Nhiara 149
149
Nhiar ya'uli-yawedi yoma ral arwalli re la yawa
1Haleluya! Ya'uli-yawedi la Itmatromlawanni Makdenrer die!
Twahniara nhiar warwuaru la'a Orgahi-Orha'a.
Ta'uli-tawedia E'a la'a E rimormiorni yawokni-yale'enu.
2Riy Israel miy re! Mimuki-mihepur nohora E' maka kakoki-kayap nian miy.
Makden la Sion mimuki-mihepru yoma miy Raymi inhata!
3Miala tiwla-prai hitara-fiola, he'emi-heparmi,
nor wutga loimi-nhiekmi mia mi'uli-miwedia E kotni-nanni!
4Yoma Orgahi-Orha'a ralamni nahepur reri onnila rimormiorni re.
E Ntulan la riy maka nhiolli-lietni lola yawa re totpa ra'unut la ar ralma.
5Pede mimuki-mihepur nohora nhiarmi de miplin niohor mela lawn oleka onnila ya'unut lawna maka mliernana de.
La'pa mininmi la lewu wawannu mana mi'uli-miwedi Orgahi-Orha'a.
6Mpiahniar de lirmi re inpona pa mi'uli-miwedia Uplerlawna la' genni-tienni.
Ne mtiorrer wutwutga wehla ara mnarnarta.
7Totpena ma mpiahla nan memna riy mak kwatiawua noha-rai korni,
de miukmua riy mak kaplin niohora Uplerlawna.
8Me totpena ma mpiutu-mkioh wualia ray-ray
nor wut nieka o'ta-matni re honona rnairia wutwutu mnotna.
9Hota miukmua re mliernohora hya' ed mak Orgahi-Orha'a Netlia.
La' talan emkade pede Uplerlawna Ntutga plollolmu totpa riy rhu'ru-rhelma Uplerlawna rimormiorni miy mak klernohor reria E'a.#149:9 Uplerlawna rimormiorni miy mak klernohor reria E'a Riy dom de rwarora lira ri nnia'eratni de: “rimormiori maka Uplerlawna Ntulla-nsayn reri.”
Haleluya! Ya'uli-yawedi la Itmatromlawanni Makdenrer die!
Currently Selected:
Nhiara 149: LEX
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
