Salmo 47
47
Say Sankatageyan a Manoley#47:1-9 SAY TITULO ED TIKSTON HEBREO: Salmo na boleg nen Core.
1Mantipak kayod liket, amin yon katoowan!
Idayew yoy Dios diad panamegley na maksil iran kanta!
2Nepeg a takotan so Katawan a Sankatageyan;
matalonggaring ya ari a manooley ed sankamundoan.
3Impanalo to itayo ed saray totoo;
impaoleyan tod sikatayo ray bansa.
4Pinili toy dalin a panaayaman tayo natan,
say ikikinun a kayaryan na saray totoon inaro to.
5Onsesegep so Dios ed trono to.
Wala ray maliket ya eyag tan tanul da ray trumpita
leleg ya onsesegep so Katawan.
6Kantaan yoy pangidayew so Dios;
kantaan yoy pangidayew so ari tayo!
7Say Dios so arid sankamundoan;
kantaan yo na pangidayew.
8Manyodyorung so Dios ed masanton trono to;
manooley ed saray bansa.
9Mantitipon iray manoley ed saray bansa a kaiba da ray totoo#47:9 Say sankanayarian a tiksto a kaiba da ray totoo; diad tikston Hebreo na saray totoo. na Dios nen Abraham.
Makapanyari so Dios nen saray amin a sondalo;
sikatoy sankatageyan a manoley!
Currently Selected:
Salmo 47: PnPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983
