Ezekieli 1
1
EZEKIELI KUONA KĨONEKI KIA NGAI RIITA RĨA MBERE
(1.1–7.27)
Gĩtĩ gĩa Ũthamaki kĩa Ngai
1 #
Kũg 19.11
Kwarĩ mũthenya wa gataano wa mweri wa kana mwakainĩ wa mĩrongo ĩtatũ#1.1 Mwakainĩ wa mĩrongo ĩtatũ: Gũtiũĩkaine ũhuutanĩĩtie na ũ kana na kĩĩ., na ndaikaire rũũĩinĩ rwa Kebari hamwe na andũ arĩa maatahĩĩtwo magathaamio. Na rĩĩrĩ, igũrũ nĩkwahingũkire na ngĩona kĩoneki kia Ngai. 2#2Atha 24.10-16; 2Maũ 36.9-10 Na rĩĩrĩ, kwarĩ mũthenya wa gataano wa mweri ũcio wa kana (mwakainĩ wa gataano kuuma rĩrĩa mũthamaki Jehoiakini aatahirwo na agĩthaamio.) 3Niĩ, Ezekieli mũthĩnjĩri Ngai, mũrũ wa Buzi, ndĩ o kũu bũrũri wa Babilonia rũteereinĩ rwa rũũĩ rwa Kebari, MWATHANI akĩnjarĩria na ngĩiyũrwo nĩ hinya wake.#1.3 Na ngĩiyũrwo nĩ hinya wake: Kĩhibirania kiugaga guoko kwa MWATHANI kwarĩ igũrũ rĩake.
4Ngĩcooka ngĩcũũthĩrĩria ngĩona kĩhuuhũkanio kĩhuuhũkanagia kiumĩĩte na mwena wa na rũgongo. Na itu inene rĩathiũrũrũkĩirio nĩ ũtheri mũnene na mwaki warĩrĩmbũkaga uumĩĩte ituinĩ na ũtheri mũnene wamenamenũkaga mĩena yothe. Gatagatĩ kaarĩo kwarĩ ta kwa rangi wa gĩcango gĩkumuthĩĩtwo gĩgathera. 5#Kũg 4.6 Ningĩ o kũu gatagatĩ gũkĩonekana mũhianĩre wa ciũmbe inya irĩ muoyo. Na ũũ nĩguo ciahaanaga: maũũthĩ maacio maahaanaga ta ma mũndũ; no rĩĩrĩ, 6o kĩũmbe kĩarĩ na moothiũ mana na mathagu mana; 7magũrũ maacio matieyunaga na maarĩ na mahũngũ magaũkanĩĩte ta ma gacaũ ka ng'ombe na maahenagia o ta gĩcango gĩkumuthĩĩtwo gĩgathera mũno. 8Hamwe na kũgĩa na moothiũ mana, na mathagu mana, rungu rwa o ithagu ciarĩ na mooko ta ma mũndũ. 9Mathagu meerĩ ma o kĩũmbe matambarũkĩĩtio nĩmaahuutanagia na ma kĩũmbe kĩrĩa kĩngĩ. Igĩthiĩ-rĩ, ciathiaga iroreete mbere gũtarĩ kwĩhũgũra.
10 #
Eze 10.14; Kũg 4.7 Mathiithi maacio maahaanaga ta ũũ: mwena wa na mbere,#1.10 Maandĩko ma Kĩhibirania matirĩ; na mwena wa na mbere. ciothe ciarĩ na thiithi wahaanaga wa mũndũ, mwena wa ũrĩo ciarĩ na thiithi wahaanaga wa mũrũũthi, mwena wa ũmotho ciothe ciarĩ na thiithi wahaanaga wa ndeegwa, na mwena wa na thuutha#1.10 Maandĩko ma Kĩhibirania matirĩ; na mwena wa na thuutha. ciothe ciarĩ na thiithi wahaanaga wa rwĩgĩ. 11Ũguo nĩguo ithiithi ciacio ciahaanaga. Mathagu meerĩ ma o kĩũmbe, maakũnjĩĩtwo makahumbĩra mwĩrĩ na meerĩ magatambũrũkio na igũrũ mwena na mwena ũguo atĩ ma kĩũmbe kĩmwe nĩmahuutagia ma ciũmbe iria ingĩ ciariganĩĩtie. 12Na tondũ o kĩũmbe kĩarĩ na moothiũ maroreete mĩena ĩrĩa ĩna, nĩciahotaga gũthiĩ o kũrĩa ingĩenda o na itaambĩĩte kwĩhũgũra.
