Salmo 142
142
Pikekerew na Tulong To#142:1-7 SAY TITULO ED TIKSTON HEBREO: Salmo nen David.
1Ontatawag ak a patulongan ed Katawan;
mikakasi ak ed sikato.
2Iyaakar kod sikato ray riklamok;
idadalem kod sikato ray gunigon ko.
3Amta toy nepeg kon gawaen,
no nanaekalan ak lay ilalo.
Saray kalaban ko pinatitan da ak ed dalanen ko.
4No onlingaw ak ed diking ko,
anggapoy nanengneng kon ontulong ed siak;
anggapoy mangyagel ed siak.
Anggapoy mangaasikasod siak.
5 Katawan, onkekerew ak ed sika na tulong;
sika, Katawan, so manangyagel ko;
sika labat so nakaukolan kod sayan bilay.
6Dengel mo pay ikekerew ko na tulong;
ta linmereg ak ed kaermenan.
Ilaban mo ak pad saray kalaban ko,
ta mabiskeg iran tuloy nen siak;
7Agwat mo ak pad segsegang#142:7 segsegang; odino prisowan. ko;
idayew ta kad satan diad tipon da ray totoom,
lapud kaabigan mod siak.
Currently Selected:
Salmo 142: PnPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983
