Zabuli 125
125
Mkulu Nguluwi kanguwazunguluta wanhu wa heye
(Lwimbo lwa kuluta kuchanya.)
1Walingitumbila kwa Mkulu Nguluwi, wa kota chidunda cha Siyoni,
chiwele hambe chitigasiche ila changupona chiwele nzinzili mazuwa gose.
2Kota Yelusalemu vyoilinguzungulutwa na vidunda,
ndo Mkulu Nguluwi vyoyalinguwazunguluta wanhu wa heye,
kulawa sambi na mazuwa gose.
3Wehile hawolutilila kuilongoza isi ya watanganiche,
leka watanganiche waleche kudita gehile kota wala.
4Gwa Mkulu Nguluwi, uwe unojile kwa wanhu wanojile,
kwa wala wagoloche nhumbula.
5Ila walingugalamka na kuwinza nzila za hewo zihile,
Mkulu Nguluwi uwose hamwe na walingudita gehile.
Kikala goya kuwe na Isilaeli.
Currently Selected:
Zabuli 125: Chividunda
Highlight
Copy
Compare
Share
Want to have your highlights saved across all your devices? Sign up or sign in
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators
