Salmo 87
87
I kafye na kdatah Sion, én banwe Dwata
Ani satu lingag bel Kora
1Fimò Dwata i syudadan di kenen bulul,
2na balù tan kalbong nawan i dademe banwe gumnè i bel Dyékob,
too bong fa nawan i syudadan, Sion.
3Too fye na gamtikeng i dad gman gablà di Sion,
i syudad Dwata.
4I dad to gmadè Dwata mdà di dad banwe Idyif na Babilon,
na mdà di dad banwe Filisya, Tiro, na Itiyofya,
fakufan ale di dad to sut di banwe Sion.
5Na glut i gman gablà di dad to di banwe Sion,
“Mdatah to, to ani ku demen to atù, du sut di banwe Sion,”
du i Too Mdatah Dwata i mlé kafye knè di dad ton.
6Di ksulat Dwata dagit i dad ton,
fakufan i dagit dad to gmadè kenen di dad to sut di banwen.
7Sayew ale na mlingag, manla,
“Di Sion gumdà i kdee kafyeito.”
Currently Selected:
Salmo 87: ITD
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.
