Ezipt yiib kibare 20
20
Wẽnnaam noya
1Wẽnnaam yeela a Israyɛl woto: 2«Yaa maam, f Soaala, n yiis foo Ezipt tẽnga, f yembd tẽnga.
3Da lʋɩɩs wẽnd ba a ye m taoor ye, da waoog wẽnd a to.
4Da mams bũmb ba a ye wẽneg n waoog-a ye: a ra yɩ yĩngri, saag zug bũmb ye, a ra yɩ tẽng zug ka bũmb ye, a ra yɩ koomẽ, mogra pʋgẽ bũmb ye. 5#Ey 34,17; Man 19,4; 26,1; Yao 4,15-18; 27,15. Ra wõgemd bũmb sẽn dõog bɩ sẽn pees taoor ye, da waoog-a ye, tɩ maam, Naaba-Wẽnd la f Soaala. F Wẽnda yaa sũ-ki-neda, b pa rat tɩ b nong bũmb n yɩɩg bãmb ye. B sɩbgda kamb b ba rãmb beegr yĩnga, n sɩbgd yageng a yaab rãmb beegr yĩnga, n sɩbgd yagen-tʋbra-kẽega a yaab rãmb sẽn tugd beem ne maam yĩnga. 6#Ey 34,6-7; Ss 14,18; Yao 7,9-10. M nonglma yaool n pʋgda neb ka tɛka sẽn nong-m la sẽn deegd m noya.
7 #
Man 19,12. Da pʋd Soaala, f Wẽnnaama, yʋʋr yaar ye, tɩ b yʋʋra sã n pʋd yaare, b ka tõe n ka sɩbg ye. 8#Ey 16,23-30; 31,12-14. Tẽeg vʋʋsg daar noor n deeg-a wa noor sẽn ka tõe n kɩɩs ye. 9Dasem a yoob pʋgẽ, tʋm f tʋʋmde. 10#Ey 23,12; 31,15; 34,21; 35,2; Man 23,3. La daar a yopoe daarã na n yɩɩ vʋʋsg daare, Wẽnnaam yĩnga. Badaare ned ba a ye ka tʋmd ye, f menga wala f f bi-ribla, f bi-pugla, f dakõore, f zak bi-pugla, f rũmsi, sãan sẽn waa n nok-fo. 11#Bs 2,1-3; Ey 31,17. Yɩɩ dasem a yoob pʋgẽ la Wẽnnaam naan yĩngr la tẽnga, la mogre la bũmb niyns fãa sẽn be b pʋgẽ. B vʋʋsa daar a yopoe soaba, yaa rẽ yĩng la Wẽnnaam ning ra-kãng barka, n welg-a toore t'a ya vʋʋsg daare.
12 #
Yao 27,16; Mt 15,4; 19,19; Mk 7,10; 10,19; Lk 18,20; Ef 6,2-3. Waoog f ba la f ma, tɩ Soaala, f Wẽnnaam, paas raarã b sẽn kõ-f, tẽng zugu ka.
13 #
Bs 9,6; Man 24,17; Mt 5,21; 19,18; Mk 10,19; Lk 18,20; Rm 13,9; Zak 2,11. Da kʋ ned ye.
14 #
Man 20,10; Mt 5,27; 19,18; Mk 10,19; Lk 18,20; Rm 13,9; Zak 2,11. Da yo ye.
15 #
Man 19,11; Mt 19,18; Mk 10,19; Lk 18,20; Rm 13,9. Da zuk ye.
16 #
Ey 23,1; Mt 19,18; Mk 10,19; Lk 18,20. Da rõd f to ye.
17 #
Rm 7,7; 13,9. Da tʋlg f to yir ye, da tʋlg f to pag ye, da tʋlg a dakõor ye, a zak bi-pugl ye, a naafo, a bõanga, da tʋlg bũmb ba a ye a sẽn so ye.»
18Sa-tãsã, sa-yãgbã, baorga bʋʋrã la tãngã sẽn nukd bug-zõosã kẽesa neba rabeem tɩ b na n leb poorẽ. 19#Eb 12,18-19. La b yeela a Moyiiz: «Fo gom ne do tɩ d na wʋme la Wẽnd da gom ne d ye, tɩ ka rẽ d na n kiime.» 20A Moyiiz leok-b lame: «Bas-y rabeem buud fãa, Wẽnnaam waame n na n bãng bũmb ning sẽn be y sũurẽ; b waa n kẽes-y la rabeem tɩ rabeema zãag-y ne wẽnga.» 21Neba paa yɩɩga. A Moyiiz bal n da kolg sawadg taokã, Wẽnnaam sẽn da beẽ wã.
Zooda noya
22Soaala-Wẽnd yeela a Moyiiz: «Togs Israyɛl kamba woto: Y mens yãeeme tɩ m zĩnda yĩngr n gom ne yãmba. 23Ad-y m pa rat tɩ y ges-m wa wẽnd sẽn dõog ne wanzurf bɩ ne sãnem ye. M da yãend b buud y nengẽ ye. 24F na n dɩka tãndo n me maan-kugri, la yaa yẽ zug la f na n yãk rũms kẽere, bɛd bɩ bõonese, n kʋ yũ-noog maando n yãk kẽere, bɛd bɩ bõonese, n kʋʋ n dɩ, f zak rãmba laafi yĩnga. Zĩig ning fãa m sẽn na n yãk tɩ yɩ m waoogr zĩiga, m na sig be la m na ning-f barka. 25#Yao 27,5-7; Zoz 8,31. Sã n ya kug la f rɩkd n na n me maan-kugrã, da pees-b ye tɩ fo sã n pees b ne kutu, peesga yãkda b barka. 26Da ning maan-kugra teeds ye tɩ f sã n zẽkd f nao n na n dʋ, bɩ f fuuga me ra wa zẽk tɩ loog ye.»
Currently Selected:
Ezipt yiib kibare 20: SSDC98
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.
