روملو‌لارا 11
11
تارینین اؤزو اوچون آییردیغی آداملار
1بله‌جه، سوروشورام: مگر تاری اؤز خالقینی ردّ ادئب؟ اصلا! چونکی من ده ائبراهئمئن نسلئندن، بنیامئن قبئله‌سئندن اولان بئر ائسرایئللی‌یَم. 2تاری اوّلجه‌دن تانیدیغی اؤز خالقینی ردّ اتمه‌یئب. مگر سئز موقدّس یازینین ائلیا حاقّیندا نه ددئیئنی بئلمئرسئنئز؟ ائلیا ائسرایئلدن تارییا شئکایت ادئب دیئر: 3«یارب! سنئن پیغمبرلرئنی اؤلدوروبلر، سنئن قوربانگاهلارینی ییخیبلار و من تک قالمیشام. منئم ده جانیمی آختاریرلار.»#11:3 ۱پادشاهلار ۱۹:۱۰ و ۱۴
4لاکئن تاریدان اونا گلن جاواب نه‌دئر؟ «من اؤزوم اوچون یدّی مئن نفر ساخلامیشام کی، بَعَل قاباغیندا دئز چؤکمه‌یئبلر.»#11:4 ۱پادشاهلار ۱۹:۱۸ 5بله‌جه، ائندئکی واختدا دا، تارینین فیضی ائله سچئلن بئر «قالانلار» وار. 6لاکئن اگر فیضله‌‌دئر، آرتیق عمللره باغلی دیئلدئر؛ یوخسا فیض آرتیق فیض اولماز.
7بس نه دئیک؟ ائسرایئل آختاردیغینا نایئل اولمادی؛ سچئلمئشلر نایئل اولدولار، قالانلاری برکئدئلر. 8نجه کی، یازیلیب:
«تاری اونلارا بو گونه کئمی یوخولوق روحونو ورئب؛
گورمه‌ین گؤزلر،
اشئتمه‌ین قولاقلار.»#11:8 تثنئیه ۲۹:۴ و اِشَعیا ۲۹:۱۰
9و داوود دیئر:
«قوی اونلارین سوفره‌سی اؤزلری اوچون کمنده، تله‌یه،
بودره‌مه داشینا و جزایا دؤنسون.
10قوی گؤزلری قارالسین کی، گؤرمه‌سئنلر،
بللرئنی همئشه‌لئک اَی.»#11:10 مزمور ۶۹:۲۲ و ۲۳
11بله‌جه دیئرم: مگر اونلار ییخیلماق اوچون بودره‌دئلر؟ اصلا! آمّا اونلارین تقصئری قیرییهودئلرئن نئجاتینا سبب اولدو کی، اونلاری قیرته گتئرسئن. 12و اگر اونلارین تقصئری دونیایا دؤولت، اونلارین قوصورو قیری‌یهودئلره دؤولتلئک اولدو، گؤر اونلارین کامئل‌لئیی نه قدر آرتیق دؤولتلئک گتئره‌جک! 13لاکئن سئزه ای قیری‌یهودئلر دیئرم: من قیرییهودئلرئن حوارئسی اولدوغوما گؤره، اؤز خئدمتئمی عئزّتلی ساییرام 14کی، بله‌جه بلکه همعئرقلرئمی قیرته گتئرئب، اونلاردان بعضئسئنه نئجات وِرَم. 15چونکی اگر اونلارین ردّ اولونماسی دونیانین باریشماسی اولدو، قبول اولونمالاری اگر اؤلولرئن حیاتا دؤنمه‌سی دیئل، بس نه‌دئر؟ 16اگر خمئرئن ائلک حئصّه‌سی موقدّسدئر، بوتون خمئر ده موقدّسدئر؛ و اگر کؤک موقدّسدئر، بوداقلار دا موقدّسدئرلر.
