A Matiye Sõng 11

Arzãn Rĩung yɛla — A Zã sokre

1A Zezi sẽn waa n sagl b Tʋʋm-tʋmdb piig la a yiibã n sɛ, b yiime n kẽ tẽnsã n le sɩng zãmsgo.

2Mik a Zã zĩnda bi-bees roogẽ n wʋm Wẽnd Neda tʋʋma yelle. 3A yiisa a karen-biis tɩ b tɩ sok a Zezi: «Yãmb la sẽn tog n waa soaba bɩ d tog n gũ-la a to?» 4A Zezi leok-b lame: «Tɩ togs-y y karen-saamb a Zã y sẽn wʋme la y sẽn yãe bũmb ninga: 5#Iz 35,5-6; 61,1. Zoeens neeme, wobs kẽndame, wãoob sãoogdame, wʋms wʋmdame, sẽn ki-b vʋʋgdame, la b togsda Koe-noogã naong rãmba; 6zu-noog soaba la sẽn ka lakd-a maam wa sor zug kugri n lʋɩ.»

7A Zã sẽn tʋm b rãmba sẽn lɛɛg n kuiisẽ la a Zezi sẽn leok woto a Zã poorẽ: «Bõe la y tɩ yãe weoogẽ, tɩ-pol sobg sẽn lengde? 8Bõe la y tɩ yãend sẽ? Ned sẽn yer faong fuugu bɩ? Ad-y sẽn yer-b faong futa vɩɩ nanams zagsẽ. 9Bõe la y tɩ yãend sẽ, y tɩ yãee bãngda? N-ye! La m yet-y lame: yɩɩda bãngda. 10#Ml 3,1. Ad-y yaa yẽ poorẽ la b gʋlsyã:

M na n yiisa ned n ning m taoore

t'a maneg sor ning m sẽn na n tũ wã.

11Sɩd-sɩda, m yet-y lame tɩ pagba kamb sʋka, ned ka yɩɩd a Zã, rao ning sẽn kõta sooba ye, la ne rẽ fãa sẽn ya-a yao zʋʋg Arzãn Rĩunga pʋgẽ, yɩɩd-a lame. 12A Zã sẽn sɩng sooba tɛka n dabd marsã, Arzãn Rĩunga waa ne wɩsg-m-menga, lebga sẽn tara pãng tus n kẽ. 13#Lk 16,16. Sebr sõng la bãngdba talla wilgri, n tãag a Zã. 14#Ml 3,23; Mt 17,10-13; Mk 9,11-13. La sã n yaa a Zã, m ka mi y sã na n deega m goama, ad-y yẽ la Eli ning sẽn na n lɛɛg n wa wã. 15Sẽn tar-a tʋbr bɩ a wʋm!

A Zezi sẽn tagsd b zamaana poorẽ

16Bõe la m na n yãe n mak zamaan kãnga? A wẽnda yãas sẽn kõ taab sɛk tẽnga tẽnsʋka, n na n gom taab beedo, 17n yetẽ:

‹Tõnd peeba wɩɩse,

tɩ y zãgs saooga,

tɩ tõnd kelem kʋʋre,

tɩ y zãgs y yãoog toosgo!›

18A Zã sɩd waame n pa rɩtẽ la a pa yũud ye, tɩ b yet tɩ Sʋtãan n be a pʋgẽ. 19Ned Biiga waame, n dɩtẽ la a yũuda, tɩ b yet tɩ b baad dɩ-rɩta la rã-yũuda, tɩ b baad fadg rɛɛsdba la yel-wẽn-maandba zoa. La b tʋʋm sõma wã waa n kõo kaseto tɩ Yam Pidunga soab bee ne-ba.

Zabr ne mogra noorẽ tẽnsã

20Dẽ poore b yika zabre ne tẽns niyns sẽn yãend-b bõn-bãna n yɩɩd tẽns a taaba n yaool n ka tek b zʋgã.

21 # Iz 23,1-18; Ez 26,1—28,26; Zl 4,4-8; Am 1,9-10; Zki 9,2-4. Yel-beed ne foo, Korozein tẽnga! Yel-beed ne foo, Bɛtsayid tẽnga! Wẽnd makr niyns sẽn maan yãmb pʋgẽ sã n da maanẽ Tir la Sidõ, yaa daar zãr la be rãmba yeelgẽ sũ-pa-noang futu la b bilmẽ b mens tompɛglemẽ, n teemẽ zʋgo. 22Yaa rẽ yĩng la m yet-y: bʋʋda raare, Tir ne Sidõ sɩbgr kõn ta y rẽnd ye. 23#Iz 14,13-15; Bs 19,24-28. La foo, Kafarnaom, fo tẽedame tɩ f na n lugame n tãag saaga? Ade, bʋg-tẽng la f na n sirg n lʋɩ. Bãng tɩ bõn-bãn-niyns sẽn maan f pʋgẽ sã n da maanẽ Sodom tẽnga, a ket n yɛsẽ la rũnna. 24Yaa rẽ yĩng la m yet-fo: bʋʋda raare, a Sodom sɩbgr kõn ta f rẽnd ye.»

25A Zezi waa n zẽka b koɛɛg n gom woto: «M Ba, yĩngr la tẽng Soaala, m pʋʋsd-y la barka y sẽn solg woto sɩlem dãmba la yam dãmba n yaool n togs nin-bõonese. 26N-ye! Woto n sɩd yɩ y raabo, m Ba sõngo! 27#Zã 3,35; 1,18; 10,15. M sẽn tar fãa yaa m Ba n kõ-ma. Ned ka mi Biiga sã n ka Ba, la ned me ka mi Ba sã n ka Biigã, bɩ ned ninga sẽn paam-a Biiga wilgri.

28Wa-y m nengẽ, yãmb fãa sẽn tar-b pɛta la sẽn zɩt-b zɩɩb n yõrdẽ, tɩ m na yols y fãa. 29#Zr 6,16. Tʋk-y m zɩɩbã la lebg-y m karen-biisi, tɩ m yaa ned sẽn ka mi sũ-toog la zẽk-m-menga, la y sɩɩga zu-loees na paam yolsgo. 30Bãng-y tɩ m sẽn na n tʋk-y zɩɩb ninga yaa faasga la tʋʋsga bʋgsa.»

Currently Selected:

A Matiye Sõng 11: SSDC98

Highlight

Copy

Compare