Efɛɛz Rãmba 4

Saglese. A Pol kotame tɩ b yɩ bũmb a yembre

1Yaa b sẽn balg a soab roogẽ, Soaala yĩngã, n yõkd y sɛɛga, tɩ y mao n vɩɩnde wa sẽn boola yãmba sẽn date, 2#Kol 3,12-13. ne yam-sulgr la sũ-bʋgsem, n paas sũ-maasem; d vɩɩma ne taab yɩ sũ-tõog la nonglem vɩɩm. 3Bas-y tɩ Vʋʋsem yɛnga lagem-y n loe ne b laafi loɛtg tɩ y lebg bõn-yɛnga. 4Ad-y Yĩnga yaa a ye la Vʋʋsma me yaa a ye, d fãa yaa Wẽnd booll yɛnga n zĩ ne saagr yɛnga. 5Soaala yaa a ye, tẽebã a ye, soobã a ye. 6Wẽnd yaa b ye, n ya fãa Ba, n yɩɩd fãa, n vɩ la b tʋmd fãa yĩnga.

7Ned kam fãa yaool n paama a pʋɩɩr Wẽnnaam nengẽ, n zems ne Krista raabo. 8#Yɩ 68,19. Yaa rẽ yĩng la b yeta:

«B sẽn dʋ arzãna b dʋʋ ne b yemse,

b sudga ninsaalb kamb fãa kũuni.»

9«Sẽn dʋ a soaba» la ãnna tɩ ka sẽn denga n sig bʋg-tẽnga? 10Sẽn siga wã bala n leb n dʋ n zʋʋg saaga n na n kɩt tɩ fãa lebg pidungu. 11Bãmb yɛsa n kɩt tɩ neb kẽer lebg tʋʋm-tʋmdba, kẽer bãngdba, kẽer Koe-nooga moandb, kẽer pe-kɩɩmba la karen-saamb dãmba. 12Woto la b kõ nin-sõng fãa a tʋʋmde sẽn na n yɩlẽ tɩ Tigengã, Krista Yĩnga, tõog n me. 13Tʋʋm kãnga ne a na n baase tɩ tõnd fãa lebga bũmb a yembre ne tẽebo la ne Wẽnd Biiga bãngre la d lebg Rao sẽn pid rao, sẽn bɩ zãnga, n lebg Krista zãnga.

14Woto tõnd kõn maan wa yãase la d kõn bas d yam t'a lengd yaar ye. D kõn bas tɩ zãms paal sobg rɩk-d n tees a sẽn teesẽ tɩ d tũud ninsaalb zirẽ-beedo la b zãmb tʋʋma b sẽn tʋmd n dat n tudg tõnda ye. 15D na n tũu sɩda la nonglem n vɩɩnde; lebga d yaoka tar paasgo ne bũmb fãa tɩ d kẽn n tees Zu-raooga soaba, a Zezi Krista. 16#Kol 2,19. Yaa bãmb Yĩngẽ la wilsa fãa kẽ taaba, n sog taab kɛpi ne zɩ wĩisi sẽn kõt wilg fãa a rɩɩbo t'a tõe n tʋm a tʋʋmde tɩ yaoka paasdẽ, tɩ bũmb fãa sũg kẽnkẽ nonglem pʋgẽ.

Vɩɩm paalga Krista pʋgẽ

17M le yeta yãmba la m le yõkda y sɛɛga, Soaala yĩnga, tɩ y bas zʋg ning sẽn ya bu-zẽmba zʋgo; bas-y b zirẽ-be-tagsgo; 18yaa woto la b zĩ lib-tuu n lebg Wẽnnaam vɩɩma sãamba, tɩ bãngr kaoolg yĩnga b basa b sũur tɩ kidibi. 19Wẽng la neer bãngr yama sẽn kẽke, lebga yoobo la b tʋʋmde, al tɩ b rɩk b meng zãnga n kõ tʋʋm yoodã, a yeyn-ye. 20Ka woto la b zãms yãmb Krista ye, 21sã n yaa sɩd tɩ b wilga yãmb Krista ne kareng sõngo, kareng sẽn tʋʋd sɩd ning sẽn be a Zezi nengẽ. 22#Kol 3,9. B Pa zãms yãmb sɩda, tɩ yaa modgre tɩ y bas y pĩnd vɩɩma la y yeeg y zʋg kʋdgã sẽn tar y sãoong n dabdã ne a tʋls waglã, 23la y teem y tagsgã t'a wẽneg yĩngr dãmb dẽnna? 24#Bs 1,26; Kol 3,10. B pa yeel-y tɩ y yeelg wala y fuugu Nim-paalã, Wẽnd sẽn naan ne b zemsgo, ne b sõmblem la b sɩda?

25 # Zki 8,16. Dẽ yĩng bɩ y bas zirẽ-beedo: ned kam fãa gom sɩda ne a to. Ned kam fãa ka a to wilg laa? 26#Yɩ 4,5. Yãmb sũur tõeeme n wa puugi, yãmb yee n da maan wẽnga. Da sak-y tɩ wĩndg lʋɩ tɩ y sũur ket n kãbd ne taab ye. 27Da yõk-y y meng n kõ Sʋtãan ye. 28Sẽn da zuuda bɩ a bas wagdem, a bao a nug tʋʋmde, a me tõog n maan neere n sõng a taaba sẽn tar naongo! 29Da sak-y tɩ y noor yiis gom-beed ye; bɩ y gomd sõng sẽn dat-b sõngre, la a maneg sẽn kelgd-ba yelle. 30Da kõ-y Wẽnd Vʋʋsem sũ-sãang ye; bãmb makre la y zɩta n gũud b Fãagra raare. 31Mo-beedo, sũuri, sũ-toogo, gãgse, la tʋya, n paas wẽnem buud fãa, dẽ fãa tog n zãaga ne yãmba. 32#Kol 3,13. Vɩɩnd-y ne sũ-bʋgsem la nimbãan-zoeer ne taaba, la nong-y n kõ taab sugri, wa Wẽnd sẽn kõ yãmb sugri, Krista yĩnga.

Currently Selected:

Efɛɛz Rãmba 4: SSDC98

Highlight

Copy

Compare