Salmo 76
76
Salmo 76
Para sa direktor ng mga mang-aawit: Awit na isinulat ni Asaf. Ginagamitan ng instrumentong may kuwerdas.
1Kilalang-kilala ang Diyos sa Juda,
at sa Israel ay dakila siya.
2Nakatira siya sa bundok ng Zion sa Jerusalem.#76:2 Jerusalem: Sa Hebreo, Salem. Isa rin itong pangalan ng Jerusalem na ang ibig sabihin ay “kapayapaan”.
3Doon, sinira niya ang mga nagniningas
na palaso ng kaaway,
ang kanilang mga pananggalang, espada
at iba pang kagamitang pandigma.
4O Diyos, makapangyarihan kayo
at higit na dakila
habang bumababa kayo sa bundok
na kung saan pinatay nʼyo
ang inyong mga kaaway.#76:4 habang … kaaway: Sa Septuagint, sa matatandang bundok.
5Binawi nʼyo sa matatapang na sundalo ang kanilang mga sinamsam.
Silang lahat ay namatay na;
wala nang makakapagbuhat pa
ng kamay sa amin.
6O Diyos ni Jacob, sa inyong sigaw,#76:6 sigaw: O saway.
ang mga kawal#76:6 kawal: Sa literal, mangangabayo. at ang kanilang mga kabayo ay namatay.
7Kaya dapat kayong katakutan.
Sinong makakatagal sa inyong harapan
kapag kayoʼy nagalit?
8Mula sa langit ay humatol kayo.
Ang mga tao sa mundo
ay natakot at tumahimik
9nang humatol kayo, O Diyos,
upang iligtas ang lahat ng inaapi sa daigdig.
10Tiyak na ang galit nʼyo sa mga tao#76:10 ang … tao: O ang galit ng mga tao.
ay magbibigay ng karangalan sa inyo,
ngunit hindi nʼyo pa lubusang ibinubuhos
ang inyong galit.
11Mangako kayo sa Panginoon
na inyong Diyos at tuparin ito.
Lahat kayong mga bansang nasa paligid,
magdala kayo ng mga regalo sa Diyos
na siyang karapat-dapat katakutan.
12Ibinababa niya ang mapagmataas
na mga pinuno;
kinatatakutan siya ng mga hari
rito sa mundo.
Currently Selected:
Salmo 76: ASD
Highlight
Copy
Compare
Share
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
Mga Awit 76
76
Diyos ang Magtatagumpay
Awit na katha ni Asaf upang awitin ng Punong Mang-aawit: sa saliw ng mga instrumentong may kuwerdas.
1Tunay na si Yahweh'y kilala sa Juda,
sa buong Israel, dakilang talaga;
2nasa Jerusalem ang tahanan niya,
sa Bundok ng Zion, doon tumitira.
3Lahat ng sandata ng mga kaaway,
mga pana't sundang, baluting sanggalang, doon niya sinirang walang pakundangan. (Selah)#3 SELAH: Tingnan ang Awit 3:2.
4O Diyos, dakila ka, ikaw ay maringal
higit pa sa matatag na kabundukan.#4 kabundukan: Sa ibang manuskrito'y bundok ng biktima, at sa iba pang manuskrito'y walang hanggang kabundukan.
5Walang magawâ, matatapang na kawal, binawi ng Diyos ang taglay na samsam;
nahihimbing sila at nakahandusay,
mga lakas nila, lahat ay pumanaw.
6Nang ika'y magalit, O Diyos ni Jacob,
sakay at kabayo'y pawang nangalugmok.
7Ikaw, O Yahweh, kinatatakutan!
Sino ang tatayo sa iyong harapan
kapag nagalit ka sa mga kinapal?
8Sa iyong paghatol na mula sa langit,
ang lahat sa mundo'y takot at tahimik.
9Nang ika'y tumayo't gawin ang paglitis,
naligtas ang mga api sa daigdig. (Selah)#9 SELAH: Tingnan ang Awit 3:2.
10Ang matinding galit sa iyo ng tao, hahantong na lahat sa pagpuri sa iyo.
Silang nangaligtas sa mga labanan, laging magpupuri at mangagdiriwang.
11Mga pangako mo kay Yahweh, iyong Diyos, ay iyong tuparin nang tapat sa loob;
dapat na magdala ng mga kaloob ang lahat ng bansa sa iyong palibot.
12Hambog na prinsipe ay ibinababâ,
tinatakot niya hari mang dakila.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2005 Philippine Bible Society