Awayango-sandaga Kete tënë na ndö ti Mbeti ti Akua ti awayango-sandaga
Kete tënë na ndö ti Mbeti ti Akua ti awayango-sandaga
Na ya ti mbeti ti Akua ti awayango-sandaga, Nzapa angba ti mu andia na Moïse titene lo fa peko ni na azo. Azo ti mara ti Lévi laa a soro ala ti sara akua ti Nzapa; ndani laa a iri mbeti ni na yanga ti faranzi “Lévitique”. Na popo ti ala, a soro ambeni titene ala sara kua ti yango sandaga na Nzapa; ndani laa e iri mbeti ni na yanga ti sango “Mbeti ti Akua ti awayango-sandaga”. Azo so ayeke sara kua ti Nzapa alingbi ti kangbi popo ti aye so ayeke nde si ayeke nzoni kue nga na asenge ye. Ala lingbi nga ti kangbi popo ti ye so ayeke *nzoni na ye so ayeke *sioni (10.10-11).
Andia so abaa tënë ti vorongo Nzapa ayeke mingi, alinda mingi si ayeke nga ngangu na zo ti ma ya ni. Mbeti ti Akua ti awayango-sandaga ayeke fa andia ti mungo sandaga, andia ti mungo ye na Nzapa, andia ti sarango amatanga ti Nzapa; afa nga anyama so zo alingbi ti te na anyama so zo alingbi ti te pepe. Mbeti ni afa nga zo wa laa alingbi ti ga na ya ti gbagba ti kota da ti Nzapa nga na zo wa laa alingbi ti ga na ya ti gbagba ni pepe.
Kota tënë ti ya ti mbeti ni afa so Nzapa ayeke nde si ayeke nzoni kue; afa nga lege so azo alingbi ti sara ti bata beoko ti ala na Nzapa ti Israel so ayeke nde si ayeke nzoni kue.
Akota ye so ayeke na ya ti mbeti so:
- Andia ndali ti mungo ye nga na mungo sandaga 1–7
- A zia akozo wayango-sandaga nde ti sara kua ti Nzapa 8–10
- Andia ndali ti ye so ayeke nzoni nga na ye so ayeke sioni 11–15
- Kota lango ti zingo siokpari na li ti azo 16
- Alingbi azo ti Israel angba azo so ayeke nde si ayeke nzoni kue 17–22
- Andia ndali ti lango ti wungo tere nga na amatanga nde nde 23–25
- Nzapa amu zendo ti sara tufa na ndö ti azo nga ti deba azo 26
- Ambeni ndia nde nde 27
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010