye so agbia ni afa na ala.
Ndani laa, fade mbi yeke buba gbata ti ala
si azo ti gbata ni ayeke ga ye ti ngia na le ti azo.
Kamene so agbu le ti azo ti mbi so,
fade kamene ni ayeke kiri ti gbu le ti ala.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010