Ñwaè' Ruêm 14
14
1Ŋwɛ̀ ce li rbyemì li ka' ba wɛ̀ni, wèe koo ŋgàŋ a wěe mʉ. Wèe ŋwɛ̀ anà wèe fa sɛr ba mnsɛr àmbò yuu ce e byemi enɛ e ba gèe ka'. 2Ŋwɛ̀ mò' à byemi yi enɛ àtà e ye njɛ̀ɛ buu wɛɛwɛ, ŋwɛ̀ ce li rbyemì li yu wɛ̀ni à ku ce ye yi ba njàp ce a kap kap. 3Ŋwɛ̀ ce e ce ye njɛ̀ɛ buu wɛɛwɛ fa jàasi ŋwɛ̀ ce e kani efa rye njɛ̀ɛ byee mo' nà ka', ŋwɛ̀ ce e ce ye njɛ̀ɛ byee mo' ka' nà fa làa enɛ ŋwɛ̀ ce e ye njɛ̀ɛ byee wɛɛwɛ à gèe yuu bebep ka', njobè' Nyʉ̀ à koo ŋwɛ̀ anà à yì ŋwɛ̀. 4À yu nda, ka' sa' ŋwɛ̀ rfà' ŋwɛ̀ mò'? Ŋwɛ̀ ce àde' e laa enɛ ŋwɛ̀ rfà' à gèe bòŋboŋ kɛ̀ bebep ɛ̀, ku ba yì masà. E be gwè ka' njobè' Tata tʉr ŋger à rgèe ye tɛ e tɛɛ tatap.
5Bèe mò' a ce lòr enɛ nǒŋ mo' yu nǒŋ gòr a caa mnòŋ wɛɛwɛ, bèe mo' a lor yap enɛ mnòŋ wɛɛwɛ vi ku ba yɛɛnì. Ŋwɛ̀ wɛɛwɛ à ba kwà'shi, rìŋ nè mini-ŋwɛ̀ enɛ yuu ce e ce kwà'shi yi yu yɛɛnì. 6Ŋwɛ̀ ce e ce lòr enɛ nǒŋ mo' yi yu jɛɛ ce gèe wa'a tɛ e bo yu'ni nè Tatâ. Ŋwɛ̀ ce e ce ye buu wɛɛwɛ, ce gèe wa'a njobè' e ce kòŋ à ryu'ni nè Tata foŋ. E ce yòŋshi Nyʉ̀ à byee anà. Ŋwɛ̀ ce e kani efa rye njɛ̀ɛ byee mo', ce gèe wa'a njobè' e ce kòŋ à ryu'ni nè Tata foŋ. Ye ye ce yòŋshi Nyʉ̀. 7Ŋwɛ̀ mò' efa sěe mʉ ce cu nè yi tu ka'. Ŋwɛ̀ mò' efa sěe mʉ ce kwe nè yi tu ka'. 8Sèe à ka' cu btèe, sèe ku ce yu' ba ese Tatâ. Sèe à ka' kwe, banɛ sèe ku ba ba mba yě mmbò. Banɛ kɛ̀ sèe à cu btèe ɛ̀, kɛ̀ sèe à kwe ɛ̀, sèe ku ba ba mbà mmbo Tatâ. 9A mbùu ce Krǎis à m kwe a fʉʉ efa rkwe. E m gèe wa'a tɛ e bo ba Tata nè bèe ce a kweŋger ba bèe ce a cu btèe. 10Àmbò yi yu wa' na, wɛ̀ ka' ce sa' nfʉrò njokɛ? À ce jàasi nfʉrò njokɛ? Sèe wɛɛwɛ be kè tɛɛ kùntombì nè Nyʉ̀ tɛ e sa' sèe. 11A saŋ mbe Ŋwǎ' Nyʉ̀ enɛ̂,
“Tata à làa enɛ̂,
‘Àmbò m yu ntèe na ŋwɛ̀ wɛɛwɛ be kè gʉ'shi njep mɛ̌ tìi.
Ŋwɛ̀ wɛɛwɛ be kè làa nè yi cùu enɛ m yu Nyʉ̀.”
12Banɛ ŋwɛ̀ wɛɛwɛ be kè tɛɛ kùntombì nè Nyʉ̀, suŋ yuu ce e m gèe.
13Banɛ sèe fa kèr sa' visèe mnyor ka'. Yuu ce wèe à ba gèe yi yu enɛ wèe kani enɛ wèe be kè gèe yuu mo' ce àde' yi gee nfʉr yè mò' kote kɛ̀ gwe ka'. 14À ka' ba àmbò wèr Tata Jisòs yu àbee na, mɛ̀ riŋ nè mini-ŋwɛ̀ enɛ njɛ̀ɛ byee mo' vi yu ce àde' ŋwɛ̀ buu efa rye ka'. Ka' yi yu wa'a, ŋwɛ̀ à ka' byemi enɛ njɛ̀ɛ byee mo' vi bòŋ à rye ka', banɛ byee anà vi yu bòŋboŋ nè ye ka'. 15Ntee yi ka' ce yaŋ nfʉrò njobè' à ce ye njɛ̀ɛ byee mo', banɛ à ker ce kòŋ ye ka'. Fa mà'shi tɛ byee vi kʉti ba yuu ce yi be gèe tɛ ŋwɛ̀ ce Krǎis à m kwe a yě tù gwe ka'. 16Fa gèe tɛ yuu ce yi yu bòŋboŋ nè wɛ̀, yi kʉti ba yuu ce bèe a be làa bebep àgho ka'. 17Yuu ce yi yu gòr nè bèe ce Nyʉ̀ yu yàp ŋkʉʉ yu ba buu bye ba buu mno ka'. Yuu ce yi yu gòr yu ba ŋgěe yɛɛnì ba cumʉnyaŋ, ker ba rlu'shì ce li lò ese Yʉ' Rara. 18Ŋwɛ̀ à ka' ce fà' nè Krǎis à njɛ̌ɛ wa'a, banɛ Nyʉ̀ be yu' rbòŋ nè ŋgàŋ, tɛ bèe a vʉse ye.
19Banɛ sèe gheter ce gee ba buu ce vi be gèe tɛ sèe cu nè cumʉnyaŋ-ŋwɛ̀, kèr gèe tɛ sèe ce kù' àbee. 20Fa bepsi rfǎ' Nyʉ̀ njo' byee ka'. Nyʉ̀ à kani sèe efa rye njɛ̀ɛ byee mo' ka'. Ka' yi yu wa'a, wɛ̀ ka' ye yuu ce yi be gèe tɛ nfʉrò gwê, banɛ wɛ̀ gèe yuu bebep. 21Yi yu bòŋboŋ enɛ à borni efa rye nyàa, ker borni efa rno mrù', borni efa gèe njɛ̀ɛ yuu ce àde' yi gee nfʉrò kotè. 22Wɛ̀ ka' byemi enɛ Nyʉ̀ à kani wɛ̀ efa rgèe buu ca ka', à ma'shì tɛ ku rìŋ ba wɛ̀ wèe Nyʉ̀. Ŋwɛ̀ ce e ka' riŋ enɛ yuu ce e ce gèe yi yu yɛɛnì, yi ntee yi ce fa ye ŋgɛ' à yuu anà ka', banɛ ŋgàŋ yu ŋwɛ̀ rbǒŋtu. 23Ŋwɛ̀ à ka' ce tarni à rye njɛ̀ɛ byee mo', kʉti ye byee anà, banɛ Nyʉ̀ be tàa ye njobè' e ce ye byee anà wa'a, a byemi enɛ yi yu yɛɛnì nè ye à rye ka'. Ŋwɛ̀ à ka' ce gèe yuu ce e byemi enɛ yi yu yɛɛnì ka', banɛ ŋwɛ̀ anà à gèe yuu bebep.
Currently Selected:
Ñwaè' Ruêm 14: LNT
Highlight
Copy
Compare
Share
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.
Ñwaè' Ruêm 14
14
1Ŋwɛ̀ ce li rbyemì li ka' ba wɛ̀ni, wèe koo ŋgàŋ a wěe mʉ. Wèe ŋwɛ̀ anà wèe fa sɛr ba mnsɛr àmbò yuu ce e byemi enɛ e ba gèe ka'. 2Ŋwɛ̀ mò' à byemi yi enɛ àtà e ye njɛ̀ɛ buu wɛɛwɛ, ŋwɛ̀ ce li rbyemì li yu wɛ̀ni à ku ce ye yi ba njàp ce a kap kap. 3Ŋwɛ̀ ce e ce ye njɛ̀ɛ buu wɛɛwɛ fa jàasi ŋwɛ̀ ce e kani efa rye njɛ̀ɛ byee mo' nà ka', ŋwɛ̀ ce e ce ye njɛ̀ɛ byee mo' ka' nà fa làa enɛ ŋwɛ̀ ce e ye njɛ̀ɛ byee wɛɛwɛ à gèe yuu bebep ka', njobè' Nyʉ̀ à koo ŋwɛ̀ anà à yì ŋwɛ̀. 4À yu nda, ka' sa' ŋwɛ̀ rfà' ŋwɛ̀ mò'? Ŋwɛ̀ ce àde' e laa enɛ ŋwɛ̀ rfà' à gèe bòŋboŋ kɛ̀ bebep ɛ̀, ku ba yì masà. E be gwè ka' njobè' Tata tʉr ŋger à rgèe ye tɛ e tɛɛ tatap.
5Bèe mò' a ce lòr enɛ nǒŋ mo' yu nǒŋ gòr a caa mnòŋ wɛɛwɛ, bèe mo' a lor yap enɛ mnòŋ wɛɛwɛ vi ku ba yɛɛnì. Ŋwɛ̀ wɛɛwɛ à ba kwà'shi, rìŋ nè mini-ŋwɛ̀ enɛ yuu ce e ce kwà'shi yi yu yɛɛnì. 6Ŋwɛ̀ ce e ce lòr enɛ nǒŋ mo' yi yu jɛɛ ce gèe wa'a tɛ e bo yu'ni nè Tatâ. Ŋwɛ̀ ce e ce ye buu wɛɛwɛ, ce gèe wa'a njobè' e ce kòŋ à ryu'ni nè Tata foŋ. E ce yòŋshi Nyʉ̀ à byee anà. Ŋwɛ̀ ce e kani efa rye njɛ̀ɛ byee mo', ce gèe wa'a njobè' e ce kòŋ à ryu'ni nè Tata foŋ. Ye ye ce yòŋshi Nyʉ̀. 7Ŋwɛ̀ mò' efa sěe mʉ ce cu nè yi tu ka'. Ŋwɛ̀ mò' efa sěe mʉ ce kwe nè yi tu ka'. 8Sèe à ka' cu btèe, sèe ku ce yu' ba ese Tatâ. Sèe à ka' kwe, banɛ sèe ku ba ba mba yě mmbò. Banɛ kɛ̀ sèe à cu btèe ɛ̀, kɛ̀ sèe à kwe ɛ̀, sèe ku ba ba mbà mmbo Tatâ. 9A mbùu ce Krǎis à m kwe a fʉʉ efa rkwe. E m gèe wa'a tɛ e bo ba Tata nè bèe ce a kweŋger ba bèe ce a cu btèe. 10Àmbò yi yu wa' na, wɛ̀ ka' ce sa' nfʉrò njokɛ? À ce jàasi nfʉrò njokɛ? Sèe wɛɛwɛ be kè tɛɛ kùntombì nè Nyʉ̀ tɛ e sa' sèe. 11A saŋ mbe Ŋwǎ' Nyʉ̀ enɛ̂,
“Tata à làa enɛ̂,
‘Àmbò m yu ntèe na ŋwɛ̀ wɛɛwɛ be kè gʉ'shi njep mɛ̌ tìi.
