Maan-kʋʋr sebre 24
24
Noya a taaba
1Soaala-Wẽnd yeela a Moyiiz 2t'a wilg Israyɛl kamba tɩ b wa ne oliviye kaam sẽn ya yɩlemd menga. Yẽ la b na n tall n yõgend zaabr fãa sãnem fitila Soaala-Wẽnd doogẽ. 3A Aarõ na n ninga sãnem fitil kãsenga sɛka roogẽ, peenda sẽn lill kuga walsa koglga taoore. Fitila na n wida m taoor zaabr n ta yibeoogo. La rẽ yaa noor sẽn kõn teem abada f yagensa yĩnga. 4A Aarõ na n yõgna sãnem fitila t'a wit yʋng fãa Soaala-Wẽnd taoore.
Bur sõma
5Dɩk alkam zom n wẽ bur gils piig la a yiibu. Bur fãa yaa zom wamde. 6#Ey 25,30. Fo na dogl-b-la a yoob-yoobe, zĩis a yiibu, sãnem roagendga zugu, Soaala-Wẽnd taoore. 7Rɩgl tɩdare meng menga bura zugu n paase. Tɩdar kãng la b na n wa yõog m yĩnga, bura zĩigẽ wala tẽegr bũmbu.
8Yaa vʋʋsga raar fãa la bur kãens na n wa rɩgl m taoore. Israyɛl kamba na n waa ne ba wala zood sẽn kõn sãam kaseto. 9#Mt 12,4; Mk 2,26; Lk 6,4. B na n yɩ-la Aarõ ne a kamba soolem la yaa zĩ-sõngẽ la b na n dɩ-ba, wala kũun sõngo b sẽn paam Soaala-Wẽnd pʋɩɩrẽ. Yaa noor sẽn kõn teem abada.
Wẽn-tʋʋs sɩbgre
10Daar a ye zabr n zĩnd sika pʋga. Yaa Israyɛl biig menga n zab ne Ezipt tẽng rao biiga. Ezipt tẽng neda rog-a-la ne Israyɛl bi-pugla sẽn boond tɩ Selomit. A Selomit ba la a Dibri, Dã sakẽ neda. 11A Selomit biiga waa n wẽename n pʋd Soaala yʋʋr ne paoogre. B tall-a lame n wa a Moyiiz taoore. 12B bao zĩig n paalg-a n gũud Soaala-Wẽnd koɛɛga. 13Dẽ la Soaala-Wẽnd yeel a Moyiiz: 14«Kɩt tɩ b yiis sẽn sãama Soaala-Wẽnd yʋʋrã we-kɛɛnga. Yeel neb niyns fãa sẽn wʋm a gomdã tɩ b rɩk b nus n tik a zugu la rẽ poor bɩ Israyɛl kamba fãa laba ne kuga. 15La gom ne Israyɛl kamba n kõ-b noor kãnga:
Ned ninga fãa sẽn tʋʋsa Soaala-Wẽnde, a tʋka yell a zugu. 16Ned ninga sẽn sãama Wẽnnaam yʋʋre, toga ne kũum la yaa Israyɛl zãma wã n na n laba ne kuga. Sẽn tʋʋs-a Soaala-Wẽnde, a yaa tẽnga biig bɩ sãana, b kʋʋd-a lame.
Nif n dond nifu, tɩ yẽnd dond yẽnde
17 #
Ey 21,12. Ned sã n kʋ a to, sẽn ya ned ninga fãa la a kʋ yã, yẽ me tog n kiime. 18Ned sã n wẽ rũng n kʋ, a tog n yaoo rũng sẽn vɩ. Yaooda sẽn ki wã ne rũng sẽn vɩ.
19Ned sã n pogl a saam-biiga, bɩ b pogl-a n lebse. 20#Ey 21,23-25; Yao 19,21; Mt 5,38. Kaoogdame n dol sẽn kaooge. Nif ronda nifu tɩ yẽnd dond yẽnde. Wẽng ninga fo sẽn maan f to wã, wẽng kãng me la b lebsd foo. 21Ned sã n wẽ rũng n kʋ, a yaoodame n dole; sã n ya ninsaal la a kʋ yã, b tog n kʋʋ yẽ me. 22#Ss 15,16. Yaa sãana, yaa tẽngen-neda, yõor zema yõore la maam la yãmb Wẽnnaam, rũnda la beoogo.»
23A Moyiiz deng n wilga Israyɛl kamba woto, dẽ poore, b yiisa we-kɛɛnga sẽn da sãama Soaala-Wẽnd yʋʋrã n lab-a ne kuga. La woto b maana wala Soaala-Wẽnd sẽn da wilg a Moyiiz.
Currently Selected:
Maan-kʋʋr sebre 24: SSDC98
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.
