Nhiara 130
130
Rwak pa Itmatromlawanni Makdenrer die Ntulan-nsayn nan ira yoma rler la susa ralamni onnila ir do'oni-halli
1Nhiar maka rwatunu-rwahniar la'pa rha'at la wo'or wawannu pa rla rkola tieru-rawur nehla la Itmatromlawanni (Nhiara Ziarah):
Matroma! A'g etla gen kdieldelma la hletan lawna wikwikni
pa awuaka tniulan la O'a Matrome!
2 Matro'mu! Pena Mhueri tlinmu-Mpuali matmu mai a'g e!
Awuakwak pa matmu reprepar la tulu-lyanti
me tlinmu mana Mhuer tiarga la a polpuo'lu di!
3La'pa Orgahi-Orha'a Nhoratreria a do'a-hal mamni,
de hota he' ed maka kparan pia ktutrier lia Matro'mu gaini ralamni?! Hota riy honona rlernan meman niukamnu.
4Mere O'a Matroma! De sukmu Mtiulla-msiayn reria rimormiori am pia edonna Mpuahla a do'a-hal mamni maka am mhi' oleka re wa,
nhi'nande hota ma'unni-mamta'at O'a, Matroma.
5A'g e wuei rier nieka O yariwa-yahaimu Matroma!
Agha'ar a arnu la' hya' ed maka Omukot targ olekwa.
6A ralmu e nodi rer lia tiy O'a Matroma
pa emeknekama makwalohola melmela ida,
ralamni e nodi rer lia totpa pleta-plet pa repar wahyaria.
7Makden Israel miy re! Mhia'ar inonmi la Itmatromlawanni Makdenrer die,
yoma Endenrer lia sniayanni tiy miy.
Enwei niek pa hota Namori-nalewan miy.
8Hota E' ed maka kolin doinia makden Israel it
la it do'oni-halli ralamni.
Currently Selected:
Nhiara 130: LEX
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
