Kañaam 26
26
Ñaaŋ anwooŋ naŧool ţi këş ki Naşibaţi añehana
1Kayeeh ki pñaamarën Naşibaţi ki kapënna ţi ulibra wi Dayiţ.
Iwi, Yawe Nawat Kabuka, wayëşaan,
dwo ñaaŋ naŧool.
Iwi, Nawat Kabuka, dhaţ ţi iwi,
mënkpën ţi bgah bŧool.
2Iwi Nawat Kabuka şalanaan,
ţu'aan ţi unoor işë ido katenën ;
şalaan bnuura uşal na uhaaş wi naan.
3Uŋal wi nu unwooŋ uunkba wii wi ţi kadun naan,
kë nşë poş ţi bgah bi nu.
4Mënji kaţo na bañaaŋ banjaaŋ balafrën,
mënji kawo na bañaaŋ banjaaŋ baţilan.
5Dpok byit bi banjaaŋ bado buţaan,
mënji kaţo na bañaaŋ baŋoonk.
6Nawat Kabuka, dñow iñen yi naan kadimanaan kë dwo naŧool ţi kadun ki nu,
kafooyna bliit bi mngur bi nu
7kabeebu kabot kaţup iko iñoŋarënaan yi idoluŋ.
8Nawat Kabuka, katoh ki ifëţuŋ kalilën,
dko di mndëm mi nu manwooŋ.
9Wutan kadolën jibi ijaaŋ kdo na bado buţaan ;
wutan kayeenkën ubida jibi ijaaŋ kyeenk wi bafiŋ bañaaŋ.
10Iñen yi baka iţop na iko iwuţaan maakan ;
badinan kë banug baka kë başë do uko wi banuguŋ baka baŋaluŋ.
11Kë nji nşë wo naŧool ;
Nawat Kabuka, buuranaan, ñagi'aan.
12Dwo ţi bgah bŧool ;
dluŋ kadëman Yawe Nawat Kabuka ţi kadun ki bañaaŋ.
Currently Selected:
Kañaam 26: knf
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Le Groupe CIM-TBM, Senegal
