Ñwaè' Ruêm 15
15
1Sèe ce lisèe rbyemì li tap, sèe à ba kur ntee nè bèe ce lap rbyemì li yu wɛ̀ni. Sèe fa gèe ba buu ce nyor boŋ ba sèe ka'. 2Ŋwɛ̀ wɛɛwɛ efa sěe mʉ gee ba yuu ce nyor boŋ nfʉr yì tɛ nfʉr yì bo tap foŋ. 3Krǎis ye ye à m gèe ba yuu ce nyor boŋ ba ye ka'. Yi ku ba ba àmbò a saŋ mbe Ŋwǎ' Nyʉ̀. A saŋ mbo enɛ̂, “Mcɛp ce bèe a m cɛp wɛ̀ àgho nà, mi dù ba mbe mɛ̌ tù.” 4Buu ce a m saŋ mbe Ŋwǎ' Nyʉ̀ wɛɛwɛ, a m saŋ tɛ vi bo cep sèe, gèe tɛ sèe kur ntee, tɛɛ tatap ce kè' ba buu ce Nyʉ̀ à kà' nè sèe. 5Tɛ Nyʉ̀ ce e ke gèe sèe kur ntee, tʉr ŋger, ja' wèe tɛ wèe be'ni ndèe Jisos Krâis, cu wèe bfʉr wee wèe nè cumʉnyaŋ-ŋwɛ̀, 6tɛ wèe wɛɛwɛ bo kù'si Nyʉ̀ ce e yu Tàr nè yìsèe Tata Jisos Krǎis nè ntee e mo'sir ba cǔu mò'sir.
7Banɛ wèe koo bfʉr mo' nje nyòr a wěe mʉ àmbò Krǎis à m koo sèe foŋ na, tɛ bèe a bo ce kù'si Nyʉ̀. 8M ce làa nè wèe enɛ Krǎis à m vʉ̀ à ŋwɛ̀ rfà' nè Jus tɛ Nyʉ̀ bo gèe buu ce e m kà' nè visèe bta nà, dùŋshi enɛ e yu ŋwɛ̀ mini. 9E m vʉ̀ wa' foŋ tɛ bèe enje jɛɛ a bo yɛ, ku'si Nyʉ̀ njo' yì ŋkoosimnse. Yi ku ba àmbò a saŋ mbe Ŋwǎ' Nyʉ̀. A saŋ mbo enɛ̂,
“Banɛ m be suŋ àmbò wɛ̀ à mʉ̀ bèe enje jɛɛ,
yòp byɛɛ ce ku'si lo rlii àgho.”
10A ker saŋ foŋ enɛ̂,
“Bèe enje jɛɛ, lu'shi nè wèe bèe Nyʉ̀ wèe.”
11A ker saŋ mbe dì' mo' enɛ̂,
“Bèe enje jɛɛ wɛɛwɛ, yòŋshi nè Tata.
Tɛ běe à bto' wɛɛwɛ a ku'si ye.”
12Àsayà ye ye à m làa enɛ̂,
“Ŋwɛ̀ embe ndʉ̀' Jɛɛsì be vʉ̀.
E be vʉ̀ tɛ e bo sa' bèe enje jɛɛ àmbò yàp ŋkʉʉ.
Bèe enje jɛɛ wɛɛwɛ a be lɛ̀ mmir mbe yě ndù.”
13Tɛ Nyʉ̀ ce e gèe wèe à lɛ mi mmir mbendù buu ce vi bii ka' koni gee tɛ wèe ce lu'shi sê, cu nè cumʉnyaŋ-ŋwɛ̀ njobè' wèe à byemi nè ye. E gèe wa'a, tɛ wèe bo kù ce lɛ̀ mmir mbendù buu anà à ŋger Yʉ' Rara.
