Mathayo 26
26
Mũbango wa kũũraga Jesũ
(Mar 14.1-2; Luk 22.1-2; Joh 11.45-53)
1Na rĩĩrĩ, Jesũ arĩĩkia kũrutana maũndũ macio moothe akĩĩra arutwo aake atĩrĩ, 2#Tha 12.1-27 “Nĩmũũĩ atĩ thigũkũ ya Bathaka nĩgũkinya thuutha wa mĩthenya ĩĩrĩ, na Mũrũ wa Mũndũ nĩekũnengeranwo akaambwo.”
3Hĩndĩ o ĩyo athĩnjĩri Ngai arĩa anene na athuuri magĩcemania mũciĩ kwa Mũthĩnjĩri Ngai Ũrĩa Mũnene wetagwo Kaiafa, 4makĩbanga kũnyiita Jesũ na hitho nĩguo mamũũrage. 5No makĩĩrana atĩrĩ, “Tũtigwĩka ũguo hĩndĩ ĩno ya thigũkũ, mũingĩ ndũgatũũkĩrĩre.”
Jesũ gũitĩrĩrio maguta e Bethania
(Mar 14.3-9; Joh 12.1-8)
6Na rĩĩrĩ, hĩndĩ ĩmwe Jesũ arĩ Bethania mũciĩ gwa Simoni ũrĩa warũarĩĩte mũrimũ mũũru wa ngoothi, 7#Luk 7.37-38 aikaire meethainĩ akĩrĩa, mũtumia ũmwe nĩokire harĩ we arĩ na cuuba yarĩ na maguta manungi wega ma goro mũno, akĩmũitĩrĩria mũtwe. 8Hĩndĩ ĩrĩa arutwo moonire ũguo makĩraakara makĩũrania atĩrĩ, “Nĩ wa kĩ ũitangi ũyũ? 9Maguta maya nĩmangĩendio mbeeca nyingĩ iheeo athĩĩni.”
10Naake Jesũ akĩmenya ũrĩa moigaga, na akĩmooria atĩrĩ, “Mũrathĩĩnia mũtumia ũyũ nĩkĩ? We nĩanjĩka ũndũ mwega. 11#Gũco 15.11 Nĩ amu andũ arĩa athĩĩni mũrĩkoragwo nao hĩndĩ ciothe no mũtirĩkoragwo na niĩ hĩndĩ ciothe. 12Anjitĩrĩria maguta macio nĩ geetha ahaarĩrĩrie mwĩrĩ wakwa ũhoroinĩ wa gũthikwo. 13Ngũmwĩra na ma atĩ kũrĩa guothe ũhoro ũyũ Mwega ũkaahunjio thĩinĩ wa thĩ yothe, ũndũ ũcio anjĩka nĩũkaaganagwo nĩ geetha aririkanagwo.”
Judasi gwĩtĩkĩra gũkunyanĩra Jesũ
(Mar 14.10-11; Luk 22.3-6)
14Na hĩndĩ ĩyo ũmwe wa arutwo arĩa ikũmi na eerĩ ũrĩa wetagwo Judasi Mũisikariota, agĩthiĩ kũrĩ athĩnjĩri Ngai arĩa anene 15#Zak 11.12 akĩmooria atĩrĩ, “Nĩ kĩĩ mũkũũhe ndamũnengera Jesũ?” Nao magĩtara icunjĩ mĩrongo ĩtatũ cia betha makĩmũnengera. 16Kuuma hĩndĩ ĩyo Judasi akĩambĩrĩria gũcaria mweke wa kũneana Jesũ kũrĩ o.
Jesũ kũrĩanĩra Bathaka na arutwo aake
(Mar 14.12-21; Luk 22.7-14,21-23; Joh 13.21-30)
17Mũthenya wa mbere wa Thigũkũ ya mĩgate ĩrĩa ĩtarĩ mĩĩkĩre ndaawa ya kũimbia, arutwo a Jesũ magĩthiĩ kũrĩ we makĩmũũria atĩrĩ, “Ũkwenda tũgakũhaarĩrĩrie irio cia Bathaka kũ?”
18Naake akĩmeera atĩrĩ, “Thiĩi itũũrainĩ kũrĩ mũndũ mũna mũmwĩre atĩrĩ, ‘Mũrutani ekuuga ihinda rĩakwa nĩikinyu na ngũrĩĩra irio cia Bathaka nyũmba gwaku na arutwo aakwa.’ ”
19Nao arutwo magĩĩka o ta ũrĩa Jesũ aameerĩĩte makĩhaarĩria irio cia Bathaka.
20Gwakinya hwaĩinĩ, Jesũ na arutwo arĩa ikũmi na eerĩ magĩikara meethainĩ kũrĩa. 21Rĩrĩa maarĩaga-rĩ, Jesũ akĩmeera atĩrĩ, “Ngũmwĩra na ma atĩ, ũmwe wanyu nĩekũngunyanĩra.”
