Nhiara 5
5
Rsumbain pa rwaka yatiaka
1Hadi de Daud nhiar ya'ulli-yawedni maka ha rala la maka khi' o'tani la mak kwatunu-kwahniara. Rwatunu-rwahniara de rnairi floiti:
2-3Mutlin la a polpuo'lu-wakwa'ku pa Mtiulan la mai a'u, Matrome!
Yoma la O' nanpena a'g e siumbain tiy O'a, Matromlawnu ne!
O' mak kla' a Uplerlawnu me a Ra'yu.
4 Matroma, Makdenreri O'a! Mhueri tlinmu mai a lia la' yawyawra.
La' yawyawar de a'g e godia a hi'mu-re'u#5:4 hi'mu-re'u Riy dom de rwarora lir di nnia'eratni la'a yawala Ibrani de, niwra siumbainu tiy O'a,
ne a'g e wuei reri o lira wniahlamu mai a'u, Matroma!
5O' de Uplerlawna mak edonna kreiniana-ka'nana yatyatni-halalli.
Riy yatyata-halala de hota edon ror O'a la' gen ida.
6Mak po'ona ta'enniana rtutrier lia O' gaimu ralamni.
O ralammu namehra la riy maka khi'a yata-hala.
7O' ed maka kwakoha-kwanannia rimormiori miaka kden rer lia klili-kdiori putra-palka.
Me maka kwunu-kwenna me mak ka'ohpa-kalahara re O' edon Mtielan nana-muaut nana re.
8Mere la O sniayn lawanmu mak kodi liarni de
pede hota atiy O rommu nayanni
pa upal lia O genmu maka kmou-kwitan de
pa ariu'u-tiowar de a'u'unni-umta'at O'a.
9 Matromlawnu ne! Makdenreri O'a!
A arwa'lu harahu rehia.
Mtiulla-msiayn nan a'u pa Mu'it rer lia a li'mu totpena aghi'a hya' maka O ralammu ha nala,
Mtiutga O talanmu maka Omiwra aliola.
10Yoma a' arwa'lu lirni-tunnu de edonna naplola.
La' hare ralma-riorni de rpenpuen lia yata-hala mak kodi riy lia klieratni.
La'pa raltier die ir lirni re emolmolla hoi-kietra
mak kwer reria wawni mak kalgot neka lira-tunu yatyata-halala.
Ne putra-palka#5:10 putra-palka nur mi'na nwailiola wawni re ralamni.
11Uplerlawnu ne! Muetlia ir halli me Mukmua re.
Ndella pa ir nnia'ohmani yatyata-halala nhi'nande ir orgahani rler la kropanni-krieutnu.
Mhuokar dodioinia re yoma do'oni-halli harahu rehia,
yoma honona re rmalawna olek la O gaimu ralamni.
12Mere wuak de riy honona maka kruwun rer tiy O'a de honona ramuki-rahepru
pa rwatunu-rwahniar pa nodi liarni.
Mriuwun reria riy maka ralamni kden rer tiy O'a,
totpena ralamni re rahepur nohora.
13Yoma la he' maka kden rer lia plol wawannu de O' ed maka ktera-kdema.
Omriuwun reria ir de Mniairia O sniayanmu.
Currently Selected:
Nhiara 5: LEX
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
