Rom Dãmba 13

Taoor dãmba sakre

1Ned kam fãa sak taoor dãmbã. Ned ka so a to, Wẽnd sã n ka kõ a soab tõog ye. Tõog buud fãa yita Wẽnnaam nengẽ. 2Ned ning fãa sẽn ka reegd a soaal noor, tõdgda Wẽnd noore la tõat fãa baooda a meng paalgre. 3Ad-y d sã n maand neere, d ka tog n zoe bʋ-kaoodba ye; sẽn zoet-a bʋ-kaood yaa sẽn maanda wẽnga; fo sã n ka rat n dig rabeem sẽn so-b fooma taoore, bɩ f maan neere n paam b pẽgre. 4Wẽnd datame tɩ ned sã n so a to bɩ a sõng-a ne neer maanego; f sã n maand wẽnga bɩ f maan dabeem; bãng tɩ sʋʋga sẽn be soaalba nugẽ ka zaalem yĩng ye; sʋʋga yaa sõng Wẽnd n kao bʋʋdo, n sɩbg bɛɛgd buud fãa. 5Ad-y noora ka reegd sɩbgr dabeem yĩng bala, reegd-a lame tɩ y sũurẽ wã, koɛɛg n zoe n leokd boto. 6M sok n gese, y sẽn yaood yõor yaoodã, ka y sẽn ne tɩ segdame sɩda? Rẽ me la Wẽnd yãk neb tʋʋmd kãng yĩnga. 7#Mt 22,21; Mk 12,17; Lk 20,25. Kɩs-y ned kam fãa a sẽn sokd-y bũmb ninga: yõora yaood, sã n ya rẽ la a sokda, raag ligdi, sã n ya raag ligdi; zoe-y y sẽn tog n zoe a soaba, waoog-y y sẽn tog n waoog a soaba.

Noora fãa kʋmsa nonglem pʋgẽ

8Da rɩɩ-y ned ba a ye samde sã n ka nong taab samdã. Sẽn nong-a a to pidsa noora zãnga. 9#Ey 20,13-15, 17; Yao 5,17-19, 21; Man 19,18. Noor ning sẽn yet tɩ f ra yo ye, ra kʋ ye, da zu ye, da tʋlg f to bũmbu, la sẽn ket-ba fãa, kʋmsame n lebg woto: nong f to n wẽnd f menga. 10Sẽn nonga a to ka maand-a kegr ye. Taab nonglem pidsda noɛ a taaba fãa gilli.

Kristned yaa vẽenem biiga

11Y mii tõnd sẽn vɩ zamaan ning pʋgẽ. Ad-y gõeema nekr taame, fãagra pẽneg-d la marsã n yɩɩd d sẽn paam tẽeba wakato. 12Zĩig zʋʋgame. Beoog yaoome. D bas d likẽ tʋʋma la d yi vẽenemẽ ne d zab teedo. 13D tall d meng ne waoogr wa sẽn segd wĩndga. D da yɩ rɩ-rɩtb la kokoraad ye. D bas yoob la yaoolg buud fãa. D bas zab la sũ-kiiri. 14D yeelg Soaal a Zezi Krista wa fuugu la d da tags d yĩngã yelle n baood n na n pids a tʋls yooda ye.

Currently Selected:

Rom Dãmba 13: SSDC98

Highlight

Copy

Compare