Mishe 3
3
Nzapa agboto mê ti azo ti li ni
1Nilaa mbi tene:
“Ala amakonzi ti *ahale ti Jacob,
ala azo so ayeke na li ti azo ti Israel, ala ma si!
Ala laa alingbi fade ti hinga fango ngbanga
na lege ti ndia pepe?
2Me be ti ala ake ti sara ye ti nzoni,
ala ye gi ti sara ye ti sioni.
Ala yeke zi poro ti tere ti azo
nga na kasa ti tere ti azo ni kue na ndö ti abio ni.”
3Azo ni ayeke te kasa ti tere ti azo ti mbi,
ala yeke zi poro ti tere ti azo ti mbi,
ala yeke kungbi abio ti azo ti mbi
si ala yeke fâ ya ti kasa ti azo ti mbi
tongana ti so a yeke fâ ya ti kasa ti nyama
ti to ni na ya ti ta,
tongana kasa ti nyama na ya ti kota tawa.
4Ndani laa,
na ngoi so ala yeke dekongo ti iri *KOTA GBIA,
lo yeke kiri tënë na ala pepe.
Fade lo yeke honde le ti lo na ala
ndali ti asioni ye so ala sara.
Nzapa agboto mê ti awayanga-Nzapa so ayeke handa azo
5Tënë so *KOTA GBIA atene
na ndö ti awayanga-Nzapa
so ayeke handa azo ti mbi ayeke so:
“Tongana ala wara ye ti tengo ni,
ala yeke fa tënë ti siriri;
me tongana mbeni zo amu na ala
ye ti tengo ni pepe,
ala yeke londo na bira na tere ti zo ni.
6 Ndani laa, ala awayanga-Nzapa,
fade ndo ayeke vuko na ndö ti ala,
ala yeke kiri ti baa ye na ya ti mbeni ye
tongana bango-li pepe.
Ti ala, ndo ayeke vuko pitipiti na ndö ti ala
si aye so ayeke si ande, ala yeke kiri ti hinga ni pepe.
Fade lâ ayeke kui na ndö ti awayanga-Nzapa ni
si na kota lâ, ndo ayeke vuko na ndö ti ala.”
7Fade kamene ayeke sara azo ti bango nda ti aye,
li ti azo so ayeke gi nda ti aye ayeke ga kirikiri;
ala kue ayeke honde le ti ala,
ngbanga ti so Nzapa ayeke kiri tënë na ala pepe.
8Me ti mbi, ndali ti yingo ti KOTA GBIA
so lo mu na mbi,
mbi wara ngangu ahon ndoni,
mbi hinga lege ti fango ngbanga mbirimbiri
si mbi yeke na mbeto pepe
ti fa na *ahale ti Jacob
tënë ti ngangu li ti ala,
ti fa nga na azo ti Israel siokpari ti ala.
Mishe afa tënë ti bubango ti Jérusalem
9Ala amakonzi ti *ahale ti Jacob,
ala azo so ayeke na li ti azo ti Israel, ala ma tënë so!
Be ti ala ke tënë ti fango ngbanga ti mbirimbiri,
ala yeke buba tënë ti fango ngbanga na lege ti ndia.
10Ala sara gbata ti *Sion
na lege ti tukungo mene,
ala sara gbata ti Jérusalem
na lege ti fango azo.
11Amakonzi ti agbata ni ayeke fâ ngbanga
gi ndali ti warango goro;
awayango-sandaga ti ala ayeke fa ye
gi ti wara ye na pekoni;
awayanga-Nzapa ti ala ayeke fa ye so ayeke si
gi ndali ti warango nginza.
Na ndö ni kue,
ala yeke luti na ndö ti *KOTA GBIA si ala tene:
“KOTA GBIA ayeke na popo ti e pepe?
Fade ye ti sioni alingbi ti si na e pepe.”
12 Ndani laa, ndali ti ala,
fade Sion ayeke ga tongana yaka so a de ni awe,
Jérusalem ayeke ti kue na sese
si hoto so kota da ti Nzapa ayeke daa,
ndö ni ayeke ga ngonda.
