Daniyɛl 12
12
Vɩ-paalga
1 # Mt 24,21; Mk 13,19; Yp 7,14; 12,7. Malɛk ninga sẽn yera fu pɛɛlga yeel-m lame: «Wakata sã n ta, a Mikayɛl, malɛk rãmba kãsma sẽn gũuda buud sõng tẽngã, na n pukame. Na n yɩɩ yɩɩr wakato wala b sẽn zɩɩ n yãend a tare dũni sẽn yet t'a yaa dũni tɛka n tãag wakat kãnga. Sasa kãnga, fo buuda neb niyns fãa yʋʋr sẽn gʋls vɩɩm sebra pʋga na n põsame. 2#Iz 26,19; Mt 25,46; Zã 5,29. Wʋsg sẽn gõe yaadẽ na n nekame. Kẽer na n neka vɩɩm sẽn ka sɛɛb yĩnga, kẽer waoosa la yãnd sẽn ka sɛɛb yĩnga. 3Sẽn deeg-b zãmsgã na n yãga wala yĩngr ãdse. Sẽn zãms b taaba na n yãga wala ãdse, zamaan woo zamaana.
4 # Yp 22,10. La foo, Daniyɛl, da wilg ned ba a ye sẽn gʋls sebr kãnga pʋgẽ wã tɩ yaoolem daara nan ka ta ye. Bas tɩ wʋsg lags-a n bao võore la b paas b bãngre.»
Solg baasga raare
5Maam a Daniyɛl, da yɛs n geta likrã, la ade: neb a yiib n waa n yals yĩngri, a ye kʋɩlga nug rɩtgo, a to wã kʋɩlga nug goabga. 6Bãmb nin-yend goma ne rao ning sẽn yera fu-pɛɛlgã n yegd kʋɩlgã la a sok-a lame: «Wakat bʋgo la d na n yãend yɛl-kãensa baasgo?» 7#Yp 10,5; 12,14. Daoã sẽn yer fu pɛɛlga zẽka a nus a yiibã n tees yĩngri la m wʋma a sẽn yeele: «M wẽenda ne vɩɩm Naaba-Wẽnde, yɛla na n kell n yɩɩ woto n ta yʋʋm a tãabo la pʋɩ-sʋka. Wẽnd buuda pãng sẽn wat n sɛ zãnga la bãmb me na n sɛ.»
8Maam a Daniyɛl, m da wʋmda goama la m da ka tar b võor ye. Dẽ me la m sok yã: «M zu-soaba, yɛla na n baasa wãn-wãna?» 9La b leok-m lame: «Daniyɛl, da wẽ sir ye. Ad f ka na n paam tɩ yɛla puki sã n ka raarã n ta ye. 10#Yp 22,11. Neb wʋsg na n pekame, b na n yɩlgame, yɛl-tood na n lʋɩ-la b zugu n yɩlg-ba wa zũud sẽn los boaagẽ n lebg pɛɛlga. Nin-wẽnsa yam sẽn ka likã na n kell n vɩɩnda b vɩɩm yookã. Yama rãmb n na n wʋm yɛla võore. 11#Dn 9,27; 11,31; Mt 24,15; Mk 13,14. B sẽn na n sɩng n gɩdg beoog-beoog maoongã la b zaoolg yel-yoog menga maan-kugra zugu tɛka, rasma na n yɩɩ tusr la kobs-yi la pis-wɛ. 12Zu-noog rãmba la neb niyns sẽn na n yaas n gũ ne saagre dasem tusr la kobs-tã la pis-tã la a yiibu. 13La foo, Daniyɛl, maan daoodo n ta tɛka tɩ vʋʋsg wa yɩ f pʋɩɩre la f wa yik dũni sɛɛb raare n deeg f rolbo.»
Currently Selected:
Daniyɛl 12: SSDC98
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.