Nhiara 128
128
Ra'a-palu la'a roma mniotni
1Nhiar maka rwatunu-rwahniar la'pa rha'at la wo'or wawannu pa rla rkola tieru-rawur nehla la Itmatromlawanni (Nhiara Ziarah):
Riy maka ka'unni-kamta'ata Orgahi-Orha'a pa mormiorni mana nlernohora E nie'erni-tniatarni,
hota nlernana ya'unut lawna la mormiorni-dardiarni.
2Hota omliernana o yamanna-wra'amu la'a o prehenmu-maumu,
pa mlier la ra'ani-pallu pripanni-fa'anni.
3O patke'emu mak kden la rommu nayanni de emeknekama lokrahi on maka kpoti-kadwu,
me o upmu-a'namu emekwalia kmiri ona-wa'dg ona#128:3 kmiri ona-wa'dg ona Yawala Ibrani riwra: “saitun”.
mak ka'uhwu pa kpepan reria mei maka ha mu'un la.
4Plola, la' emkadella Itmatromlawanni Makdenrer die Ntera-ndema riy
maka ka'unni-kamta'ata E' pa rlernohor reria.
5Awuak pa Itmatromlawanni mak kden la Sion Ntera-ndem reri o'a.
Totpena orgahamu mumkek memna Yerusalem nler la pripanni-fa'anni
la' ler maka o mormiormu-dardiarmu de ralamni.
6Awuak pa hota umarmu plalahwa pa mumkek nohor walia upmu-a'namu rora duratni-waitni.
Awuak pa Israel rler la kalwiedni-paitiotni.
Currently Selected:
Nhiara 128: LEX
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
