Ebre rãmba 1

Sebra tʋɩɩsgo; Wẽnd Biiga sẽn lebg Neda sõmblem

1Pĩnda Wẽnnaam yãka bãngdba n gom ne tõnd yaab rãmbã naoor yaka la ne goam buud toɛ-toɛ yã, 2dũnna-rũnna, yaoolem wakatã, yaa ne bãmb Biiga la b gom ne tõndo. Yaa Bi-kãng la b yãkre t'a yaa b yõod dɩta la yaa ne yẽ pãng la yʋʋma tong taaba n ka tõe n sõde. 3Bi-kãng n waa n puk b ziirã tɩ nin-kãng yaa b menga wẽnego, la b zãada dũnia ne b Gomda pãnga. Bãmb n yẽes yel-wẽnd buud fãa, n dʋ yĩngri n zʋʋg saaga, n tɩ zĩ Wẽnd sẽn pid ne ziira rɩtgo.

Wẽnd Biiga yɩɩda malɛgsã

4B zʋʋga malɛgsa fãa tɩ malɛgsa ka paam yʋʋr sẽn tõe n mak ne yʋʋr ning b sẽn pʋd bãmba ye.

5 # Yɩ 2,7; 2S 7,14; 1Nar 17,13. Yaa malɛk bʋgo la Wẽnnaam tõog n yeele: «Fo yaa mam Biiga; maam n dog-f rũnna bala?» La ad-b sẽn le paase: «Mam na n yɩla a Ba, t'a yɩ m Biiga.» 6#Yao 32,43. B sẽn wa n dɩk b Bi-kẽengã n na n kõ dũnia, b yeelame yɛsa: «Bɩ Wẽnd malɛgsa wõgemd b taoore!» 7#Yɩ 104,4. Sã n yaool n ya ne malɛgsa la b gomda, b yeta woto: B kɩtame tɩ b malɛgsã wẽnd sobgo, n kɩt tɩ b sõgen-kamba wẽnd bugum sẽn tʋʋl ne rɩɩbo. 8Sã n ya ne b Biigã b gomda woto: «Wẽnde, yãmb naama zaoor kõn vik abada; bɩ b yetame: y naama rasaar yaa zemsg-na-zĩnd dasaare. 9#Yɩ 45,7-8. Y nonga sõmblem, n zãgs Wẽnd paoogre, yaa rẽ yĩnga la Wẽnnaam y Wẽndã, welg-y toore n bao yũ-noog kaam n zɛyã.» 10B yetame yɛsa: «Sɩngrẽ wã yaa yãmba, Soaala, n lugl tẽngã la y nug n yɛdg saagã. 11La rẽ fãa na n loogame n menem, yãmb bala n na n kelle tɩ sẽn keta na n kʋdg wa fuugu. 12#Yɩ 102,26-28. Sẽn ketã na n kʋʋ n dɩgla wala fu-yorgo, n kʋ wala peende la b na n teemame. Yãmb bal n ka na n teem abada, y yʋʋm kõn ta b tɛk abada.» 13#Yɩ 110,1. Yaa malɛk a bõe la b tõog n yeele: «Zĩnd m dɩtgo tɩ m wa gãneg f bɛɛba f taoore tɩ f tab-b n zĩẽ?» 14D sok n gese, b fãa ka yam dãmb sẽn deeg sõgen-kamb tʋʋmd bal laa? Ka sẽn na n paam-b fãagra yĩng la b tʋmd laa?

Currently Selected:

Ebre rãmba 1: SSDC98

Highlight

Copy

Compare