Salamo 125
125
Izay matoky NY TOMPO
Hira fanao amin’ny fiakarana.
1Izay matoky NY TOMPO
dia tahaka ny tendrombohitra Ziona*
izay tsy mihetsika fa mitoetra mandrakizay.
2Tahaka ny tendrombohitra manodidina an’i Jerosalema
no anodidinan’NY TOMPO ny olony
hatramin’izao ka ho mandrakizay.
3Fa tsy hitoetra eo amin’ny anjaran’ny marina ny tehim-panjakan’ny ratsy fanahy,
fandrao hanainga ny tanany hanendry zava-dratsy ny marina.
4TOMPO ô, manaova soa amin’ny tsara
sy ny mahitsy fo.
5Fa izay mivily ho amin’ny sakeli-dalana mivilivily
dia horoahin’NY TOMPO
miaraka amin’ny mpanao ratsy!
Fiadanana anie ho amin’ny Israely.
Currently Selected:
Salamo 125: MRV
Highlight
Copy
Compare
Share
Want to have your highlights saved across all your devices? Sign up or sign in
© La Société Biblique Malgache 2011