14Bfʉr wâ, m rìŋ nè mini-ŋwɛ̀ enɛ wèe yu běe bbòŋboŋ sê, a riŋ buu sê, a riŋ à rcep wèe btu. 15Ka' yi yu wa'a, mɛ̀ saŋ ŋwà' ca a laa buu mò' mbo nè wèe tatap sê, tɛ wèe bo kuushi buu anà. Mɛ̀ gèe wa'a nè ŋger ce Nyʉ̀ à fa nè mɛ̀ njo' yi ntee bòŋboŋ, 16enɛ m ba ŋwɛ̀ rfà' Jisos Krǎis nè bèe enje jɛɛ. M ce gèe rfà' ca wa'a, a ba àmbò ŋwɛ̀ taŋshi taŋshì wa'a. M ce fè'shi Nsuŋ Mbòŋmboŋ ce e lò ese Nyʉ̀ tɛ bèe enje jɛɛ a bo ba àmbò yuu m ce taŋshi taŋshì àgho ce yi yu yɛɛnì à bsii Nyʉ̀ njobè' Yʉ' Rara yi gèe yi ba rara. 17Banɛ àde' m naatu à rfà' ce mɛ̀ gèe nè Nyʉ̀ njobè' wèr Jisos Krǎis yu àbee. 18Àde' m ker naatu à yuu jɛɛ caa efa rfà' ce mɛ̀ gèe à ŋger Krǎis à mʉ̀ bèe enje jɛɛ ka'. Wowèe a ce yu'ni nè Krǎis njo' buu ce mɛ̀ làa ker ba buu ce mɛ̀ gèe. 19Wowèe a m yu'ni foŋ njobè' mɛ̀ m dùŋshi mncòo ba buu bbɛ̀ɛ, ker ba njo' ŋger Yʉ' Rara. Kɛ̌' ese à rla' Jɛ̀rusalɛ̀m du ba' à rla' Ìlirikòm, mɛ̀ fè'shi Nsuŋ Mbòŋmboŋ àmbò Krâis, a bɛr yuu mo' ka'. 20Mɛ̌ ke ghèter à nfè' wɛɛwɛ à rfè'shi Nsuŋ Mbòŋmboŋ anà à bdì' ce bèe a m be yu' rlii Krǎis ka'. Mɛ̌ ke gèe wa'a, fà dì' m bo bà'ri mbendù kùundap ce ŋwɛ̀ mò' à boo ka'. 21M ku ce gèe ba àmbò a saŋ mbe Ŋwǎ' Nyʉ̀. A saŋ mbo enɛ̂,
“Bèe ce a m be suŋ wowèe yuu mo' àmbò ye ka' a be yɛ.
Bèe ce a m be yu' yuu mo' àmbò ye ka' a be rìŋ.”
22A yuu ce yi jepsi mɛ̀ nfè' àŋgoo se à rvʉ̀ cà'ni wèe. 23Dì' mo' yi ker ba àgho nè mɛ̀ sè'ni à rfà' àfa ka'. Yu bfè' àŋgoo se àmbò mɛ̀ m ce koŋ à rvʉ̀ cà'ni wèe. 24Banɛ m ka' ce dù à to' Spɛ̂n, tɛ m lɛ' cà'ni wee wèe tɛ sèe ku cu nfè' mʉcàr, tɛ m bo yu' rbòŋ à rba a wěe mʉ, tɛ wèe ka' jà' mɛ̀ tɛ m dû. 25M ce dù à rla' Jɛ̀rusalɛ̀m sè'ni na, tɛ m bo fa mbàa nè bèe Nyʉ̀ ce a yu àfo. 26M ce dù njobè' ŋgǎa rbyemì ce a yu à ŋgǒŋ Mɛ̀sɛ̀donìyà ba ŋgǒŋ Àkayà a m kwà'shi enɛ wowèe a be kùu mbàa tɛ a bo jà' ŋgǎa fùp ce a yu à mʉ bèe Nyʉ̀ à rla' Jɛ̀rusalɛ̀m. 27Wowèe a m yɛ enɛ yi yu yɛɛnì à rgèe wa'a. Nè mini-ŋwɛ̀ yu yap bdì' à rjà' Jûs. Bèe enje jɛɛ a koni bghònì efa yuu ce Nyʉ̀ à m gèe nè Jûs, banɛ yi yu bòŋboŋ enɛ wowèe a ja' Jus foŋ nè buu ce Nyʉ̀ à ghòni wowèe àgho. 28M ka' du ba' fa mbàa ce a kùu anà nè wowèe, misi rfà' anà, tɛ m lɛ' cà'ni wèe ka' càa dù à to' Spɛ̂n. 29M rìŋ mɛnɛ m be vʉ̀ cà'ni wèe tɛ sèe koni bghònì ese Krǎis gòr sê. 30Bfʉr wâ, m ce bu' mmbo nè wèe à rlii Tata Jisos Krâis, a ce bu' mmbo nè wèe njobè' rkòŋnì ce sèe à koni ese yi yʉ', enɛ wèe koni mɛ̀ à rloo ce m ce loo nè yà nyor, tɛ sèe loo àbee. 31Loo nè enɛ Nyʉ̀ fʉr mɛ̀ embà mmbo bèe à ŋgǒŋ Jùdiyà ce a byemi nè Jisos Krǎis ka' nà. Loo nè foŋ enɛ bèe Nyʉ̌ à rla' Jɛ̀rusalɛ̀m a yu' rbòŋ nè mbàa ce m ce dù fa nè wowèe, 32tɛ Nyʉ̀ ka' byemi, m bo vʉ̀ yɛ wèe nè rlu'shì-ŋwɛ̀, tɛ m bo lʉ̀shi, tɛ sèe yu' rbòŋ. 33Nyʉ̀ ce e ke fa bèe cumʉnyaŋ, ba wèe wowèe wɛɛwɛ. Yi yu wa'a.
Currently Selected:
Ñwaè' Ruêm 15: LNT
Highlight
Copy
Compare
Share
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.
Ñwaè' Ruêm 15
15
1Sèe ce lisèe rbyemì li tap, sèe à ba kur ntee nè bèe ce lap rbyemì li yu wɛ̀ni. Sèe fa gèe ba buu ce nyor boŋ ba sèe ka'. 2Ŋwɛ̀ wɛɛwɛ efa sěe mʉ gee ba yuu ce nyor boŋ nfʉr yì tɛ nfʉr yì bo tap foŋ. 3Krǎis ye ye à m gèe ba yuu ce nyor boŋ ba ye ka'. Yi ku ba ba àmbò a saŋ mbe Ŋwǎ' Nyʉ̀. A saŋ mbo enɛ̂, “Mcɛp ce bèe a m cɛp wɛ̀ àgho nà, mi dù ba mbe mɛ̌ tù.” 4Buu ce a m saŋ mbe Ŋwǎ' Nyʉ̀ wɛɛwɛ, a m saŋ tɛ vi bo cep sèe, gèe tɛ sèe kur ntee, tɛɛ tatap ce kè' ba buu ce Nyʉ̀ à kà' nè sèe. 5Tɛ Nyʉ̀ ce e ke gèe sèe kur ntee, tʉr ŋger, ja' wèe tɛ wèe be'ni ndèe Jisos Krâis, cu wèe bfʉr wee wèe nè cumʉnyaŋ-ŋwɛ̀, 6tɛ wèe wɛɛwɛ bo kù'si Nyʉ̀ ce e yu Tàr nè yìsèe Tata Jisos Krǎis nè ntee e mo'sir ba cǔu mò'sir.
