Rom Dãmba 3

Wẽnd sũ-puuri ne b buud sõngã

1Yaa bõe pʋgẽ la Zʋɩf yɩɩd neb a taaba la bãong kõom yõod be-la a yɛ? 2Ad-y yaa bũmb wʋsg pʋgẽ. Pipi, yaa Zʋɩf rãmba la Wẽnnaam kõ b koeese. 3Kẽer yɩɩ tõatba, la rẽ maana bõe? Wẽnd zooda tũu rẽ n sãam bɩ? 4#Yɩ 51,6. Ka boto ye! Wala sẽn gʋlse, yaa tɩlɛ tɩ Wẽnd pa b sɩd zĩigẽ tɩ ninsaal pa a zirẽ-beedẽ; la rẽ me la lebg pakre tɩ f gom n yiis f meng yellẽ la f gom n yiis f meng bʋʋdẽ. 5Tõnd wẽnema sã n pukd Wẽnd sõmblem, koe bʋg la d le tara? D na tõog n le yeel tɩ Wẽnd ka maan neere b sã n bas tɩ b sũ-puura yõog-do? Ad-y yaa ninsaal zʋbsgo la m na n zʋbse. 6B sã n ka tõe n puug b sũuri, b na n yɩɩ wãn n wilg dũni wã a bʋʋm la a kongre? 7La mam zirẽ-beed sã n kɩt tɩ m bãng n paase tɩ Wẽnnaam yaa sɩd soaba, tɩ Wẽnnaam pẽgr tũ rẽ n lebg wʋsgo, m sok n gese ned le tara sor n ges maam wa yel-wẽn-maand bɩ? 8La woto wã, wala rõatb kẽer sẽn gomd tɩ yii tõnd noorẽ wã, d kõn maan wẽng tɩ neer wa tũ rẽ n zĩndi? M mi tɩ rõadg a woto buud yẽ toga ne sɩbgre!

Sẽn ka beeg-a ka ye

9Bõe la m na n yeele, tɩ tond Zʋɩf rãmbã n são bɩ? Lɛ-lɛ! 10Wala m sẽn zoe n wilgã, Zʋɩf ne sẽn ka-a Zʋɩf naaga taab n ya yel-wẽnd yemse. Tẽeg-y b sẽn gʋlse:

«Nin-sõng ka ye, ba a ye.

11Yam soab ka ye,

sẽn baood-a Wẽnnaam ka ye, ba a ye.

12 # Yɩ 14,1-3; 53,2-4. B fãa gill bʋdga sore, b fãa gill wegmame.

Sẽn maand-a neer ka ye,

ayo! Ba a ye.

13 # Yɩ 5,10; 140,4. B kokor yaa wa yaoog

sẽn ka tar limdi,

b zelemd wʋgda zãmb sʋndo.

Wag-toaag zẽnem n bee b noorẽ

14 # Yɩ 10,7. B noor yiisda gom-miisg la kãab beedo.

15B nao tʋʋla ne wudg n daag zɩɩm.

16B sor yaa sãoong la far sore.

17 # Iz 59,7-8. B ka bãng yĩin-maasma sor n dɩk ye.

18 # Yɩ 36,2. B nin zɩ n kabs Wẽnnaam dabeem yĩng ye.»

19Ade, tõnd yaool n miime tɩ yaa Wẽnnaam sẽn kõ b rãmb noore la noora modgda; la b maana woto tɩ ned ba a ye ra tõog n yaag a noor ye, tɩ b paalg ninsaalba fãa b bʋʋdẽ. 20#Yɩ 143,2; Ga 2,16. Wẽnnaam taoore ned ba a ye ka na n tõog n kõ a meng bʋʋm b noya deegr poorẽ ye, tɩ Noor sẽn tõe ne bũmb ning yaa wa ne yel-wẽnd bãngr bala.

Wẽnd wilga b sõmblem

21Dũnna-rũnna, ne noora sẽn teke, Wẽnnaam sõmblema ket n yaa vẽenega wala Noora la bãngdba zamaanẽ. 22#Ga 2,16. Neb niyns fãa sẽn tẽed-ba a Zezi Krista yãeta sõmblem kãnga — tɩ bũmb ba a ye ka teem bãmb nengẽ ye — 23b fãa beega Wẽnde tɩ Wẽnd sẽn pid ne ziira zãag ne-ba. 24La b sã n le paam b yell manegre tũu ne Wẽnd yamleoog la Krista maoonga yõodo. 25Wẽnd yãk-b lame tɩ b lebg, ne b meng zɩɩm, sugr bũmb, tẽedba yĩnga; la rẽ yaa b sẽn dat n wilg b sõmblem la b bas yel-wẽn niyns sẽn maan pĩnda taale, 26Wẽnd sũ-maasma wakato; la b sẽn dat n wilg rũnna tɩ b ket n zĩ b sõmblema zugu, yaa sẽn tẽed-ba a Zezi yelle la b manegda.

Tẽeb tʋʋmd la bõe?

27Sã n ya woto, fo tara sor n zẽk f meng bɩ? Ayoo, sor ka ye! La bõe tɩ sor kaẽ? Be f tʋʋmẽ wã bɩ? Ayoo! Yaa f manegrã sẽn ya tẽeba bũmbã. Sɩda d tagsdame tɩ ninsaal manegr yita a tẽebẽ. Ka tũud a sẽn deegd noora ye. Ka rẽ d yetẽ lame tɩ Wẽnd yaa Zʋɩf rãmb bal Wẽnnaam. 28Sɩda, d tagsdame tɩ tẽeb fãagda neda tɩ ka tũ ne Noora reegr ye. 29Ka rẽ d na kong n yeel tɩ Wẽnnaam ka bu-zẽmba Wẽnnaam ye, b yaa Zʋɩf rãmb Wẽnnaam bala. La d miime tɩ Wẽnd yaa bu-zẽmba me Wẽnde, tɩ b yaa Wẽnd a ye tãa. 30#Yao 6,4; Ga 3,20. B fãagda ned ning fãa sẽn tar-a tẽebo, sẽn kẽ-a bãongo wala sẽn ka kẽ-a bãongo. 31Dɩlla tẽeb yãkda Noora bark bɩ? Ayoo! A kõt-a lame.

Currently Selected:

Rom Dãmba 3: SSDC98

Highlight

Copy

Compare