Salmo 53
53
Say Kaogsan na Too#53:1-6 SAY TITULO ED TIKSTON HEBREO: Anlong nen David.
(Sal. 14)
1Saray makulang-kulang a totoo kuandad sikaran dili,
Anggapoy Dios!
Maoges ira
tan makapataktakot iray ginagawa ra;
anggapoy anggan sakey a toon manggagaway kamaungan.
2Manlapud tawen oosdungan na Dios iray katoowan,
ta labay ton nengnengen no wala ra kasi makabat
o mangigagalang ed sikato.
3Balet binmeneg iran amin,
nampapara ran maoges.
Anggapod sikaray manggagaway kamaungan,
anggapoy anggan sakey.
4Tetepeten na Dios, Sarayan totoon managgaway kaogsan, ag da amta?
Pambibilayan day tatakewen dad saray totook,
tan ag ira mampipikasi ed siak.
5Balet ontan lay kataktakot da;
anggapo niy asali ran onyan takot;
ta ibuyak na Dios iray pokepokel na saray kalaban da ray totoo to.
Impolisay ira na Dios,
kanyan sigput a taloen ira na Israel.
6Oy la komun ta nagamuran la na Israel
so pananalo a manlalapud Sion!
Ontan lay panliket na saray totood Israel
no paaligwasen ira lamet na Katawan.
Currently Selected:
Salmo 53: PnPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983