7Banɛ wèe koo bfʉr mo' nje nyòr a wěe mʉ àmbò Krǎis à m koo sèe foŋ na, tɛ bèe a bo ce kù'si Nyʉ̀. 8M ce làa nè wèe enɛ Krǎis à m vʉ̀ à ŋwɛ̀ rfà' nè Jus tɛ Nyʉ̀ bo gèe buu ce e m kà' nè visèe bta nà, dùŋshi enɛ e yu ŋwɛ̀ mini. 9E m vʉ̀ wa' foŋ tɛ bèe enje jɛɛ a bo yɛ, ku'si Nyʉ̀ njo' yì ŋkoosimnse. Yi ku ba àmbò a saŋ mbe Ŋwǎ' Nyʉ̀. A saŋ mbo enɛ̂,
“Banɛ m be suŋ àmbò wɛ̀ à mʉ̀ bèe enje jɛɛ,
yòp byɛɛ ce ku'si lo rlii àgho.”
10A ker saŋ foŋ enɛ̂,
“Bèe enje jɛɛ, lu'shi nè wèe bèe Nyʉ̀ wèe.”
11A ker saŋ mbe dì' mo' enɛ̂,
“Bèe enje jɛɛ wɛɛwɛ, yòŋshi nè Tata.
Tɛ běe à bto' wɛɛwɛ a ku'si ye.”
12Àsayà ye ye à m làa enɛ̂,
“Ŋwɛ̀ embe ndʉ̀' Jɛɛsì be vʉ̀.
E be vʉ̀ tɛ e bo sa' bèe enje jɛɛ àmbò yàp ŋkʉʉ.
Bèe enje jɛɛ wɛɛwɛ a be lɛ̀ mmir mbe yě ndù.”
13Tɛ Nyʉ̀ ce e gèe wèe à lɛ mi mmir mbendù buu ce vi bii ka' koni gee tɛ wèe ce lu'shi sê, cu nè cumʉnyaŋ-ŋwɛ̀ njobè' wèe à byemi nè ye. E gèe wa'a, tɛ wèe bo kù ce lɛ̀ mmir mbendù buu anà à ŋger Yʉ' Rara.
14Bfʉr wâ, m rìŋ nè mini-ŋwɛ̀ enɛ wèe yu běe bbòŋboŋ sê, a riŋ buu sê, a riŋ à rcep wèe btu. 15Ka' yi yu wa'a, mɛ̀ saŋ ŋwà' ca a laa buu mò' mbo nè wèe tatap sê, tɛ wèe bo kuushi buu anà. Mɛ̀ gèe wa'a nè ŋger ce Nyʉ̀ à fa nè mɛ̀ njo' yi ntee bòŋboŋ, 16enɛ m ba ŋwɛ̀ rfà' Jisos Krǎis nè bèe enje jɛɛ. M ce gèe rfà' ca wa'a, a ba àmbò ŋwɛ̀ taŋshi taŋshì wa'a. M ce fè'shi Nsuŋ Mbòŋmboŋ ce e lò ese Nyʉ̀ tɛ bèe enje jɛɛ a bo ba àmbò yuu m ce taŋshi taŋshì àgho ce yi yu yɛɛnì à bsii Nyʉ̀ njobè' Yʉ' Rara yi gèe yi ba rara. 17Banɛ àde' m naatu à rfà' ce mɛ̀ gèe nè Nyʉ̀ njobè' wèr Jisos Krǎis yu àbee. 18Àde' m ker naatu à yuu jɛɛ caa efa rfà' ce mɛ̀ gèe à ŋger Krǎis à mʉ̀ bèe enje jɛɛ ka'. Wowèe a ce yu'ni nè Krǎis njo' buu ce mɛ̀ làa ker ba buu ce mɛ̀ gèe. 19Wowèe a m yu'ni foŋ njobè' mɛ̀ m dùŋshi mncòo ba buu bbɛ̀ɛ, ker ba njo' ŋger Yʉ' Rara. Kɛ̌' ese à rla' Jɛ̀rusalɛ̀m du ba' à rla' Ìlirikòm, mɛ̀ fè'shi Nsuŋ Mbòŋmboŋ àmbò Krâis, a bɛr yuu mo' ka'. 20Mɛ̌ ke ghèter à nfè' wɛɛwɛ à rfè'shi Nsuŋ Mbòŋmboŋ anà à bdì' ce bèe a m be yu' rlii Krǎis ka'. Mɛ̌ ke gèe wa'a, fà dì' m bo bà'ri mbendù kùundap ce ŋwɛ̀ mò' à boo ka'. 21M ku ce gèe ba àmbò a saŋ mbe Ŋwǎ' Nyʉ̀. A saŋ mbo enɛ̂,
“Bèe ce a m be suŋ wowèe yuu mo' àmbò ye ka' a be yɛ.
