Salamo 87
87
Ziona, tanindrazan’ny firenena rehetra
Salamo nataon’ny Koraìta. Tononkira.
1Ny naorin’NY TOMPO dia eo amin’ny tendrombohitra masina.
2Ny vavahadin’i Ziona* dia tian’NY TOMPO
mihoatra noho ny fonenana rehetra izay an’i Jakoba.
3Zava-malaza no nolazaina momba anao,
ry tanànan’Andriamanitra. Fiatoana.
4Hanonona an’i Ejipta sy Babilona Aho
ho isan’izay mahalala Ahy;
indro ny tanin’ny Filistina sy i Tiro mbamin’i Kosy,
ity dia teraka tao.
5Ary i Ziona dia hilazana hoe:
Ireto sy ireroa dia samy teraka tao;
ny Avo Indrindra no mampitoetra azy.
6NY TOMPO hanisa, raha manoratra ny firenena Izy:
Ity dia teraka tao. Fiatoana.
7Hoy izay mihira sy mandihy:
Ny loharanoko rehetra dia ao Aminao.
Currently Selected:
Salamo 87: MRV
Highlight
Copy
Compare
Share
Want to have your highlights saved across all your devices? Sign up or sign in
© La Société Biblique Malgache 2011
