Zabuli 138
138
Kulanda kwa kulonga malumbo
(Lwimbo lwa Daudi.)
1Ndangulonga malumbo, gwa Mkulu Nguluwi, kwa nhumbula ya heni yeng'ha,
ndangwimba lutogo lwa hegwe hali milungu.
2Ndanginamiza kulola kuli ng'handa ya hegwe yelile,
ndangulitogola itagwa lya hegwe,
kwa chiwalo cha igano lya kwimilila lya hegwe na kukundigwa kwa hegwe,
kwa vila nakuwika itagwa lya hegwe na ulonzi wa hegwe
mchanya mwa chila chinhu.
3Londikulilile, hegwe nakunyidichila,
nakunyonjezela mong'ho wa nhumbula.
4Gwa Mkulu Nguluwi, wandewa weng'ha muisi wokutogola,
kwa vila nawahulika ulonzi wa hegwe.
5Wokwimba lutogo lwa ndaze vyoulingudita, gwa Mkulu Nguluwi,
kwa vila hegwe ndo mkulu ng'hatu.
6Hanga hegwe, gwa Mkulu Nguluwi kwa mchanya mwa weng'ha,
kwanguwalola kwa kunoga wawele ng'hochele,
ila walingidaya kwanguwonaga kulawa kutali.
7Hala hondifichigwa na magazo, hegwe kwangunyamila,
kwangugolola moko wa hegwe kwa chiwalo cha ng'halazi ya wang'honyo wa heni,
kwa mong'ho wa hegwe ukulu, kwangundohola.
8Gwa Mkulu Nguluwi, kokweneza geng'ha goulagane na heni.
Igano lya kwimilila lya hegwe, gwa Mkulu Nguluwi, lyangikala mazuwa gose.
Uleche kujileka kutali mijito ja moko wa hegwe.
Currently Selected:
Zabuli 138: Chividunda
Highlight
Copy
Compare
Share
Want to have your highlights saved across all your devices? Sign up or sign in
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators
