Kolose Kete tënë na ndö ti Mbeti so Paul atokua na Eglize ti Kolose
Kete tënë na ndö ti Mbeti so Paul atokua na Eglize ti Kolose
Gbata ti Kolose ayeke na Do ti sese ti Azii, so a iri ni laso Turkii. Paul awara lege ti gue ti baa azo ti *Eglize ni laoko pepe, Epafras so ayeke mbeni mba ti lo, zo ti kua ti Nzapa laa asara si Eglize ti Kolose abaa gigi (1.7; 4.12).
Paul ama a tene, ambeni zo ayeke handa azo ti Eglize ti Kolose. Azo ni ayeke fa na azo ti Eglize ni ambeni ye so ayeke nde na Nzoni Tënë ti Jésus Christ. Ye so azo ni ahunda na azo ti Eglize ti Kolose ti sara ayeke so: ayeke nzoni ala ngba ti sara ye na lege ti angbene sarango ye ti akotara ti ala, ala voro angangu yingo so ayeke sara komandema na dunia so. Na ngoi ni so, Paul ayeke na da ti kanga, lege titene lo fono ayeke daa pepe, nilaa lo su mbeti so ti tokua na azo ti Eglize ti Kolose.
Mbeti so ayeke tene tënë na ndö ti Christ so Nzapa asoro lo si atokua lo titene lo soo azo. Na gbata ti Kolose, mbeto ti ayingo so zo abaa ala pepe so, ayeke sara azo mingi, so ti tene ayingo so ayeke sara komandema na dunia so. Andaa Christ ayeke ngangu ahon ayingo ni. So Christ akui na ndö ti keke ti kroa, lo zi azo na gbe ti ngangu ti ayingo ni. So Nzapa akiri amu fini na Christ, Molenge ti lo, lo mingo ngangu ti ayingo ti dunia so kue awe.
Christ ayeke nga li ti Eglize; Eglize ayeke tongana tere ti zo so ambage ni ayeke azo ti Christ. Christ ayeke makonzi ti azo ti lo, so ti tene lo laa lo yeke fa lege na ala titene dutingo ti ala na sarango ye ti ala alingbi na ti so Nzapa aye. Tongana azo ti Christ awara bateme, so laa aye ti fa atene, ala sara beoko na tënë ti kuâ ti Jésus na fini ti lo nga. Tongaso ala ga afini zo awe.
Akota ye so ayeke na ya ti mbeti so:
Atënë ti ya ti kozo mbage ti mbeti ni (1.1 – 2.5) ayeke sepela Christ so lo yeke Kota Gbia si lo yeke nga na li ti Eglize (1.15-20). Paul asambela nga ndali ti azo ti Eglize ti Kolose (1.3-14). Na pekoni, Paul adabe ti ala na ngangu so lo sara na lege ti kua ndali ti Eglize ni (1.24 – 2.5).
Na pekoni, Paul atene na azo ti Eglize ti Kolose ti sara hange (2.6 – 3.2). Alingbi ala ke ti ma azo so ayeke fa na ala asioni tënë so. Ayeke nzoni ala bata lege ti mabe so ala yeke na ni.
Ti hunzi na ni, na ya ti mbeti so, Paul amu wango mingi na ala titene lege ti dutingo ti ala ayeke mbirimbiri na ya ti Eglize, na ya ti sewa, na ya ti kodro (3.1 – 4.6).
Paul ahunzi mbeti so na barango ndo (4.7-18).
Kota tënë ti ya ti mbeti ni ayeke so: Christ ayeke na ngangu ti zi azo na gbe ti komandema ti ayingo ti vukongo ndo. Lo yeke nga na ngangu ti zi azo na ya ti aye so kue abi kangbi na popo ti azo. Tënë ti ya ti mbeti so ayeke nga ndali ti azo ti Christ ti laso.
Currently Selected:
Kolose Kete tënë na ndö ti Mbeti so Paul atokua na Eglize ti Kolose: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010