13Ningĩ gatagatĩ ga ciũmbe icio irĩ muoyo haarĩ na kĩndũ kĩahaanaga ta mwaki wa makara megwakana kana ta kĩmũrĩ kĩa mwaki. Mwaki ũcio waikaraga ũgĩthiũrũrũkaga ciũmbe icio irĩ muoyo. Warĩ mwaki warĩrĩmbũkaga mũno na nĩwaikagia thandĩ ikũmenamenũka o ta rũheni. 14Ciũmbe icio irĩ muoyo ciathiaga na mbere igĩcookaga na thuutha o ta rũheni.
15 #
Eze 10.9-13
Ngĩcooka ngĩrora ciũmbe icio irĩ muoyo, na hau hakuhĩ na o kĩũmbe, ngĩona kũgũrũ ta kwa ngaari gũkinyĩĩte thĩ. 16Magũrũ macio o na mũthondekere wamo maahenagia o ta mahiga ma goro, na nĩmaahaanaine moothe. Maahaanaga o ta kũgũrũ gũtoonyanĩĩtio na kũrĩa kũngĩ na mũkĩgiĩ. 17Nĩ ũndũ ũcio nĩmaahotaga gũthiĩ na mĩena yothe ĩna matekũgatwo. 18#Kũg 4.8 Na rĩĩrĩ, ngĩcooka ngĩona atĩ o kũgũrũ kwarĩ na mĩrĩnga ĩiyũire maitho mĩena yothe. 19Ningĩ ngĩona atĩ rĩrĩa ciũmbe icio irĩ muoyo ciathiĩ, magũrũ macio maatwaranaga nacio. Ciambata na igũrũ o namo makaambata. 20Ciũmbe icio ciathiaga o kũrĩa guothe ciendaga gũthiĩ, namo magũrũ magatwarana nacio tondũ maathagwo nĩ ciũmbe icio. 21Nĩ ũndũ ũcio rĩrĩa ciũmbe icio ciagwata gũthiĩ, kana kũrũũgama, o na kana kwambata na igũrũ, noguo magũrũ macio meekaga.
22 #
Kũg 4.6
Na rĩĩrĩ, igũrũ rĩa mĩtwe ya ciũmbe icio ngĩona kĩndũ kĩahaanaga ta mũtambũrũko wa matu mairũ gĩakengaga mũno o ta mbarabu. 23Na rĩĩrĩ, rungu rwa kĩndũ kĩu kĩahaanaga ta mũtambũrũko wa matu mairũ nĩkuo ciũmbe icio ciarũngiĩ, o kĩũmbe gĩtambũrũkĩĩtie mathagu meerĩ maahuutanagia na ma kĩũmbe kĩrĩa kĩngĩ, namo meerĩ magatigwo mahumbĩire mwĩrĩ. 24#Kũg 1.4-15; 19.6 Rĩrĩa ciũmbe icio ciombũka, mathagu maacio maabatabataga ngaigua ta arĩ mũhũyũko wa maaĩ maingĩ, kana ta arĩ mũkubio wa thigari nyingĩ, o na kana ta arĩ mũgambo wa Mwene Hinya Wothe. No ciomba, nĩciakũnjaga mathagu maacio. 25No o na ciomba na ciakũnja mathagu maacio, no gwakoragwo na mũgambo woimaga na kũu igũrũ rĩa mũtambũrũko ũcio wa matu mairũ.
26 #
Eze 10.1; Kũg 4.2-3 Igũrũ rĩa kĩndũ kĩu kĩahaanaga ta mũtambũrũko wa matu mairũ ũrĩa warĩ igũrũ rĩa mĩtwe yacio, haarĩ kĩndũ kĩahaanaga ta gĩtĩ kĩa ũthamaki gĩathondekeetwo na mahiga ma mburuu mathaka mũno. Na nĩhaarĩ na kĩũmbe gĩatariĩ ta mũndũ gĩaikarĩire gĩtĩ kĩu. 27#Eze 8.2 Kĩũmbe kĩu kuuma njohero gũthiĩ na igũrũ gĩatuunĩhĩĩte o ta gĩcango kĩrĩ thĩinĩ wa mwaki, na kuuma njohero gũthiĩ na kĩanda kĩahaanaga ta mwaki, 28na kiarĩ na marangi moothe o ta ũrĩa mũkũngambura ũhenagia hĩndĩ ya mbura. Ũcio nĩguo ũtheri ũkũhenia ũrĩa wonanagia riiri wa MWATHANI.
Ngai gwĩta Ezekieli atuĩke mũnabii
Na rĩrĩa ndawonire ngĩĩgũithia ndoreetie ũthiũ thĩ. Ngĩcooka ngĩigua mũndũ,
Currently Selected:
Ezekieli 1: GKN
Highlight
Share
Copy
Want to have your highlights saved across all your devices? Sign up or sign in
Gikuyu Common Language Bible with DC © Bible Society of Kenya, 2014, 2018.