22Nao arutwo makĩnyiitwo nĩ kĩeha kĩnene, makĩambĩrĩria kũmũũria ũmwe kwa ũmwe atĩrĩ, “Hiihi nĩ niĩ, Mwathani?”
23 #
Thab 41.10
Naake Jesũ akĩmacookeria atĩrĩ, “Ũrĩa twatobokanĩria mũgate mbakũriinĩ nĩ we ũkũngunyanĩra. 24Mũrũ wa Mũndũ nĩegũkua o ta ũrĩa kwandĩkĩĩtwo, indĩ kaĩ mũndũ ũrĩa ũkũmũkunyanĩra e thĩĩna-ĩ! Nĩ kaba mũndũ ũcio atangĩaciarirwo!”
25Naake Judasi ũrĩa mũmũkunyanĩri akĩmũũria atĩrĩ, “Mũrutani, hiihi nĩ niĩ?”
Naake Jesũ akĩmũcookeria akĩmwĩra atĩrĩ, “Nĩwoiga.”
Irio cia Mwathani
(Mar 14.22-26; Luk 22.14-20; 1Akor 11.23-25)
26Na rĩĩrĩ, o hĩndĩ ĩyo maarĩaga, Jesũ akĩoya mũgate, akĩũraathima, agĩcooka akĩwenyũra, akĩũnengera arutwo aake akĩmeera atĩrĩ, “Keei mũrĩe, ũyũ nĩ mwĩrĩ wakwa.”
27Agĩcooka akĩoya gĩkombe, na arĩĩkia gũcookeria Ngai ngaatho akĩmanengera akiugaga atĩrĩ, “Nyuanĩraai inyuothe. 28#Tha 24.8; Jer 31.31-34 Ĩno nĩ yo thakame yakwa ya kĩrĩĩkanĩro#26.28 Kĩrĩĩkanĩro: Maandĩko mangĩ nĩmoongagĩrĩra; kĩrĩa kĩerũ. ĩrĩa ĩgũitwo tondũ wa andũ aingĩ nĩ ũndũ wa kuohanĩrwo kwa meehia. 29No ngũmwĩra atĩ, ndigaacooka kũnyua ndibei ĩno rĩngĩ kinya mũthenya ũrĩa ngaamĩnyuanĩra na inyuĩ yerũhĩĩtio Ũthamakiinĩ wa Awa.”
30Nao marĩĩkia kũina rwĩmbo, makiuma magĩthiĩ kĩrĩmainĩ kĩa Mĩtamaiyũ.
Jesũ kwĩra Petero o mbere atĩ nĩarĩmũkaana
(Mar 14.27-31; Luk 22.31-34; Joh 13.36-38)
31 #
Zak 13.7
Ningĩ Jesũ akĩmeera atĩrĩ, “Ũtukũ ũyũ inyuothe nĩmũrĩndirika. Amu nĩkwandĩkĩĩtwo atĩrĩ, ‘Ngai nĩakooraga mũrĩithi, nacio ng'ondu cia rũũru rwake ihurunjũke.’ 32#Mat 28.16 No ndaariũkio nĩngaamũtongoria gũthiĩ Galili.”
33Hĩndĩ ĩyo Petero akĩĩra Jesũ atĩrĩ, “Niĩ ndirĩ hĩndĩ ngaagũtirika o na arĩa angĩ oothe mangĩgũtirika.” 34Naake Jesũ akĩmwĩra atĩrĩ, “Ngũkwĩra na ma atĩ ũtukũ ũyũ ngũkũ ĩtaanakũga nĩũrĩngaana gatatũ.”
35Naake Petero akĩmwĩra atĩrĩ, “O na angĩkorwo nĩgũkuanĩra ndĩrĩkuanĩra nawe, niĩ ndirĩgũtirika!”
Nao arutwo acio angĩ oothe makiuga o ro ũguo.
Jesũ kũhooya e Gethisemane
(Mar 14.32-42; Luk 22.39-46)
36Jesũ agĩcooka agĩthiĩ na arutwo aake handũ heetagwo Gethisemane, na akĩmeera atĩrĩ, “Ikaragaai haaha thiĩ haarĩa mbere ngahooe.” 37Akĩoya Petero na aariũ arĩa eerĩ a Zebedi agĩthiĩ nao. Naake agĩkĩambĩrĩria kũigua kĩeha na gũthĩĩnĩka ngoro, 38akĩmeera atĩrĩ, “Ndĩraigua kĩeha mũno o ta ngirie gũkua. Ikaragaai haaha na mwĩhũũge hamwe na niĩ.”
