Aroma 9
9
Ngai na andũ aake
1Ndĩraaria ũhoro wa ma; ndingĩaria maheeni tondũ ndĩ wa Kristũ. O nayo thamiri yakwa, ĩtongoreetio nĩ Roho Mũtheru, nĩ mũira wakwa atĩ ndiraheenania. 2Ndĩ na kĩeha kĩnene na ruwo ngoroinĩ, 3nĩ ũndũ wa andũ a rũũrĩrĩ rwitũ arĩa tũciaranĩirwo nao. Niĩ no nyende nyiitwo nĩ kĩrumi kĩa Ngai na ndigithanio na Kristũ nĩ ũndũ wao. 4#Tha 9.4 Nĩ o andũ a Isiraeli; Ngai nĩamatuire ciana ciake na akĩmaguũrĩria riiri wake; nĩathondekire Kĩrĩĩkanĩro nao na akĩmahe Watho; nĩmooĩ gũthaathaiya Ngai ũrĩa kwagĩrĩire; nĩmahingĩirio ciĩranĩro; 5nĩ a rũciaro rwa maithe maitũ marĩa me ngumo; o naake Kristũ, ta mũndũ, nĩ wa rũciaro rwao. Ngai ũrĩa wathaga maũndũ moothe arogoocagwo tene na tene#9.5 Ngai ũrĩa wathaga maũndũ moothe arogoocagwo tene na tene: Kana; naake ũcio arĩ we Ngai ũrĩa wathaga maũndũ moothe arogoocagwo tene na tene.! Ameni.
6Ũguo ti kuuga atĩ kĩĩranĩro kĩa Ngai nĩkĩagire kũhinga, nĩ gũkorwo ti andũ oothe a Isiraeli Ngai aathuurire matuĩke andũ aake. 7#Kĩa 21.12 O na ti njiarwa ciothe cia Aburahamu ciana cia Ngai. Nĩ ũndũ Ngai eerire Aburahamu atĩrĩ, “Nĩharĩ Isaaka hakoima andũ a rũciaro rũrĩa ndakwĩrĩire.” 8Ũguo nĩkuuga atĩ ciana iria iciarĩĩtwo na njĩra ya mwĩrĩ#9.8 Ciana iria iciarĩĩtwo na njĩra ya mwĩrĩ: Nĩkuuga rũciaro rũrĩa Aburahamu aagĩire kuuma harĩ Ishumaeli ũrĩa aaciarĩĩte na Hagari. ti ciana cia Ngai; iria ciumanĩĩte na kĩĩranĩro kĩa Ngai, nĩcio njiarwa ciake.
9 #
Kĩa 18.10
Nĩ gũkorwo kĩĩranĩro kĩa Ngai kĩoigĩĩte atĩrĩ, “Hĩndĩ ĩrĩa njagĩrĩru#9.9 Hĩndĩ ĩrĩa njagĩrĩru: Kana; mahinda ta maya mwaka ũcio ũngĩ. yakinya nĩngaacooka, na Sara nĩakaagĩa na kahĩĩ.”
10Na to ũguo wiki, nĩ gũkorwo Rebeka o naake nĩagĩire ciana igĩrĩ cia mahatha cia ithe ũmwe, nĩ we ithe witũ Isaaka. 11-12#Kĩa 25.23 No rĩĩrĩ, nĩguo ũhoro wa gũthuura mwana ũmwe wa mahatha macio ũtuĩke warĩ wendi wa Ngai kĩũmbe-rĩ, Ngai nĩerire Rebeka atĩrĩ, “Ũrĩa mũkũrũ nĩagaatungata ũrĩa mũnyiinyi.” Oigire ũguo mataanaciarwo, na mateekĩĩte ũndũ o wothe mũũru kana mwega. Kwoguo Ngai ndathuuranire na ũndũ o wothe wekĩĩtwo nĩ ciana icio, aathuuranire na ũndũ wa wendi wake. 13#Mal 1.2-3 O ta ũrĩa maandĩko moigĩĩte atĩrĩ, “Nĩndeendire Jakubu, ngĩthũũra Esau.”
14Tũkiuge atĩa ũhoroinĩ ũcio? Tuuge atĩ Ngai ndarĩ na kĩhooto? Aaca o na haniini! 15#Tha 33.19 Amu eerire Musa atĩrĩ, “Ndĩiguagĩra tha o ũrĩa ndeenda kũiguĩra tha, na ndĩcaayagĩra o ũrĩa ndeenda gũcaaĩra.” 16Nĩ ũndũ ũcio, maũndũ moothe moonekaga nĩ ũndũ wa tha cia Ngai, no ti ũrĩa mũndũ eendaga kana ũrĩa eekaga. 17#Tha 9.16 Amu maandĩko meerĩĩte mũthamaki wa Misiri atĩrĩ, “Ndagũtuire mũthamaki nĩ geetha nyonanie hinya wakwa, na ngumo yakwa ĩhunjio thĩ yothe.” 18Nĩ ũndũ ũcio Ngai nĩaiguagĩra tha mũndũ o wothe angĩenda kũiguĩra tha, na nĩomagia ngoro ya mũndũ o wothe angĩenda kũũmia.
