Isaias 12
12
Awit ng Pasasalamat
1Sa araw na iyon, aawit kayo:
“Panginoon, pinupuri ko kayo.
Kahit na kayoʼy nagalit sa akin,
lumipas na ito,
at ngayon akoʼy inaaliw ninyo.
2Kayo, O Diyos,
ang aking kaligtasan.
Akoʼy magtitiwala at hindi matatakot.
Kayo, Panginoon,
ang sa akiʼy nagbibigay ng lakas
at kayo rin ang aking awitin.
Tunay ngang kayo
ang nagligtas sa akin.”
3Magagalak ka sa kaligtasang
iyong mararanasan,
tulad ng pag-inom mo ng tubig
mula sa mga bukal.
4Pagsapit ng araw na iyon, aawit kayo:
“Purihin ninyo ang Panginoon!
Sambahin ninyo siya!
Sabihin ninyo sa mga bansa
ang kanyang mga ginawa.
Sabihin ninyong siyaʼy karapat-dapat purihin.
5Umawit kayo sa Panginoon
dahil kahanga-hanga
ang kanyang mga ginawa.
Ipahayag ninyo ito sa buong mundo.
6Sumigaw kayo at umawit sa galak,
kayong mga taga-Zion.
Sapagkat makapangyarihan
ang Banal na Diyos ng Israel
na nasa inyong piling.”
Currently Selected:
Isaias 12: ASD
Highlight
Share
Compare
Copy
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