39Agĩthiĩ kabere haniini, akĩĩgũithia thĩ, na akĩhooya atĩrĩ, “Awa, angĩkorwo no kũhoteke, reke gĩkombe gĩĩkĩ kĩa mĩnyamaaro kĩnjeherere! No ti ũrĩa niĩ ngwenda, no nĩ ũrĩa wee ũkwenda.”
40Rĩrĩa aacookire harĩa arutwo maarĩ agĩkora makomeete, akĩũria Petero atĩrĩ, “Tuuge mũtingĩhota kwĩhũũga hamwe na niĩ o na ithaa rĩmwe? 41Mwĩhũũgeei na mũhooe nĩguo mũtikagũe magerioinĩ. Ngoro nĩkwenda no mwĩrĩ ndũrĩ na hinya.”
42Agĩcooka akĩmatiga rĩngĩ agĩthiĩ akĩhooya atĩrĩ, “Awa angĩkorwo gĩkombe gĩĩkĩ kĩa mĩnyamaaro gĩtingĩnjeherera tiga ndĩkĩnyuĩrĩire-rĩ, reke wendi waku wĩkwo.” 43Naake acooka rĩngĩ harĩa arutwo maarĩ, agĩkora makomeete tondũ nĩmaathĩĩnagio nĩ toro.
44Ningĩ Jesũ akĩmatiga, agĩthiĩ akĩhooya riita rĩa gatatũ akiugaga ciugo o icio. 45Rĩrĩa aacookire harĩ arutwo akĩmooria atĩrĩ, “No gũkoma mũkomeete mũkahuurũka? Oneei! Ihinda nĩikinyu, Mũrũ wa Mũndũ nĩekũneanwo mookoinĩ ma andũ eehia. 46Ũkĩraai tũthiĩ; ũrĩa ũkũngunyanĩra nĩakinya!”
Jesũ Kũnyiitwo
(Mar 14.43-50; Luk 22.47-53; Joh 18.3-12)
47Na rĩrĩa Jesũ aaragia ũguo Judasi, ũmwe wa arĩa ikũmi na eerĩ, agĩkinya. Ookĩĩte na andũ gĩkundi kĩnene me na hiũ cia njora na njũgũma, matũmĩĩtwo nĩ athĩnjĩri Ngai arĩa anene, o na athuuri a kĩama. 48Judasi ũcio wamũkunyanagĩra nĩamaheete kĩmenyithia akameera atĩrĩ, “Ũrĩa ndĩmumunya, ũcio nĩ we; mũnyiiteei!”
49Naake Judasi agĩthiĩ o rĩmwe harĩ Jesũ akĩmwĩra atĩrĩ, “Mũrutani! Ũrĩ mũhoro!” Na akĩmũmumunya.
50Naake Jesũ akĩmwĩra atĩrĩ, “Ũrĩa ũreeka ĩka narua!#26.50 Ũrĩa ũreeka ĩka narua: Kana; mũraata, wĩ gũũkũ nĩkĩ?”
Nao magĩũka makĩnyiita Jesũ makĩmũrũmia. 51Naake ũmwe wa arĩa maarĩ na Jesũ, agĩcomora rũhiũ rwa njora, agĩtema ngombo ya Mũthĩnjĩri Ngai Ũrĩa Mũnene, akĩmĩtinia gũtũ. 52Naake Jesũ akĩmwĩra atĩrĩ, “Cookia rũhiũ rwaku njora, nĩ amu arĩa oothe moyaga hiũ, makooragwo na hiũ. 53Githĩ ndũũĩ atĩ no njĩtie ũteithio kuuma kũrĩ Awa, na andũmĩre thigari cia araika makĩria ma mbũtũ ikũmi na igĩrĩ? 54No ningĩ-rĩ, Maandĩko mangĩkĩhinga atĩa marĩa moigaga atĩ, ũndũ ũyũ no mũhaka ũhinge?”
55 #
Luk 19.47; 21.37 Hĩndĩ ĩyo Jesũ akĩũria andũ acio atĩrĩ, “Kaĩ muoka na hiũ na njũgũma ta arĩ mũici muoka kũnyiita? Mũthenya o mũthenya ndĩrakoragwo Hekaarũinĩ ngĩrutana na mũtingĩnyiita. 56No maũndũ maya moonekeete nĩ geetha Maandĩko ma anabii mahinge.”
Naake arĩĩkia kũnyiitwo, arutwo aake oothe makĩmũtirĩka, makĩũra.
