Daniyɛl 1
1
A Daniyɛl ne a tũud-n-taase
1 # 2Dĩm 24,1; 2Nar 36,5-7. A Zoakim yɩɩ Zɩɩda dĩma. A sẽn waa n dɩt a yʋʋmd a tãab soab naam, Babilon Dĩm a Nabikodonozor waa ne tãpo n gũbg Zerizalɛɛm. 2Naaba-Wẽnd dɩka Zɩɩda dĩma a Zoakim n sagl a nugẽ la a Nabikodonozor looga ne wẽnd dooga te-sõma wʋsgo. A looga ne-b Babilon tẽnga la yaa a meng wẽn-naandsa rotẽ, arzɛka sẽn bĩngd zĩig ningã, la a tɩ pag-ba.
3Ned n da be n boond t'a Aspenaz la yaa yẽ n da ya dĩma sõgen-kãsenga. Yẽ me la a kõ noore t'a ges Israyɛl kamba sʋka n welg toore rĩm-biisi bɩ na-kom-bi. 4#2Dĩm 20,17-18; 24,10-16; 2Nar 36,10; Iz 39,7-8. Kamba ra tog n yɩɩ ra-sãmba, n ka tar bãnd ye, n tar pãnga, n pid ne yam vẽenem la bãngre, n tõe n wa zĩnd dĩma zakẽ n lebg sõgen-kamba. Babilon tẽng rãmb goama la gʋlsg la b na n deng n zãmse. 5Dĩma kõo noore tɩ b rɩlg-b ne yẽ meng sẽn dɩt la a yũud bũmb ningã, la b karem yʋʋm a tãabo. Dẽ poor marsã la b yaoond n wa rɩk b tʋʋmd a zakẽ.
6Zɩɩda tẽng kamb a naase n zĩnd b sẽn tũus b rãmba sʋka. A Daniyɛl, a Ananiya, a Mikayɛl la a Azariyas. 7A Aspenaz kõ-b-la yʋ-paala. A Daniyɛl lebga Baltazar, t'a Ananiya lebg Sadrak, t'a Mikayɛl lebg Mesak, t'a Azariyas lebg Abed-Nego. 8A Daniyɛl da yeela a sũurẽ t'a kõn dẽgem a menga n dɩtẽ la a yũud dĩma sẽn dɩt la a yũuda ye. Woto a meng kosa a Aspenaz t'a ra moadg-a t'a rɩ dĩma rɩɩb ye. 9Wẽnd sõnga a Daniyɛl la sõgen-kãsenga reega a kosgo. B waa n lebga zood ne taab menga. 10Sõgen-kãsenga reng n yeel a Daniyɛl: «Ad yaa dĩma menga n wilg y sẽn tog n dɩ la y sẽn tog n yũ. M zoeta a na n wa mik tɩ y nenga neerem ka ta y rogd-n-taasa rẽnd ye. Ad-y rẽ tõe n yɩɩ yelle tɩ b yiis m yõore.»
11Ne rẽ fãa a Daniyɛl yeela ned ninga sõgen-kãsenga sẽn da rɩk bãmb b naase n gũnug a soabã: 12«M kotame tɩ f mak n gese, dasem piig bala, n kõt-d zẽ-vãad la koom. 13F na ges tõnd ne sẽn ket n dɩt-b dĩma rɩɩba nense. D nensa neerma sã n teem f na yaool n maan ne-do wala sẽn togsã.»
14Sõgna sakame la b makame n ges rasem piig pʋgẽ. 15Dasem sẽn maan piiga, a mikame tɩ b nensa pɩndame, tɩ b tara keglem n yɩɩd kamb niyns sẽn da rɩt-b dĩma rɩɩbã. 16Woto wã sẽn geta bãmb yellã teka rɩɩba la rãama n wat ne zẽ-vãad la koom bala. 17Kamb a naasã paamame tɩ Wẽnd kõ-b yam vẽenem la bãngre sẽn pid bãngre, sɛbã la kʋdemda bãngre. Sã n yaa a Daniyɛl, yẽ ra tõeeme n bãng la a welg yĩngr la tẽng zug yɛla sẽn mii n wa kalem taab ninsaal zãmsdẽ bɩ Wẽnd likrẽ. 18Daara waa n pidame tɩ b na n taas dĩm a Nabikodonozor taoore b sẽn da tũus kamb niynsã. Sõgen-kãsengã n tall-ba n kẽng dĩma taoore. 19Dĩma sõsa ne bãmba la a Daniyɛl, a Mikayɛl, a Ananiya la a Azariyas taab ka yãend bãmb sʋk ye. Woto wã yɩɩ bãmb n pa dĩma zakẽ. 20Dĩma sa n mii n wa sok-b bũmbu leokr sẽn ya toogo, minim la bãngr sã n ka pid zãngã, a yãetame tɩ bãmb leokra n da são naoor piiga, bagba la tɩta rãmb sẽn da be a soolmẽ wã leokre.
21A Daniyɛl paa dĩma zakẽ n tãag a Sirus sẽn waa n lebg dĩm dãmba dĩma.
Currently Selected:
Daniyɛl 1: SSDC98
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.