ECCLESIASTES 9
9
1Dinalepdep kon maung so nipaakar ed sarayan amin, et atalusan kon a walad lima na Dios iray gagawaen na saray makabat tan matonung a totoo, anggan say panangaro ra tan say panagbosul da. Anggapoy toon makaamta no antoy nagawa ed arapen a panaon. 2Anggapoy pandomaan na nagawad sikara,#9:2 panagbosul da. Anggapoy...sikara; odino panagbosul da, balet anggapoy makaamta no kasi aro odino bosul so makasengeg. 2 Anggapoy wala no anto so nagawad arapen a panaon. ta say nagawa ed matonung a too nagawa met ed maoges a too; #9:2 Diad pigaran dagdaan a patalus nagawa met ed maoges a too; diad tikston Hebreo anggapo ra yan salita. ontan to met ed maung tan makapoy a totoo, diad saray rilihioso tan saray aliwan rilihioso, diad saray mangibabagat tan saray ag mangibabagat. Anggapoy panmaungan na maung a too ed toon makasalanan; anggapoy panmaungan na toon mansamba tan say toon ag mansamba. 3Nampapara so nagagawa ed amin a too, et sikato yay makapoy a nagagawa, a singa amin a nagagawa diad mundo. Legan a mambibilay iray totoo, mannununot ira lawas na kaogsan tan kambagelan, et kabebekta ompatey ira. 4Balet walay ilalo na toon wadya nid tapew na dalin; maung niy mabilay ya aso nen say inatey a lion. 5On, saray mabilay amta ra ya ompatey ira, balet saray inaatey anggapoy amta ran balut. Anggapo lay arum a tumang da; sigput la ran alingwanan. 6Kaambas da lan naandi so panangaro, panagbosul, tan say panagabagey da. Ag la ran balut mibali ed antokaman a nagagawa ed sayan mundo.
7Sigi labatakan moy kanen mo tan manliket ka; inom moy alak mo tan manggayaga ka. Aabubonan na Dios so gawaen mo. 8Ipanengneng mo lawas a maliket tan magayaga ka. 9Legan a mambibilay kad sayan andi-kakanaan a bilay ya inter ed sika na Dios diad sayan mundo, manliket kan miamung ed inarom ya asawa. Manliket kan inagew-agew, ta sikato labat so nagunggonam ed amin a gunigon mo. 10Antokaman a gawaen mo gawam ed anggaay nayarian mo, lapud anggapo lay kimey, kanunotan, pakatalus, tan kakabatan ed pasen a kawalaan da ray inaatey a dimay laen mo.
11Wala niy sakey a naamtaan ko, a diad sayan mundo ag manatalo lawas ed saray lumba iray mabatik, tan ag manatalo lawas ed saray bakal iray masebeg. Saray makabat et aliwan lawas a walay anapay-bilay da, ag lawas onyayaman iray maung ya impanotek, tan ag lawas onaatagey ed kipapasen iray marunong. Say maoges a kapalaran onsasabi ed balang sakey. 12Say sakey a too ag to kabat no kapigan so isabi na oras to. Saray totoo napatitan ira no panaon na maoges ya ag da iilaluan, tan singa ra saray manok a biglan narel ed patit, odino saray sira a narel ed iket.
Saray Kanunotan a Nipaakar ed Kakabatan tan Inkakulang-kulang
13Anengneng ko met ed sayan mundo so sakey a maung ya oliran a nipaakar ed kakabatan, tan ipapasen kon sakey a marakep. 14Wala nen saman so sakey a baley a daiset iray totoon manaayam. Dinogpaan na sakey a makapanyarin ari. Niliktub to, insan namparaan a mangigeba ed saray padir. 15Walad man ed baley so sakey a toon mairap-bilay a makabat tan nayarian to komun ya iyagel imay baley. Balet anggapoy akanunot ed sikato.#9:15 nayarian...sikato; odino inyagel toy baley. Balet ag abayag anggapo lay akanunot ed sikato. 16Kuanko lan gendat a maung niy kakabatan nen say biskeg, balet anggapoy mangipapasen a makabat ed toon mairap-bilay odino ondedengel ed ibabaga to. 17Maung niy ondengel ed saray maolimek a salita na sakey a makabat a too nen say ondengel ed saray eyag na sakey a manoley ed saray makulang-kulang. 18Dakel nin kaabigan so nagawaan na kakabatan nen say nagawaan na saray armas a para bakal, balet say sakey a makasalanan baleg a kaabigan so naderal to.
Currently Selected:
ECCLESIASTES 9: PnPV
Highlight
Share
Compare
Copy
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983