Jesũ gũtwarwo mbere ya kĩama
(Mar 14.53-65; Luk 22.54-55,63-71; Joh 18.13-14,19-24)
57Nao acio maanyiitire Jesũ makĩmũtwara mũciĩ gwa Kaiafa ũrĩa warĩ Mũthĩnjĩri Ngai Ũrĩa Mũnene, kũrĩa arutani a Watho na athuuri maagomanĩĩte. 58Naake Petero akĩmũrũmĩrĩra arĩ o haraaya, kinya agĩkinya nja kwa Mũthĩnjĩri Ngai Ũrĩa Mũnene. Agĩthiĩ agĩikara hau nja na arangĩri nĩ geetha oone ũrĩa gũkũhaana. 59Nao athĩnjĩri Ngai arĩa anene o na kĩama gĩothe magĩcaria ũira wa maheeni ũrĩa mangĩruta nĩguo mamũũragithie, 60no makĩaga, o na gũtuĩka andũ aingĩ nĩmaarutire ũira wa maheeni. Thuuthainĩ andũ eerĩ nĩmaarũũgamire makiuga atĩrĩ, 61#Joh 2.19 “Mũndũ ũyũ oigire atĩ no ahote gũtharia Hekaarũ ya Ngai, na acooke amĩake na mĩthenya ĩtatũ.”
62Naake Mũthĩnjĩri Ngai Ũrĩa Mũnene akĩrũũgama akĩĩra Jesũ atĩrĩ, “Kaĩ wee ũtarĩ ũndũ ũgũcookia ũhoroinĩ ũcio?” 63No Jesũ agĩkira ki. Hĩndĩ ĩyo Mũthĩnjĩri Ngai ũcio Mũnene akĩmwĩra atĩrĩ, “Ndagũthaitha na Ngai ũrĩa ũrĩ muoyo, ũtwĩre kana wee nĩ we Mesia Mũrũ wa Ngai.”
64 #
Dan 7.13
Naake Jesũ akĩmwĩra atĩrĩ, “Nĩwoiga. No ngũmwĩra atĩ thuutha wa ihinda rĩĩrĩ, nĩmũkoona Mũrũ wa Mũndũ aikarĩĩte mwena wa ũrĩo wa Mwene Hinya Wothe, o na muone agĩũka arĩ matuinĩ ma igũrũ!”
65 #
Alaw 24.16
Naake Mũthĩnjĩri Ngai ũcio Mũnene aigua ũguo agĩtembũranga nguo yake nĩ ũndũ wa kũraakara akiuga atĩrĩ, “Nĩaruma Ngai! Kaĩ tũgũkĩenda aira angĩ? Githĩ mũtiakĩiguĩra ũrĩa aruma Ngai? 66Mũgũtua atĩa?”
Nao magĩcookia atĩrĩ, “Nĩahĩtĩĩtie na aagĩrĩire o kũũragwo.”
67 #
Isa 50.6
Magĩcooka makĩmũtuĩra mata ũthiũ na makĩmũhũũra. Nao acio maamũgũthire makĩmwĩra atĩrĩ, 68“Mesia tũrathĩre nũũ wakũgũtha!”
Petero gũkaana Jesũ
(Mar 14.66-72; Luk 22.56-62; Joh 18.15-18,25-27)
69Na rĩĩrĩ, Petero aikarĩĩte hau nja ha Mũthĩnjĩri Ngai ũcio Mũnene-rĩ, mũirĩĩtu ũmwe ndungata agĩũka harĩ we akĩmwĩra atĩrĩ, “O nawe uuma na Jesũ ũũrĩa wa Galili.”
70Naake Petero agĩkaana mbere yao oothe akiuga atĩrĩ, “Niĩ ndiũĩ ũrĩa ũroiga.” 71Hĩndĩ ĩyo agĩthiĩ kĩhingoinĩ. Naake mũirĩĩtu ũngĩ ndungata akĩmuona akĩĩra andũ arĩa maarĩ hau atĩrĩ, “Mũndũ ũyũ oima na Jesũ wa Nazarethi.”
72Naake Petero akĩambĩrĩria kwĩhĩta akiugaga atĩrĩ, “Na ma niĩ ndiũĩ mũndũ ũcio!”
73Thuutha wa ihinda iniini andũ arĩa maarũũgamĩĩte hau magĩthiĩ harĩ Petero makĩmwĩra atĩrĩ, “Ti itherũ ũrĩ ũmwe wao nĩ ũndũ mwarĩrie waku nĩũraiguĩka!”
74Naake Petero akĩambĩrĩria kwĩhĩta akiuga atĩrĩ, “Ndĩraaria ma, atĩ niĩ ndiũĩ mũndũ ũcio!”
Na ihinda o rĩu ngũkũ ĩgĩkũga, 75naake Petero akĩririkana ũrĩa Jesũ aamwĩrĩĩte atĩ, “Mbere ya ngũkũ gũkũga nĩũrĩngaana gatatũ.” Naake Petero akiuma nja akĩrĩra e na ruwo rũingĩ.
Currently Selected:
Mathayo 26: GKN
Highlight
Share
Copy
Want to have your highlights saved across all your devices? Sign up or sign in
Gikuyu Common Language Bible with DC © Bible Society of Kenya, 2014, 2018.