Kañaam 28
28
Nawat Kabuka aŧiink ñaaŋ ankkooţuluŋ
1Kayeeh ki pñaamarën Naşibaţi ki kapënna ţi ulibra wi Dayiţ
Iwi Yawe Nawat Kabuka, i nji kaduuŋ !
Iwi inwooŋ pnkuŋ pi nji ntëŋnuŋ, wutan kayomp !
iyomple, kanaam na bankwaliiŋ du bhër.
2Ŧiinkaan, wi nji kahuuranuŋ añehanu iñagi'aan ;
ŧiinkaan, wi nji ndeeŋuŋ iñen du dko dyimanaan maakan di nu.
3Wutan kanakrënaan na bañaaŋ bado buţaan ;
wutan kaŧelën na bado buţaan.
Baji baţiini bnuura na baŧënţ baka kaşë wo na buţaan ţi ŋhaaş.
4Lukan baka uko wi badoluŋ ;
kakaan baka buţaan di badoluŋ.
Lukan baka uko wi badoluŋ na iñen yi baka ;
kakaan baka iliŋan na uko wi badoluŋ.
5Baanji baţoo kafiiţ iko yi Yawe Nawat Kabuka adoluŋ ;
baanji baţoo kafiiţ ulemp wi adoluŋ na iñen yi nul.
Awatan baka ţi mboş apoş, awutan kanaţan baka nin !
6Ddëman Yawe Nawat Kabuka,
aji aŧiink pdiim pi naan wi nji ñehanuluŋ aji na a, añagi'aan.
7Nawat Kabuka awooŋ nayeŋ i naan akuţ awo ubeel wi naan ;
dţu mnhaţ mi naan bŧi ţi a, kë aji buuranaan ;
uhaaş wi naan uwo na mnlilan,
dbeeba na iyeeh yi naan.
8Nawat Kabuka awooŋ nayeŋ i pntaali pi nul ;
awooŋ katoh ki ŋniw ŋankëmuŋ kankbuuranuŋ naşih i adatuŋ.
9Iwi Nawat Kabuka, buuraan pntaali pi nu ;
wulan biki nu bnuura bi nu !
Woon nayafan i baka,
doon kayafan baka te mnţo !
Currently Selected:
Kañaam 28: knf
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Le Groupe CIM-TBM, Senegal