17لاکئن اگر بوداقلاردان بعضئسی قوپاریلدیلار، و سئز کی، چؤل زیتون آغاجی ائدئنئز، اونلارین یرئنه پیوند اولونوب، زیتون آغاجینین کؤکونه و شئره‌سئنه شرئک اولوبسونوز، 18بوداقلارا فخر اتمه‌یئن، فخر اده‌سئنئز، یادینیزا سالین کی، سئز کؤکو یوخ، کؤک سئزی داشی‌ییر. 19او زامان دئیه‌جکسئنئز: «بوداقلار قوپاریلدیلار کی، من اونلارین یرئنه پیوند اولوم.» 20دوغرودور. اونلار ائمانسیزلیقلاری اوچون کسئلدئلر، آمّا سن ائمانینا گؤره یرئنده دورورسان. تکبّورلَنمه، لاکئن قورخ! 21چونکی اگر تارینین طبئعی بوداقلارا حیفی گلمه‌دی، سنه ده حیفی گلمه‌یه‌جک. 22باخ ائندی تارینین مهرئبانلیق و شئدّتئنه: ییخیلانلارا اولان شئدّته، لاکئن سنه اولان مهرئبانلیغا، اگر اونون مهرئبانلیغیندا قالاسان؛ یوخسا سن ده کسئله‌جکسن. 23اونلار دا اگر ائمانسیزلیقلاریندا قالماسالار، پیوند اولونارلار. چونکی تاری قادئردئر کی، اونلاری گئنه پیوند اتسئن. 24چونکی اگر سن او طبئعتن وحشی اولان زیتون آغاجیندان کسئلئب، طبئعتئنه ضئدّ اولان یاخشی زیتون آغاجینا پیوند اِدئلدئن، اصل بوداقلار اؤز زیتون آغاجینا داها نه‌قدر چوخ پیوند اولوناجاقلار!
25چونکی ای قارداشلار، ائسته‌مئرم کی، بو سئرّدن بئخبر اولاسینیز، اِله کی، اؤز اؤزونوزو عالئم سایاسینیز: قیری‌یهودئلردن خئلاص اولانلارین سایی تاماملاشانا قدر، ائسرایئلدن بئر حئصّه‌نئن اوره‌یی برکله‌یئب. 26و بله‌جه بوتون ائسرایئل خئلاص اولاجاق، نجه کی، یازیلیب:
«قورتاریجی صحیوندان گله‌جک،
و دئنسئزلئیی یعقوبدان گؤتوره‌جک.
27اونلارین گوناهلارینی گؤتوره‌جه‌یئم زامان،
اونلارلا کسه‌جه‌یئم عهد بودور.»#11:27 اِشَعیا ۵۹:۲۰ و ۲۱، ۲۷:۹، اِرِمیا ۳۱:۳۳ و ۳۴
28ائنجئله گؤره اونلار سئزئن اوچون دوشمندئرلر؛ لاکئن سچئلمه‌یه گؤره اجدادلارینین خاطئرئنه گؤره تارینین عزئزلری‌دئرلر. 29چونکی تارینین عطا اتدئکلری و دعوتی گری آلینماز. 30نجه سئز بئر زامانلار تارییا ائطاعتسئز ائدئنئز و ائندی اونلارین ائطاعتسئزلئیی اوزوندن مرحمت تاپیبسینیز، 31اله‌جه ده اونلار ائندی ائطاعتسئز اولوبلار کی، سئزئن تاپدیغینیز مرحمتئن سببئنه گؤره، اؤزلری ده مرحمت تاپسینلار. 32چونکی تاری هامینی ائطاعتسئزلئیه اسئر ادئب، اله کی، هامییا مرحمت گؤرسدسئن.
33باخ تارینین دؤولتئنئن درئنلئیئنه،
اونون هم حئکمت، هم ده معرئفتئنه!
اونون حؤکملری نه درجه‌ده آغیلاسیغمازدیر،
یوللاری دا نه درجه‌ده باشا دوشولمزدئر!
34چونکی ربّئن دوشونجه‌سئنی کئم بئلئب؟
و یا کئم اونا موشاوئر اولوب؟#11:34 اِشَعیا ۴۰:۱۳ و اِرِمیا ۲۳:۱۸
35کئم اونا اوّلجه بئر شی ورئب کی،
اؤزونه گئنه گری ورئلسئن؟#11:35 اَیّوب ۴۱:۱۱
36چونکی هر شی اوندان، اونون واسئطه‌سی‌ائله و اونون اوچوندور. اونا ابده کئمی عئزّت اولسون! آمئن.
Currently Selected:
روملو‌لارا 11: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
