روملو‌لارا 6
6
گوناها اؤلموش، مسئحده دئری
1بس نه دئیک؟ گوناه اتمه‌یه داوام ورک کی، تارینین فیضی چوخالسین؟ 2اصلا! بئز کی، گوناها اؤلدوک، آرتیق اوندا نجه یاشایا بئله‌رئک؟ 3مگر بئلمئرسئنئز کی، بئزئم هامیمیز کی، مسئح عئسادا تعمئد اولونموشوق، اونون اؤلومونه تعمئد اولونموشوق؟ 4بونا گؤره ده، اونون اؤلومونه تعمئد اولونماقلا بئز ده اونونلا برابر دفن اولونموشوق؛ اله کی، نجه مسئح آتا عئزّتئنئن واسئطه‌سی‌ائله اؤلولردن دئرئلدی، بئز ده همن جور حیاتین تزه‌لئیئنده یاشایاق.
5اگر اونون اؤلومونه بنزه‌ر بئر اؤلومده اونونلا بئر اولموشوق، اونون دئرئلمه‌سئنه بنزه‌ر بئر دئرئلمه‌ده ده اونونلا بئر اولاجاغیق. 6و بونو بئلئرئک کی، کؤهنه منلئیئمئز اونونلا چارمیخا چکئلدی، اله کی، گوناهین بدنی قووّتدن دوشسون و آرتیق گوناها قول اولمایاق. 7چونکی اؤلموش آدام گوناهدان آزاد اولوب.
8اگر مسئحله اؤلموشوک، اونونلا یاشایاجاغیمیزا دا ائنانیریق. 9و بئلئرئک ده کی، مسئح اؤلولردن دئرئلمئش اولدوغونا گؤره، بئر داها اؤلمه‌یه‌جک. اؤلوم ده اونون اوستونه آرتیق حؤکمرانلیق اتمه‌یه‌جک. 10او کی، اؤلدو، بئر دفه‌لئک گوناها اؤلدو؛ لاکئن یاشادیغی حیاتی تارییا یاشاییر. 11بله‌جه، سئز ده اؤزونوزو گوناها اؤلو، آمّا مسئح عئسادا تارییا دئری سایین. 12و قویمایین کی، گوناه سئزئن فانی بدنئنئزه حؤکمرانلیق اتسئن، اله کی، اونون هاوا-هوسلرئندن ائطاعت اده‌سئنئز. 13بدنئنئزئن عوضولرئنی ده پئسلئک آلتلری اولماق اوچون گوناها تسلئم اتمه‌یئن. لاکئن اؤزونوزو اؤلولردن دئرئلنلر کئمی تارییا، و بدنئنئزئن عوضولرئنی ده صالحلئک آلتلری اولماق اوچون تارییا تسلئم ادئن. 14گوناه سئزه حؤکمرانلیق اتمیه‌جک؛ چونکی سئز شرئعت آلتیندا یوخ، فیض آلتینداسینیز.
15ائندی نه؟ شرئعتئن حاکئمئیّتی آلتیندا یوخ، فیض آلتیندا اولدوغوموز اوچون گوناه ادک؟ اصلا! 16مگر بئلمئرسئنئز کی، ائطاعت ادن قوللار کئمی اؤزونوزو کئمه تسلئم اده‌سئنئز، اونون قوللاریسینیز؛ ائستر اؤلوم گتئرن گوناها اولسون، ائستر صالحلئک گتئرن ائطاعته؟ 17آمّا تارییا شوکور اولسون کی، قاباقجا گوناهین قوللاری اولدوغونوز حالدا، او تعلئمدن اورَکدن ائطاعت اتدئنئز کی، اؤزونوزو اونا تسلئم اتدئنئز. 18و گوناهدان آزاد اولوب، صالحلئیئن قولو اولوبسونوز.
19جئسمانی طبئعتئنئزئن ضعئفلئیی اوزوندن ائنسانلارین دوشوندویو کئمی صؤحبت ادئرم. نجه کی، عوضولرئنئزی قاباقجا پئسلئک و شرئعتسئزلئیه قول کئمی تسلئم اتمئشدئنئز و نتئجه‌سی ده بو ائدی کی، شرئعتی داها چوخ آیاق آلتینا قویاسینیز. اِله‌جه ده ائندی عوضولرئنئزی صالحلئیه قول کئمی تسلئم ادئن کی، نتئجه‌سی ده سئزئن موقدّس اولماغینیزدیر. 20چونکی سئز گوناهین قوللاری اولدوغونوز زامان، صالحلئکدن آزاد ائدئنئز. 21بس او زادلاردان کی، ائندی اونلاردان اؤتری اوتانیرسینیز، او زامان نه ثمرئنئز وار ائدی؟ چونکی اونلارین آخیری اؤلومدور. 22آمّا ائندی گوناهدان آزاد ادئلئب، تارییا قول اولدوغونوز اوچون آلدیغینیز ثمره موقدّسلئکدئر، آخیرینیز دا ابدی حیات. 23چونکی گوناهین عوضوو اؤلومدور، لاکئن تارینین هدئیّه‌سی ربّئمئز مسئح عئسادا ابدی حیاتدیر.
Currently Selected:
روملو‌لارا 6: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
