Salmo 54
54
Pikekerew na Kiagel#54:1-7 SAY TITULO ED TIKSTON HEBREO: Anlong nen David, kayarin linmad kinen Saul iray lalakin taga Sif ya angibagan manaamut ed dalin da si David.
1Lapud pakayarim, O Dios, ilaban mo ak pa;
lapud biskeg mo, iliktar mo ak pa!
2Dengel mo pay pikakasik, O Dios;
talineng mo pa ray salitak!
3Nitan la ray malastug a totoon ondogpad siak;
labay ak a pateyen na saray maruksan totoo
totoon ag da ikabkabilangay Dios.
4Balet say Dios so mananulong ko.
Say Katawan so manangyagel ko.
5Dusaey Dios komun iray kalaban ko diad panamegley na dilin kaogsan da!
Deralen to ra, ta sikato et matoor.
6 Katawan, sililiket ak a mangibagat ed sika;
pisalamatan ta ka
lapud kamaungan mo.
7Inyagel mo ak ed amin da ray gunigon ko,
tan anengneng kon atalo ray kalaban ko.
Currently Selected:
Salmo 54: PnPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983
