Jonas 2
2
Jonas asambela Nzapa
1 *KOTA GBIA atokua mbeni kota susu aga amene Jonas. Jonas asara lango ota na bi ota kue na ya ti susu ni. 2Na ya ti susu ni, Jonas asambela KOTA GBIA Nzapa ti lo, 3lo tene:
“Na ngoi so aye ti ngangu asi na mbi,
mbi dekongo na mo, KOTA GBIA
si mo kiri tënë na mbi.
Na ngoi so mbi yeke na ya ti kuâ,
mbi iri mo ti mu maboko na mbi
si mo ma go ti mbi.
4Mo bi mbi na gbe ti kota ngu-ingo;
mo bi mbi taa na be ti kota ngu-ingo ni.
Kota ngu-ingo amene mbi kue,
*amapo so kue mo sara na le ti ngu
ayeke hon na ndö ti mbi, ayeke hon na ndö ti mbi.
5Mbi tene na be ti mbi, mbi tene:
‘KOTA GBIA, mo tumba mbi yongoro na le ti mo awe!
Me nzara ti kiri ti baa kota da ti mo angba na be ti mbi,
kota da ti mo so ayeke nde si ayeke nzoni kue so.’
6Ngu amu mbi si aye ti fâ mbi,
kota ngu-ingo amene mbi kue;
apere ti gbe ti ngu akanga li ti mbi.
7Mbi linda ngbii, mbi si na gere ti ahoto,
yanga ti sese akanga na ndö ti mbi,
akanga na ndö ti mbi biani biani;
me, mo KOTA GBIA, Nzapa ti mbi,
mo kiri mo mu mbi na gbe ni kâ
si mo sigigi na mbi na fini.
8So mbi ga nduru na kuâ,
be ti mbi ati na ndö ti mo, KOTA GBIA.
Mbi sambela mo si mo ma sambela ti mbi
na ya ti kota da ti mo
so ayeke nde si ayeke nzoni kue so.
9Azo so ayeke voro asenge senge nzapa so,
ala ke lege ti nzoni be so mo sara na ala.
10Ti mbi, fade mbi yeke he bia
ti mu singila na mo, KOTA GBIA,
mbi yeke mu *sandaga na mo.
Ye so mbi deba yanga ti mbi ti sarango ni,
fade mbi yeke sara ni.
Biani, mo KOTA GBIA laa, mo yeke soo zo na kuâ.”
11Tongaso, KOTA GBIA amu yanga na susu ni si lo de Jonas na tere ti ngu.
Currently Selected:
Jonas 2: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
