Salmo 83
83
Salmo 83
Awit na isinulat ni Asaf.
1O Diyos, huwag po sana kayong manahimik.
Huwag po ninyong takpan
ang inyong tainga.
Kumilos po kayo.
2Tingnan ang inyong mga kaaway,
maingay silang sumasalakay
at ipinagyayabang na mananalo sila.
3Nagbabalak sila ng masama
laban sa inyong mga mamamayan
na inyong kinakalinga.
4Sinabi nila, “Halikayo,
wasakin natin ang bansang Israel
upang makalimutan na siya magpakailanman.”
5At nagkasundo sila sa masamang plano nila.
Gumawa sila ng kasunduan laban sa inyo.
6Sila ay mga taga-Edom, mga Ismaelita,
mga taga-Moab, mga Hagreo,
7mga taga-Gebal, Amonita, taga-Amalek,
mga taga-Filistia at mga taga-Tiro.
8Kumampi rin sa kanila ang Asiria,
isang bansang malakas
na kakampi ng lahi ni Lot.#83:8 lahi ni Lot: Maaaring ang mga taga-Moab at Amon.
9Talunin nʼyo sila Panginoon
katulad ng ginawa nʼyo sa mga Midianita
at kina Sisera at Jabin
doon sa Lambak ng Kison.
10Namatay sila sa Endor
at ang mga bangkay nilaʼy nabulok
at naging pataba sa lupa.
11Patayin nʼyo ang mga pinuno nila
katulad ng ginawa ninyo kina Oreb
at Zeeb at kina Zeba at Zalmuna.
12Sinabi nila, “Agawin natin
ang lupain ng Diyos.”
13O Diyos ko, ikalat nʼyo sila
na parang alikabok o ipa
na nililipad ng hangin.
14-15Tulad ng apoy na tumutupok
sa mga puno sa kagubatan
at kabundukan,
habulin nʼyo sila ng inyong bagyo
at takutin ng malalakas na hangin.
16Hiyain nʼyo sila, Panginoon,
hanggang sa matuto silang lumapit sa inyo.
17Sana nga ay mapahiya
at matakot sila habambuhay.
Mamatay sana sila sa kahihiyan.
18Para malaman nilang kayo, Panginoon,
ang tanging Kataas-taasang Diyos
sa buong mundo.
Currently Selected:
Salmo 83: ASD
Highlight
Copy
Compare
Share
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
Mga Awit 83
83
Panalangin Upang Matalo ang mga Kalaban
Awit ni Asaf.
1Huwag kang manahimik, O Diyos, huwag kang magpabaya, ikaw ay kumilos.
2Hayun! Ang kaaway nagsisipag-alsa,
at ang namumuhi'y kinakalaban ka.
3Sila'y nagbabalak laban sa hinirang,
laban sa lahat ng iyong iningatan.
4Ganito ang sabi, “Ating papawiin, ang kanilang bansa'y ating lilipulin;
upang ang Israel, malimutan na rin!”
5Nagkakaisang lahat, sila ay nagplano,
kanilang pasya ay lumaban sa iyo.
6Ang lahi ni Edom at ang Ismaelita,
Moab at Agarenos lahat nagkaisa.
7Ang Gebal at Ammon gayon din ang pasya,
Amalek at Tiro at ang Filistia.
8Pati ang Asiria'y nakipagsabwatan,
sa lahi ni Lot, nakipagtulungan. (Selah)#8 SELAH: Tingnan ang Awit 3:2.
9Mga#Huk. 7:1-23; Huk. 4:6-22. bansang ito'y iyong parusahan, tulad ng parusang ginawa sa Midian,
kay Jabi't Siserang nalupig sa laban nang sa Ilog Kison, buhay winakasan.
10Pinatay lahat at ang hukbo'y nawasak,
sa Endor, ang bangkay nila ay nagkalat.
11Yaong#Huk. 7:25; Huk. 8:12. mga bantog nilang punong-kawal, kay Oreb at Zeeb iparis ang buhay.
Lupigin mong lahat ang pinuno nila tulad ng sinapit ni Zeba't Zalmuna,
12sila ang nagsabing, “Ang pastulan ng Diyos
ay ating kamkami't maging ating lubos.”
13Ikalat mo silang parang alikabok,
tulad ng dayami na tangay ng unos.
14Tulad ng pagtupok ng apoy sa gubat,
nang ang kaburula'y kubkob na ng ningas,
15gayon mo habulin ng bagyong malakas,
ito ang gawin mo't nang sila'y masindak.
16Mga taong yaon sana'y hiyain mo,
upang matutong maglingkod sa iyo.
17Lupigin mo sila't takuting lubusan,
lubos mong hiyain hanggang sa mamatay.
18Sana ikaw, Yahweh, kanilang mabatid,
ang tangi't dakilang hari ng daigdig!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2005 Philippine Bible Society