A Matiye Sõng 9

Põor a ye sãoogre

(Mk 2,1-12; Lk 5,17-25)

1B kẽe koom koglg yɛsa n dʋʋg kʋɩlgã n leb b tẽngẽ. 2B talla põor n wa b taoore. Põora da gãe a gãag zugu. A Zezi sẽn yãend neba tẽebã, b yeela põorã: «Da le bʋ ye, m biiga, tɩ f paama f yel-wẽna sugri.» 3Sɛb-mitba kẽer yeela b sũurẽ: «Yãoã yaa wẽn-tʋʋsa.» 4A Zezi sẽn mi b sũur tagsgã leoka woto: «Bõe yĩng la y bilgd wẽng y sũurẽ? 5Gomd bʋg togsg la naana n yɩɩda: f paama f yel-wẽna sugri, bɩ: yik n kẽne? 6Sẽn na n yɩlẽ tɩ y bãng tɩ Ned Biiga tara tõog n kõ yel-wẽnd sugr, tẽng zug ka, ade, põore, m yet-f lame: tik n yik, dɩk f gãaga, leb f yiri!» 7Põora yikame n dɩk a gãaga n leb a zakẽ. 8La rẽ kẽesa rabeem kãsenga neb niyns sẽn yãend-ba sũurẽ, la b pẽga Wẽnnaam b sẽn kõ ninsaalb tõog a woto buudu.

A Matiye boolgo

9A Zezi waa n yiime n loogdẽ, n yãe ned sẽn zĩ fadg reesg zĩigẽ, n boond tɩ Matiye. A Zezi yeel-a lame: «Tũ maam!» La a yik n tũ-b lame.

10B sẽn ta a zakẽ n sɩng rɩɩbo la fadg rɛɛsdb ne yel-wẽn-maandb wʋsg sẽn waa n naag a Zezi ne b karen-biisã. 11#Lk 15,1-2. La rog-n-mika tũudba, Farizẽ rãmba, sẽn yãend rẽndã, b yeela karen-biisã: «Yaa wãn tɩ yãmb karen-saamba dɩt ne fadg rɛɛsdb la yel-wẽn-maandba?» 12Mik a Zezi meng ra wʋmame tɩ b na n yeele: «Ka sẽn tar-b laafi n baood tɩɩm soab zĩig ye, yaa sẽn bẽed-ba. 13#Mt 12,7; Oz 6,6. Kẽng-y n tɩ zãms-y gomd kãnga võore: nimbãan-zoeer la m nong n yɩɩd maoongo. Ka nin-sõma wã la m waa n na n boole, yaa yel-wẽn-maandbã.»

A Zezi karen-biisa sẽn pa loet b noor võore

14Dẽ poore a Zã karen-biisa kolg-b lame n sok-ba: «Bõe yĩng la tõnd ne Farizẽ rãmba loet noore tɩ yãmb karen-biisa pa loetẽ?» 15T'a Zezi na n leok-ba: «Pʋg sɩd zo-rãmb tõe n gãnema b nens wa ku-biisi tɩ pʋg-sɩda ket b sʋk bɩ? Wakat ning n wat n zĩndi tɩ b na n loog ne pʋg-sɩdã, wakat kãng la b na n loe b noore.» 16Ned ka rɩkd peen-paalg sẽn ka wẽ koasla n sũk fu-kʋɩdg ye. Peen-paalga na n zɩsga fuugã t'a le kẽeg n paase. 17Woto me waoog sẽn kʋdg ka rɩkd n sui dã-paalg ye. Ning tɩ pusgi, tɩ rãam daage, tɩ waoog yɩ bõne. Wao-paalg la b suiid dã-paalga, woto bõne ka ye.

Pag a ye sãoogre la a Zayir bi-pugla vʋʋgre

18B sẽn da ket n gomd la nin-naab a ye sẽn kolge n wõgemd b taoore n yeel-ba: «Ad-y m bi-pugl n ki mars-mars noogã, wa-y n tik-a ne y nugu t'a na vʋʋge.» 19La a Zezi yikame n tũ-a, bãmb ne b karen-biisã.

20Pag a ye sẽn da bẽed mende al yʋʋm piig la a yiibu, kolga b poorẽ n sɩɩs b fuuga noore. 21A ra gomda a sũurẽ: «M sã n sɩɩs b fuugã, m na n paama laafi.» 22A Zezi sẽn wẽneg b poorẽ b yãend-a lame n yeel-a: «Teeg maam, m biiga, tɩ f tẽeb fãag-f lame.» La wakat kãng bala paga wẽneg n paama laafi.

23B sẽn ta nin-naaba zakẽ, b yãee neb sẽn peeb-d wɩɩse la neb wʋsg sẽn gũmi, tɩ zak wulumdi. 24A Zezi yeel-b lame: «Yi-y tɩ bi-pugla nan ka ki ye, a gõeeme bala. Neba da laad-b lame.» 25La b sẽn yiis neba yɩnga, a Zezi kẽeme n gãd bi-pugla nugu, t'a yik. 26La kibara sãaga tẽnga fãa.

Zoeens a yiib sãoogre

27A Zezi sẽn yik tɩ b loogda, la zoeens a yiib sẽn sɩng pʋgbo la b moonẽ: «Daviid biiga, zoe-y d nimbãanega!» 28B sẽn ta yiri, la zoeensã sẽn kolg-ba tɩ b na n sok-ba: «Yãmb tẽedame tɩ m tõe rẽnna?» Tɩ b leoke: «N-yẽe, Soaala!» 29Tɩ b na n sɩɩs b nina la b yetẽ: «Bɩ yɩ wa y sẽn tẽede!» B nina pukame. 30T'a Zezi na n leok-b pãr pãre: «Maan-y gũusgu, tɩ ned da bãng ye!» 31Zoeensa sẽn yi, pa kaoos ye, b sɩnga b yʋʋra yelegr beelẽ baobgã.

Ned sẽn tar Sʋtãan muka pʋgẽ

32Bãmb sẽn looge, ka kaoos ye, tɩ b tall ned a ye n wa la Sʋtãan-muk n da be a pʋgẽ. 33B sẽn dig Sʋtãana la neda sẽn sɩng goama. Zãma wã pɛleng yɩkame tɩ b yetẽ: «Ned zɩ n yãe woto taar Israyɛl tẽng ye.» 34#Mt 10,25; 12,24; Mk 3,22; Lk 11,15. Farizẽ rãmba yẽ ra yetame: «Ad-y yaa ne Sʋtãamba naab pãnga la a rigd sʋtãamba.»

Bãndurba nimbãanega

35 # Mt 4,23; Mk 1,39; Lk 4,44. A Zezi ra kẽeda tẽn-bɛd la tẽn-bõonese, n maand karengo pʋʋsg rotẽ, n togsd Rĩunga kibar noogã la b sãoogd bãag la pa-keem buud fãa.

36 # Ss 27,17; 1Dĩm 22,17; 2Nar 18,16; Ez 34,5; Mk 6,34. A Zezi gesa zãma wã n wẽ siri tɩ b ra yɛɛ zãnga, tɩ b nensa surẽ wa piis sẽn pa tar pe-kɩɩma. 37Dẽ la b yeel b karen-biisi: «Kooda sẽn ta kɛɛba labsa, la kɛɛdba sõor paooda. 38#Lk 10,2. Kos-y pʋʋga soaba t'a tʋm ka-kɛɛdba a pʋʋgẽ.»

Currently Selected:

A Matiye Sõng 9: SSDC98

Highlight

Copy

Compare