Thaama 20
20
Maathani Marĩa Ikũmi
(Gũco 5.1-21)
1Naake Ngai akĩaria ciugo ici akiuga atĩrĩ, 2“Nĩ niĩ MWATHANI Ngai waku ũrĩa wakũrutire bũrũri wa Misiri, uume nyũmbainĩ ya ũkombo.
3“Ndũkaanathaathaiye ngai ingĩ tiga niĩ.
4 #
Tha 34.17; Alaw 19.4; 26.1; Gũco 4.15-18; 27.15 “Ndũkaanethondekere mĩhianano ya kĩndũ o gĩothe kĩrĩ kũrĩa igũrũ, kana kĩrĩ gũũkũ thĩ, kana kĩrĩ maaĩinĩ marĩa me rungu rwa thĩ. 5#Tha 34.6-7; Nda 14.18; Gũco 7.9-10 Ndũkaanainamĩrĩre mũhianano o wothe o na kana ũũthaathaiye, nĩ amu niĩ MWATHANI Ngai waku ndĩ Ngai ũteendeete kũigananio na ngai ĩngĩ. Nĩherithagia arĩa mathũire, o na ciana ciao, o nginya rũciaro rwa gatatũ na rwa kana. 6Ningĩ nĩnjiguagĩra andũ ngiri na ngiri tha arĩa manyendeete na makaigua maathani maakwa.
7 #
Alaw 19.12
“Ndũkaanagwete rĩĩtwa rĩakwa na itherũ nĩ gũkorwo niĩ MWATHANI Ngai waku nĩherithagia mũndũ o wothe ũgwetaga rĩĩtwa rĩakwa na itherũ.
8 #
Tha 16.23-30; 31.12-14 “Menyagĩrĩra mũthenya wa Thabatũ ũwamũrage. 9#Tha 23.12; 31.15; 34.21; 35.2; Alaw 23.3 Rutaga wĩra waku wothe mĩthenya ĩtandatũ. 10Mũthenya wa mũgwanja nĩ mũthenya wa kũhuurũka ũrĩa wamũrĩirwo MWATHANI Ngai waku. Mũthenya ũcio ndũkaanarute wĩra wee mwene, mũũrũguo, mwarĩguo, ndungata yaku ya mũndũ mũrũme kana ya mũndũ wa nja, ũhiũ waku, o na kana mũgeni ũrĩa ũrĩ gwaku mũciĩ. 11#Kĩa 2.1-3; Tha 31.17 Amu niĩ MWATHANI, ndoombire igũrũ, thĩ, iria rĩrĩa inene, o na indo ciothe iria irĩ kuo mĩthenya ĩtandatũ, no mũthenya wa mũgwanja ngĩhuurũka. Kwoguo niĩ MWATHANI, nĩndaraathimire mũthenya ũcio wa Thabatũ ngĩwamũra.
12 #
Gũco 27.16; Mat 15.4; 19.19; Mar 7.10; 10.19; Luk 18.20; Aef 6.2-3 “Tĩĩa thooguo na maitũguo, nĩ geetha ũtũũre matukũ maingĩ bũrũri ũrĩa niĩ, MWATHANI Ngai waku, ngũkũhe.
13 #
Kĩa 9.6; Alaw 24.17; Mat 5.21; 19.18; Mar 10.19; Luk 18.20; Aro 13.9; Jak 2.11 “Ndũkaanooragane.
14 #
Alaw 20.10; Mat 5.27; 19.18; Mar 10.19; Luk 18.20; Aro 13.9; Jak 2.11 “Ndũkaanatharanie.
15 #
Alaw 19.11; Mat 19.18; Mar 10.19; Luk 18.20; Aro 13.9 “Ndũkaanaiye.
16 #
Tha 23.1; Mat 19.18; Mar 10.19; Luk 18.20 “Ndũkaanaigĩrĩre mũndũ ũrĩa ũngĩ kĩgeenyo.
17 #
Aro 7.7; 13.9 “Ndũkaanerirĩrie nyũmba ya mũndũ ũrĩa ũngĩ, o na ndũkaanerirĩrie mũtumia wake, ndungata yake ya mũndũ mũrũme kana ya mũndũ wa nja, ndeegwa yake, ndigiri yake, kana o kĩndũ gĩake o gĩothe.”
Andũ gwĩtigĩra
(Gũco 5.22-33)
18 #
Ahib 12.18-19
Rĩrĩa andũ maiguire marurumĩ, heni na mũgambo wa tũrumbeeta, na makĩona kĩrĩma kĩu gĩgĩtooga, magĩĩtigĩra na makĩinaina. Magĩkĩrũũgama o haraaya 19makĩĩra Musa atĩrĩ, “Aria na ithuĩ arĩ we na nĩtũkũigua; reke Ngai atige kwaria na ithuĩ tũtigaakue.”
20Naake Musa akĩmacookeria atĩrĩ, “Tigaai gwĩtigĩra; amu Ngai ookĩĩte o kũmũgeria, na gũtũma mũthiĩ na mbere kũmwathĩkĩra nĩ geetha mũtikaae kwĩhia.” 21Nao andũ magĩthiĩ na mbere kũrũũgama o haraaya, na no Musa wathiire hakuhĩ na itu rĩu itumanu harĩa Ngai aarĩ.
Mawatho makoniĩ igongoona cia magongoona
22Ningĩ MWATHANI agĩatha Musa eere andũ a Isiraeli atĩrĩ: Inyuĩ eene nĩmweyonera atĩ nĩndamwarĩria ndĩ igũrũ matuinĩ. 23Mũtikaanethondekere ngai ingĩ cia betha o na kana cia thahabu cia gũthaathayanĩrio na niĩ. 24Thondekeraai kĩgongoona mũgĩake na tĩĩri na igũrũ rĩakĩo mũrute ng'ondu na ng'ombe cianyu irĩ magongoona ma njino na thaayũ. Handũ o hoothe harĩa ndĩrĩmũamũragĩra hatuĩke ha gũũthaathayagĩria, hau nĩ ho ndĩrĩũkaga ngamũraathima. 25#Gũco 27.5-7; Jos 8.31 Mũngĩthondekera kĩgongoona kĩa mahiga-rĩ, mũtikaanagĩake na mahiga ma gũacũhio, amu mwamacũhia na mũcumaarĩ mũtingĩnjakĩra kĩgongoona namo. 26Ningĩ mũtikaananjakĩre kĩgongoona kĩrĩ na ngathĩ, mũngĩgeeka ũguo nĩmũkeeyonania njaga mũkĩhaica ngathĩ icio.
Currently Selected:
Thaama 20: GKNDC
Highlight
Copy
Compare
Share
Want to have your highlights saved across all your devices? Sign up or sign in
Gikuyu Common Language Bible with DC © Bible Society of Kenya, 2014, 2018.
