Nhelo 9
9
Luhala na upoka
1Luhala ndo kota mdala yazenjile ng'handa yake,
ng'handa iwele na mizengo saba#9:1 ng'handa iwele na mizengo saba Ulonzi awu hauwele hazelu. Ajo mizengo saba ama milingo saba hanji ndo kuwala misisi ama milingo jiwele Mkulu Nguluwi nakajizenga mhela wa kuilumba isi (ulole sula ya 8:29-30) ama ndo kuwala hisabu saba iwele yangutumika mala nyinji kuli Bibiliya kota kiwhana kwa kwenela..
2Nakajidumula singo migongolo ja mnvina,
divai yake nakaiwika goya,
nakachiwika goya chisaga chake.
3Nakawalajiza vitumagwa wa heye wadala mujini,
wawacheme wanhu kulawa kuli vinhembenhembe vya vigongo,
4“Yoneche yawele mpoka yoye hano.”
Na yoneche yasowile nyhala kangumlonjelaga,
5“Uye ulye chilyo,
na unwe divai yongongomanye.
6Wileche na upoka leka wikale,
uwinze nzila ya nyhala.”
7Yalingumlonga yalingubeza kangupataga maligo,
yalingumng'hanuchila mwihe kangudumilaga kwa kulumizwa.
8Uleche kumkanya yalingubeza kwa vila kokuzudila,
umkanye yawele na luhala naye kokugana.
9Umlanguse yawele na luhala, ayo kolutilila kuwa na luhala,
mlanguse yatanganiche, naye kolutilila kuwa na kuvizela.
10Kumdumba Mkulu Nguluwi ndo msisi wa luhala,
na kumzela yula Yelile ndo kuwa na nyhala.
11Kwa utanzi wa heni luhala, mazuwa ga hegwe gokonjezwa,
kokonjezelwa miyaka minji kuli ukomu wa hegwe.
12Wone kuna luhala, lwokupa chonolo,
wone ulubeze, kogazika ng'hatu.
13Upoka ndo kota mdala yalingulonga kwa lizi likulu,
ndo kahela nyhala na havizelele chinhu.
14Kangikalisaga hali lwizi lwa ng'handa ya heye,
kanguwikaga chigoda cha heye honhu ha kuchanya mujini,
15na kuwachema wanhu walingukola mnzila,
wanhu walinguluta kuli mijito ja hewo,
16“Yoneche yawele mpoka yoye hano.”
Yoneche yasowile nyhala kangumlonjelaga,
17“Mazi ga uhizi ndo ganona ng'hatu,
ibumunda lilinguligwa kwa uviso ndo linona lukami.”
18Ila mpoka havizelele kota amo hana wabagame,
wajenzi wa mdala ayo wa hasi kuli isi ya wabagame.
Currently Selected:
Nhelo 9: Chividunda
Highlight
Share
Copy
Want to have your highlights saved across all your devices? Sign up or sign in
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators
