YouVersion Logo
Search Icon

HANDELINGE 24

24
Paulus verantwoord sy optrede voor Feliks
1Vyf dae later het die hoofpriester Ananias saam met ’n paar van die familiehoofde#24:1a Grondteks oudstes. en ’n advokaat#24:1b Grondteks orator., Tertullus, daar aangekom. Hulle het hulle aanklag teen Paulus aan die goewerneur voorgelê. 2Paulus is ingeroep en Tertullus het die aanklag begin voorhou: “Hooggeagte Feliks, deur u toedoen lewe ons nou al lank in vrede, en deur u beleid het daar vir ons volk goeie transformasie plaasgevind. 3Dit verwelkom ons altyd en oral met alle dankbaarheid. 4Ek wil u egter nie nog langer vermoei nie, en daarom versoek ek u om met u kenmerkende welwillendheid kortliks na ons te luister. 5Ons het bevind dat hierdie man ’n absoluut verderflike invloed is. Hy maak dat al die Jode oor die hele wêreld in opstand kom. Hy is ’n leier van die Nasarener-splintergroep. 6Hy het selfs die tempel probeer ontheilig, en toe het ons hom gearresteer.#24:6 Sommige manuskripte het ook nog en wou hom volgens ons wet verhoor.7 Lisias, die offisier oor duisend man, het egter gekom en hom uit ons hande gegryp. 8 Hy het sy aanklaers beveel om na u toe te kom. 8 Hy het sy aanklaers beveel om na u toe te kom. 8U sal self agterkom waaroor ons hom aankla wanneer u hom oor al hierdie dinge verhoor.” 9Die Jode het ook gepraat en bevestig dat dit is soos Tertullus sê.
10Op ’n teken van die goewerneur aan Paulus dat hy moet praat, het hy hom begin verweer: “Ek weet dat u al jare lange ervaring het van regspreek oor Joodse sake. Daarom stel ek my verweer met hoë verwagting. 11U kan self agterkom dat ek nie meer as twaalf dae gelede in Jerusalem aangekom het om by die tempel te aanbid nie. 12Verder het niemand my in die tempel gekry dat ek met iemand stry, of dat ek in die sinagoges of in die stad betogings organiseer nie. 13Dit waarvan hulle my nou beskuldig, kan hulle ook nie vir u bewys nie.
14“Dít erken ek egter wel voor u: Die God van my voorvaders dien ek volgens ‘Die Pad’#24:14, 22 Of die leer van Christus. Vir die uitdrukking “die Pad”, vgl by 9:2.; hulle noem ons ’n splintergroep. Ek handhaaf alles wat in die wet voorgeskryf is en in die profeteboeke geskryf staan. 15Ek het my hoop op God gestel – iets wat hulle self ook verwag – dat God die opstanding van die goeies en die slegtes gaan laat plaasvind. 16Daarom doen ek ook my uiterste bes om altyd ’n skoon gewete voor God en die mense te hê.
17“Na baie jare het ek teruggekom om my volk met ’n finansiële bydrae te help en om aan God te offer. 18Ek was nog besig met die offer in die tempel, pas klaar met die reinigingshandeling, toe hulle my kry. Daar was nie ’n skare nie en ook geen oproer nie. 19’n Paar Jode van die provinsie Asië was wel daar. Dit is eintlik húlle wat hier voor u moes gewees het en die aanklag moes gemaak het, as hulle iets teen my sou hê! 20Of laat hierdie mense sommer nou self sê watter misdaad die Joodse Raad#24:20 Grondteks Sanhedrin. gevind het toe ek voor hulle was.
21“Of miskien was dit oor hierdie een stelling wat ek uitgeroep het toe ek in hulle midde gestaan het: ‘Ek staan vandag hier voor julle tereg omdat ek aan die opstanding van die dooies glo!’”
22Feliks, wat nogal baie van “Die Pad”#24:14, 22 Of die leer van Christus. Vir die uitdrukking “die Pad”, vgl by 9:2. geweet het, het toe die verhoor uitgestel en gesê: “Wanneer die offisier oor duisend man, Lisias, kom, sal ek oor julle saak beslis.” 23Hy het die offisier oor honderd man beveel om Paulus nog aan te hou, maar hom spesiale behandeling te gee en sy eie mense nie te verhoed om vir hom te sorg nie.
24Na ’n paar dae het Feliks, met sy Joodse vrou, Drusilla, gekom en vir Paulus laat haal en na hom geluister oor die geloof in Christus Jesus. 25Paulus het met hom gepraat oor wat dit beteken om reg voor God te lewe, oor selfbeheersing en oor die komende oordeel.
Feliks het bang geword, en sy reaksie was: “Vir eers kan jy maar gaan, en as ek tyd het, sal ek jou weer laat roep.” 26Hy het die hele tyd verwag dat Paulus hom sou probeer omkoop, en daarom het hy hom heel dikwels laat haal en met hom gepraat.
27Twee jaar later het Feliks ’n opvolger gekry, Porsius Festus. Omdat Feliks die Jode ’n guns wou bewys, het hy by sy vertrek vir Paulus in die tronk gelos.

Currently Selected:

HANDELINGE 24: NLV

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy