Salmane 146
146
1 # 103,1+ Halleluja!
Lovsyng Herren, mi sjel!
2 # 63,5+ Eg vil lovsyngja Herren heile mitt liv,
syngja og spela for min Gud så lenge eg er til.
3 # 118,8f; Jer 17,5 Stol ikkje på fyrstar,
menneske som ikkje kan hjelpa.
4 # 1 Mos 3,19+ Dei andar ut og blir til jord att,
den dagen fell planane i grus.
5 # 2,12+ Sæl er den som har Jakobs Gud til hjelpar
og set si von til Herren sin Gud.
6 # 33,4.6; Apg 14,15 Han skapte himmel og jord, havet og alt som er i dei,
han er trufast til evig tid.
7 # 103,6 Han hjelper dei undertrykte til deira rett,
han gjev mat til dei som svelt.
Herren set dei bundne fri.
8 # 145,14+; Jes 35,5; 42,7 Herren gjev dei blinde syn.
Herren reiser dei nedbøygde opp.
Herren elskar dei rettferdige.
9 # 10,14+.18 Herren vernar innflyttarar.
Han held enkjer og farlause oppe,
men gjer vegen kroket for dei som gjer urett.
10 # 10,16+ Herren er konge til evig tid,
din Gud, Sion, frå slekt til slekt.
Halleluja!
Currently Selected:
Salmane 146: N11NN
Highlight
Share
Copy
Want to have your highlights saved across all your devices? Sign up or sign in
© 2011 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 2011 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).