Currently Selected:
Mishe 3: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Mishe 3
3
Nzapa agboto mê ti azo ti li ni
1Nilaa mbi tene:
“Ala amakonzi ti *ahale ti Jacob,
ala azo so ayeke na li ti azo ti Israel, ala ma si!
Ala laa alingbi fade ti hinga fango ngbanga
na lege ti ndia pepe?
2Me be ti ala ake ti sara ye ti nzoni,
ala ye gi ti sara ye ti sioni.
Ala yeke zi poro ti tere ti azo
nga na kasa ti tere ti azo ni kue na ndö ti abio ni.”
3Azo ni ayeke te kasa ti tere ti azo ti mbi,
ala yeke zi poro ti tere ti azo ti mbi,
ala yeke kungbi abio ti azo ti mbi
si ala yeke fâ ya ti kasa ti azo ti mbi
tongana ti so a yeke fâ ya ti kasa ti nyama
ti to ni na ya ti ta,
tongana kasa ti nyama na ya ti kota tawa.
4Ndani laa,
na ngoi so ala yeke dekongo ti iri *KOTA GBIA,
lo yeke kiri tënë na ala pepe.
Fade lo yeke honde le ti lo na ala
ndali ti asioni ye so ala sara.
Nzapa agboto mê ti awayanga-Nzapa so ayeke handa azo
5Tënë so *KOTA GBIA atene
na ndö ti awayanga-Nzapa
so ayeke handa azo ti mbi ayeke so:
“Tongana ala wara ye ti tengo ni,
ala yeke fa tënë ti siriri;
me tongana mbeni zo amu na ala
ye ti tengo ni pepe,
ala yeke londo na bira na tere ti zo ni.
6 Ndani laa, ala awayanga-Nzapa,
fade ndo ayeke vuko na ndö ti ala,
ala yeke kiri ti baa ye na ya ti mbeni ye
tongana bango-li pepe.
Ti ala, ndo ayeke vuko pitipiti na ndö ti ala
si aye so ayeke si ande, ala yeke kiri ti hinga ni pepe.
Fade lâ ayeke kui na ndö ti awayanga-Nzapa ni
si na kota lâ, ndo ayeke vuko na ndö ti ala.”
7Fade kamene ayeke sara azo ti bango nda ti aye,
li ti azo so ayeke gi nda ti aye ayeke ga kirikiri;
ala kue ayeke honde le ti ala,
ngbanga ti so Nzapa ayeke kiri tënë na ala pepe.
8Me ti mbi, ndali ti yingo ti KOTA GBIA
so lo mu na mbi,
mbi wara ngangu ahon ndoni,
mbi hinga lege ti fango ngbanga mbirimbiri
si mbi yeke na mbeto pepe
ti fa na *ahale ti Jacob
tënë ti ngangu li ti ala,
ti fa nga na azo ti Israel siokpari ti ala.
Mishe afa tënë ti bubango ti Jérusalem
9Ala amakonzi ti *ahale ti Jacob,
ala azo so ayeke na li ti azo ti Israel, ala ma tënë so!
Be ti ala ke tënë ti fango ngbanga ti mbirimbiri,
ala yeke buba tënë ti fango ngbanga na lege ti ndia.
10Ala sara gbata ti *Sion
na lege ti tukungo mene,
ala sara gbata ti Jérusalem
na lege ti fango azo.
11Amakonzi ti agbata ni ayeke fâ ngbanga
gi ndali ti warango goro;
awayango-sandaga ti ala ayeke fa ye
gi ti wara ye na pekoni;
awayanga-Nzapa ti ala ayeke fa ye so ayeke si
gi ndali ti warango nginza.
Na ndö ni kue,
ala yeke luti na ndö ti *KOTA GBIA si ala tene:
“KOTA GBIA ayeke na popo ti e pepe?
Fade ye ti sioni alingbi ti si na e pepe.”
12 Ndani laa, ndali ti ala,
fade Sion ayeke ga tongana yaka so a de ni awe,
Jérusalem ayeke ti kue na sese
si hoto so kota da ti Nzapa ayeke daa,
ndö ni ayeke ga ngonda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010