1KORẼNT RÃMBA 13

1Ba mam wɩlemd ninsaalb buud fãa goama, n paas malɛgsa rẽnna, m sã n pa tar nonglem, m yaa wa lombr sẽn wẽde, bɩ waaga sẽn kãglemde. 2#Mt 17,20; 21,21; Mk 11,23. Ba mam tar beoog yɛl bãngre, la m mi sẽn solg fãa, ba m yama vẽen ne bũmb fãa, ba m tẽeb pid zãnga tɩ sek a vigs tãmsã b zĩisẽ, m sã n ka tar nonglem kũuni, mam yaa zaalem. 3Ba mam dɩkẽ m paoong fãa n sõng naong rãmba; ba mam sakẽ tɩ b los m yĩnga bugmẽ, m ka tar nonglem, m kõn yãend dẽ yõod ye.

4Nonglem yaa maag-m-menga, nonglem yaa to sõngre, nonglem ka mi sũ-kiir ye, a ka wakr bɩ tɩtaam ye. 5Nonglem ka tʋmd beed ye, a ka mi zoe-bõne, a ka mi sũ-puuri, a ka tẽegd beegr ye. 6A ka kɩdemd a to bõne; a sũur nooma a puk sɩda. 7A ka ningd ned ba a ye taal ye; a tẽeda fãa, a saagda fãa, a sakda fãa.

8Nonglem bal n ka be sɛɛbo. Bãngr na n loogame, goam wɩleng na n loogame, yam vẽenem na n loogame. 9D yam vẽenem pʋs n yaa sãoogo, d bãngr me yaa sãoogo, ka pid ye. 10Sãooga fãa na n pida raar a ye, vẽenem la bãngr pidunga raare. 11M sẽn waa n ya yãaga, m da gomda wa yãaga, m da tagsda wa yãaga; m sẽn lebg bi-kãsenga, m basa yãadre. 12Tõnd sẽn ne bũmb ning marsa wã yaa wa ne nin-gɛtga; m sẽn mi marsa wã yaa bõn-wɛdga bala la m na yaool n wa bãnga zãnga, wala b sẽn mi maama.

13Marsã bũmb a tãab n be: tẽebo, saagre la nonglem la sẽn yɩɩd yaa nonglem.

Currently Selected:

1KORẼNT RÃMBA 13: SSDC98

Highlight

Copy

Compare