Klagesongane 5
5
Vi må bera straffa
1Kom i hug, Herre, ¬det som har hendt oss,
sjå hit og legg merke til ¬kor vi vert spotta!
2Vårt land er kome i hendene ¬på framande,
utlendingar har fått våre hus. #Jer 6,12
3Foreldrelause er vi vortne,
vi har ingen far;
mødrene våre er som enkjer.
4Vi må kjøpa det vatnet ¬vi drikk,
og betala den veden vi brukar.
5Våre forfylgjarar ¬har vi på nakken,
vi er trøytte og får ikkje kvila.
6Vi rette ut handa til Egypt ¬og til Assur,
så vi kunne mettast med brød. #Jer 2,18
7Våre fedrar synda; dei er borte,
men vi ber straffa ¬for deira skuld. #2 Mos 20,5; Jer 2,5; 7,25ff; 16,10ff
8Trælar er våre herrar,
og ingen riv oss ut ¬or deira hand. #5,8 Trælar nedsetjande ord om embetsmennene åt babylonarkongen, dei som kua folket i Juda.
9Vi hentar vårt brød ¬med fare for livet,
sverdet trugar i øydemarka.
10Vår hud er heit som ein omn,
for svolten gneg i kroppen.
11Dei krenkte kvinner i Sion
og unge jenter i byane i Juda.
12Dei tok og hengde stormenn
og hadde ingen vørdnad ¬for dei eldste. #5 Mos 28,50; Klag 4,16
13Unge menn ¬laut slita med kverna,
og gutar seig under vedbøra.
14Dei gamle ¬sit ikkje lenger i porten,
det er slutt ¬med ungdomens ¬strengespel.
15Vi er ikkje lenger glade,
dansen er omsnudd til sorg.
16Kransen er fallen ¬av vårt hovud.
Ve oss, vi har synda! #Job 19,9; Jer 13,18; Esek 21,26
17Difor er hjarta vårt sjukt,
augo våre har mist sin glans.
18For Sion-fjellet ligg audt,
der renner no revar ikring. #Jer 9,11
19Men du, Herre, ¬tronar til evig tid,
din kongsstol står ¬frå ætt til ætt. #Sal 9,8; 146,10
20Kvifor vil du gløyma oss ¬for alltid,
gå frå oss for lange tider? #Sal 13,2
21Herre, før oss atter til deg,
så vi kan koma att.
Lat våre dagar verta som før! #Job 29,2; Jer 31,18
22Eller har du vraka oss heilt
og vorte brennande harm ¬på oss?
Currently Selected:
Klagesongane 5: N78NN
Highlight
Share
Copy
Want to have your highlights saved across all your devices? Sign up or sign in
© 1978, 1985 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 1978, 1985 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).