Ŋwɛ̀ wɛɛwɛ be kè làa nè yi cùu enɛ m yu Nyʉ̀.”
12Banɛ ŋwɛ̀ wɛɛwɛ be kè tɛɛ kùntombì nè Nyʉ̀, suŋ yuu ce e m gèe.
13Banɛ sèe fa kèr sa' visèe mnyor ka'. Yuu ce wèe à ba gèe yi yu enɛ wèe kani enɛ wèe be kè gèe yuu mo' ce àde' yi gee nfʉr yè mò' kote kɛ̀ gwe ka'. 14À ka' ba àmbò wèr Tata Jisòs yu àbee na, mɛ̀ riŋ nè mini-ŋwɛ̀ enɛ njɛ̀ɛ byee mo' vi yu ce àde' ŋwɛ̀ buu efa rye ka'. Ka' yi yu wa'a, ŋwɛ̀ à ka' byemi enɛ njɛ̀ɛ byee mo' vi bòŋ à rye ka', banɛ byee anà vi yu bòŋboŋ nè ye ka'. 15Ntee yi ka' ce yaŋ nfʉrò njobè' à ce ye njɛ̀ɛ byee mo', banɛ à ker ce kòŋ ye ka'. Fa mà'shi tɛ byee vi kʉti ba yuu ce yi be gèe tɛ ŋwɛ̀ ce Krǎis à m kwe a yě tù gwe ka'. 16Fa gèe tɛ yuu ce yi yu bòŋboŋ nè wɛ̀, yi kʉti ba yuu ce bèe a be làa bebep àgho ka'. 17Yuu ce yi yu gòr nè bèe ce Nyʉ̀ yu yàp ŋkʉʉ yu ba buu bye ba buu mno ka'. Yuu ce yi yu gòr yu ba ŋgěe yɛɛnì ba cumʉnyaŋ, ker ba rlu'shì ce li lò ese Yʉ' Rara. 18Ŋwɛ̀ à ka' ce fà' nè Krǎis à njɛ̌ɛ wa'a, banɛ Nyʉ̀ be yu' rbòŋ nè ŋgàŋ, tɛ bèe a vʉse ye.
19Banɛ sèe gheter ce gee ba buu ce vi be gèe tɛ sèe cu nè cumʉnyaŋ-ŋwɛ̀, kèr gèe tɛ sèe ce kù' àbee. 20Fa bepsi rfǎ' Nyʉ̀ njo' byee ka'. Nyʉ̀ à kani sèe efa rye njɛ̀ɛ byee mo' ka'. Ka' yi yu wa'a, wɛ̀ ka' ye yuu ce yi be gèe tɛ nfʉrò gwê, banɛ wɛ̀ gèe yuu bebep. 21Yi yu bòŋboŋ enɛ à borni efa rye nyàa, ker borni efa rno mrù', borni efa gèe njɛ̀ɛ yuu ce àde' yi gee nfʉrò kotè. 22Wɛ̀ ka' byemi enɛ Nyʉ̀ à kani wɛ̀ efa rgèe buu ca ka', à ma'shì tɛ ku rìŋ ba wɛ̀ wèe Nyʉ̀. Ŋwɛ̀ ce e ka' riŋ enɛ yuu ce e ce gèe yi yu yɛɛnì, yi ntee yi ce fa ye ŋgɛ' à yuu anà ka', banɛ ŋgàŋ yu ŋwɛ̀ rbǒŋtu. 23Ŋwɛ̀ à ka' ce tarni à rye njɛ̀ɛ byee mo', kʉti ye byee anà, banɛ Nyʉ̀ be tàa ye njobè' e ce ye byee anà wa'a, a byemi enɛ yi yu yɛɛnì nè ye à rye ka'. Ŋwɛ̀ à ka' ce gèe yuu ce e byemi enɛ yi yu yɛɛnì ka', banɛ ŋwɛ̀ anà à gèe yuu bebep.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.