Nhiara 126
126
Rsumbain pa rwaka Orgahi-Orha'a Nwe'er doin ir la ir arwalli limni ralamni
1Nhiar maka rwatunu-rwahniar la'pa rha'at la wo'or wawannu pa rla rkola tieru-rawur nehla la Itmatromlawanni (Nhiara Ziarah):
La'pa Orgahi-Orha'a Nwe'er doin ita makden Yerusalem pa twali owa'an la riy mak kler la yara'a-yapalu lalawna,#126:1 Nwe'er doin ita makden Yerusalem pa twali owa'an la riy mak kler la yara'a-yapalu lalawna Riy dom de rwarora ayat di nnia'eratni de emkadi: “Nwe'erdoin E rimormiorni ita pa itawali owa'an la Yerusalem.”
de itat tio'a de ita tmi'a-tlo'a kennama ha plol toto' memna hadi.
2It tahepur nande twatunu-twahniar pa tkokna-trarni
pa narieiniande riy makden la noha-rai korni riwra:
“Tkil niek la re me! La' dodo'ondi wa de Orgahi-Orha'a Nhi'a-nyapia hya'-hya' maka samomuou muemna la' ira!”
3Meman neka la, ha naplola! Itmatromlawanni Makdenrer die Nhi' nan oleka hya' maka samomuou muemna mai ita!
La' hade pede tamuki-tahepru twatunu-twahniara.
4 Matroma! Mhuerun doinia a kleha-lar mamni re honona totpa ampali owa'an la riy mak kler la yara'a-yapalu lalawna,
totpena emeknekama ger wawuau maka kerna olekwa mere nriwu-nharn owa'an la otna.
5Riy maka kawuli-katniamni nko'a-nkakur nohora prehenni-maunu la'a nhyi'ini wnial tianni,
mere kaniha-kamali niohora la'a rieiki lerni.
6La'a riy maka ko'a-kher nohora wetra'ani niamatni yoma rler la susa ralamni
mere la'pa rieki lerni pa rpolan wa de riarni-riarin nohora la nhiara
me rahepur wali yoma rakwara wetra'a kadu-kadu.
Currently Selected:
Nhiara 126: LEX
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