Bèe ce a m be yu' yuu mo' àmbò ye ka' a be rìŋ.”
22A yuu ce yi jepsi mɛ̀ nfè' àŋgoo se à rvʉ̀ cà'ni wèe. 23Dì' mo' yi ker ba àgho nè mɛ̀ sè'ni à rfà' àfa ka'. Yu bfè' àŋgoo se àmbò mɛ̀ m ce koŋ à rvʉ̀ cà'ni wèe. 24Banɛ m ka' ce dù à to' Spɛ̂n, tɛ m lɛ' cà'ni wee wèe tɛ sèe ku cu nfè' mʉcàr, tɛ m bo yu' rbòŋ à rba a wěe mʉ, tɛ wèe ka' jà' mɛ̀ tɛ m dû. 25M ce dù à rla' Jɛ̀rusalɛ̀m sè'ni na, tɛ m bo fa mbàa nè bèe Nyʉ̀ ce a yu àfo. 26M ce dù njobè' ŋgǎa rbyemì ce a yu à ŋgǒŋ Mɛ̀sɛ̀donìyà ba ŋgǒŋ Àkayà a m kwà'shi enɛ wowèe a be kùu mbàa tɛ a bo jà' ŋgǎa fùp ce a yu à mʉ bèe Nyʉ̀ à rla' Jɛ̀rusalɛ̀m. 27Wowèe a m yɛ enɛ yi yu yɛɛnì à rgèe wa'a. Nè mini-ŋwɛ̀ yu yap bdì' à rjà' Jûs. Bèe enje jɛɛ a koni bghònì efa yuu ce Nyʉ̀ à m gèe nè Jûs, banɛ yi yu bòŋboŋ enɛ wowèe a ja' Jus foŋ nè buu ce Nyʉ̀ à ghòni wowèe àgho. 28M ka' du ba' fa mbàa ce a kùu anà nè wowèe, misi rfà' anà, tɛ m lɛ' cà'ni wèe ka' càa dù à to' Spɛ̂n. 29M rìŋ mɛnɛ m be vʉ̀ cà'ni wèe tɛ sèe koni bghònì ese Krǎis gòr sê. 30Bfʉr wâ, m ce bu' mmbo nè wèe à rlii Tata Jisos Krâis, a ce bu' mmbo nè wèe njobè' rkòŋnì ce sèe à koni ese yi yʉ', enɛ wèe koni mɛ̀ à rloo ce m ce loo nè yà nyor, tɛ sèe loo àbee. 31Loo nè enɛ Nyʉ̀ fʉr mɛ̀ embà mmbo bèe à ŋgǒŋ Jùdiyà ce a byemi nè Jisos Krǎis ka' nà. Loo nè foŋ enɛ bèe Nyʉ̌ à rla' Jɛ̀rusalɛ̀m a yu' rbòŋ nè mbàa ce m ce dù fa nè wowèe, 32tɛ Nyʉ̀ ka' byemi, m bo vʉ̀ yɛ wèe nè rlu'shì-ŋwɛ̀, tɛ m bo lʉ̀shi, tɛ sèe yu' rbòŋ. 33Nyʉ̀ ce e ke fa bèe cumʉnyaŋ, ba wèe wowèe wɛɛwɛ. Yi yu wa'a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.