Maci 2
2
Bayaanţ banwoonuŋ umayar unuur babi pwin Yeŧu
1Yeŧu abuka du ubeeka wi Betleyem du uŧaak wi Yuda, ţi wal wi Herod awooŋ naşih. Ţi wal mënţ wuŋ, kë biinţ bame ŋjah başë pënna umayar unuur aban ţi Yeruŧalem, 2aşë hepar aji : « Ţuŋ di di Naşih i bayuday ambukiiŋ awooŋ ba ? Ŋwin ujah wi nul du uŧaak wi nun, aşë bi pdëmana. »
3Wi Herod naşih aŧiinkuŋ uko waŋ, ayewlaa ukaaŋ kë bañaaŋ biki Yeruŧalem bŧi bakak ayewla. 4Ado baţeŋan baweek na bajukan Bgah bŧi kë bayiti, aşë hepar baka dko di Kriŧtu awooŋ i kabuknaana. 5Kë baŧeema aji : « Du Betleyem du uŧaak wi Yuda, waŋ wi wi Naţupar Naşibaţi apiiŧuŋ :
6 “Iwi Betleyem, mboş mi uŧaak wi Yuda
mënţ iwooŋ ufëţ umpoţëţaanuŋ ţi Yuda ;
ţi iwi di naşih akpënnuŋ
ul akwooŋ nayafan i Iŧrayel, pntaali pi naan.” # Natenan ţi Mike 5.1 ; 2 Ŧamiyel »
7Wal mënţ kë Herod aşë bop adu biinţ bame ŋjah, ado kë baţupa bnuura wal wi ujah ujaaŋ upën. 8Wi wi aşaaŋ ado baka kë baya du Betleyem, aji na baka : « Nayaan nahepar bnuura ţi uko wi napoţ mënţ, woli naya wina, nabi kaţupën, nhilna kak nya ndëmana. » 9Wi naşih ajakuŋ haŋ, kë başë ya ; wi wi ujah wi babiiŋ awin uşaaŋ apën, awo ţi kadun ki baka, te adoo ya aŧaaŋ na dko di napoţ awooŋ aşë naţ. 10Wi bawinuŋ ujah aşë lilan maakan. 11Baneej ţi katoh, awin napoţ na Mariya anin, aşë ŋup adëmana. Bahaabëş wal mënţ ŋmañ ŋi baka apënan da uwuuru, na mnkulan#2.11 Mnkulan : Manwo pñaak pi mnko, pi bajaaŋ bakayan. Udu wi pa ulil pţëkëñ. Pñaak mënţ patam maakan., na ukëra ujuŋ ulil pţëkëñ, aţena. 12Kë Naşibaţi aşë diiman baka ţi ŋţaafi kë baanwo i kakak du Herod, wi wi başaaŋ aţëpna bgah bloŋ akak uŧaak wi baka.
Yoŧef na aharul baţi na abuk baka aya Ejiptu
13Wi biinţ bame ŋjah bayaaŋ, kë uwanjuŧ wi Ajugun uşë pën awinana ţi ŋţaafi ţi kadun ki Yoŧef aji na a : « Naţiin, ijej napoţ na anin, naţi naya Ejiptu, iţo da te wal wi nji kabiiŋ kaţupu, ţiki Herod abi kado karab napoţ pa pfiŋa. » 14Kë Yoŧef anaţa na uŧejan, ajej napoţ na anin kë baya Ejiptu. 15Baya ţo da te wal wi Herod akeţuŋ. Uko mënţ uyuuj kë uko wi Ajugun abiiŋ aţup aţëpna ţi naţuparul udolana : « Du Ejiptu di di nduunuŋ abuk naan ».#Hoŧey 11.11
16Wi Herod ammeeŋ kë bame ŋjah baguura, adeebaţ maakan. Ayil wal mënţ du Betleyem na ţi ŋfëţ ŋanñoguŋ da bŧi aji bafiŋ bapoţ biinţ bŧi banwooŋ baampel ŋşubal ŋtëb, ţiki bame ŋjah baţupa wal wi napoţ abukiiŋ. 17Hënk di di uko wi Yeremiya Naţupar Naşibaţi abiiŋ aţup udolaniiŋ :
18 « Pdiim pi ñaaţ aloŋ paŧiinkana du ubeeka wi Rama,
ŋwooni na mnţëg mweek :
Rakel akwooniiruŋ babukul ;
aşë nooran pyompan,
ţiki bakeţi. » #
Yeremiya 31.15
Yoŧef awoona Ejiptu abi afëţ ţi Naŧaret
19Wi Herod akeţuŋ, kë uwanjuŧ wi Ajugun uşë pën awinana ţi kadun ki Yoŧef ţi ŋţaafi du Ejiptu. 20Uji na a : « Naţiin, ijej napoţ na anin, nakak uŧaak wi Iŧrayel : banŋaluŋ pfiŋ napoţ bakeţi. » 21Kë Yoŧef anaţa ajej napoţ na anin, akak Iŧrayel. 22Kë wi ameeŋ kë Arkelayuŧ ahiijuŋ uŧaak wi Yuda wi Herod aşin akeţuŋ, kë aşë ţi pya da. Naşibaţi ayuuja ţi ŋţaafi kë awo i kaya uŧaak wi Galilay#2.22 Uŧaak wi Galilay : Dul di di aţa Arkelayuŧ awooŋ naşih.. 23Aya afëţ du ubeeka uloŋ wi bajaaŋ badu Naŧaret, hënk uko wi baţupar Naşibaţi bajakuŋ udolanaa : « Aluŋ kadu'ana ñiinţ i Naŧaret. »
Currently Selected:
Maci 2: knf
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Le Groupe CIM-TBM, Senegal