Maraakara na tha cia Ngai
19Mũndũ ahota kũnjũũria atĩrĩ, “Angĩkorwo nĩ ũguo-rĩ, Ngai angĩkĩhota atĩa kuuga mũndũ o na ũrĩkũ nĩehĩĩtie? Nũũ ũngĩkĩhota kũregana na wendi wake?” 20#Isa 29.16; 45.9 Hĩ! Wee wĩ ũ mũraata wakwa, nĩguo ũcookerie Ngai? Atĩrĩĩrĩ, nyũngũ yahota kũũria ũrĩa wamĩũmbire, “Wanyũmbire haana ũũ nĩkĩ?” 21Rĩu-rĩ, mũndũ ũrĩa ũũmbaga nyũngũ e na hinya wa gwĩka o ũrĩa angĩenda na rĩũmba; ahota gũthondeka nyũngũ igĩrĩ kuuma harĩ rĩũmba, ĩmwe ya kũhũthĩrwo na njĩra ya mwanya, na ĩngĩ ya kũhũthĩrwo hĩndĩ ciothe.
22Ũguo noguo Ngai eekĩĩte. Eendaga kuonania maraakara maake na gũtũma hinya wake ũmenyeke. No rĩĩrĩ, nĩakirĩrĩirie mũno makĩria arĩa maatũire mamũraakarĩĩtie, arĩa maarĩ a kũniinwo o biũ. 23Ningĩ nĩendaga kuonania ũrĩa riiri wake wĩ mũingĩ, ũrĩa aatũheire nĩ ũndũ wa gũtũiguĩra tha, o ithuĩ arĩa athagathagĩĩte a kũgaya riiri ũcio wake. 24Nĩ gũkorwo nĩ ithuĩ eetire, to kuuma kũrĩ Ayahudi, no o na kuuma kũrĩ andũ a Ndũũrĩrĩ. 25#Hos 2.23 O ta ũrĩa oigĩĩte thĩinĩ wa ibuku rĩa mũnabii Hosea atĩ:
“Andũ arĩa mataarĩ aakwa nĩ o ngeeta, ‘Andũ aakwa.’
Rũũrĩrĩ rũrĩa rũtaarĩ rwende nĩruo ngeeta, ‘Mwendwa wakwa.’
26 #
Hos 1.10
Ningĩ o hau meerĩirwo atĩ, ‘Mũtirĩ andũ aakwa,’
no ho magacooka meetĩrwo, aariũ a Ngai ũrĩa ũrĩ muoyo.”
27 #
Isa 10.22-23
O naake Isaia nĩoigire ũhoro ũkoniĩ Isiraeli atĩ: “O na angĩkorwo andũ a Isiraeli nĩ aingĩ o ta mũthanga wa iriainĩ-rĩ, no aniini mũno aao makaahonoka, 28nĩ gũkorwo Mwathani nĩegũciirithia andũ a thĩ na amatuĩre o narua.” 29#Isa 1.9 Gũkĩhaana o ta ũrĩa Isaia oigĩĩte o mbere atĩ: “Korwo Mwathani, Ngai Mwene Hinya Wothe ndatũtigĩirie andũ amwe-rĩ, tũngĩatwĩkire ta Sodomu, na tũhaane o ta Gomora.”
Paũlũ kũhoera Aisiraeli
30Rĩu tũkiuge atĩa? Tũkuuga atĩrĩ, andũ a Ndũũrĩrĩ, o arĩa mataageragia kũiguithania na Ngai nĩmaiguithanirio naake nĩ ũndũ wa gwĩtĩkia, 31no Aisiraeli arĩa meerutanagĩria kũhingia watho nĩguo maiguithanio na Ngai matiahotire kũũhingia. 32#Isa 28.16 Gĩtũmi nĩ tondũ, matiaũhingirie na wĩtĩkio, meehokire ciĩko ciao. Nĩ ũndũ ũcio magĩkĩhĩngwo nĩ “Ihiga rĩa kũhĩngana,” 33rĩrĩa maandĩko maarĩĩtie ũhoro warĩo atĩrĩ:
“Nĩngũiga kũu Zayuni ihiga rĩa kũhĩngaga andũ, rĩrĩa rĩrĩtũmaga magũe.
No ũrĩa wothe ũmwĩtĩkĩĩtie ndagaaconorithio.”
Currently Selected:
Aroma 9: GKNDC
Highlight
Share
Compare
Copy
Want to have your highlights saved across all your devices? Sign up or sign in
Gikuyu Common Language Bible with DC © Bible Society of Kenya, 2014, 2018.
