روملو‌لارا 10
10
1ای قارداشلار، اوره‌یئمده‌کی آرزو و ائسرایئل اوچون تارییا دوعام، اونلارین خئلاصی اوچوندور. 2چونکی اونلارین باره‌سئنده شهادت ورئرم کی، تاری اوچون قیرتلری وار، لاکئن درک اوستونده دیئل. 3چونکی تاریدان گلن صالحلئیی آنلاماییب، اؤز صالحلئکلرئنی برقرار اتمه‌یه چالیشماقلا تارینین صالحلئیئنه تابع اولمادیلار. 4اونا گؤره کی، مسئح هر ائمان گتئره‌نئن صالح ساییلماسی اوچون شرئعتئن نهایتی‌دئر.
5چونکی موسا شرئعتدن گلن صالحلئک حاقیندا یازیر کی، اونو یرئنه یتئرن آدام، اونونلا یاشایاجاق.#10:5 لاوئلی‌لر ۱۸:۵ 6آمّا ائماندان گلن صالحلئک بله دیئر: «اوره‌یئنده دمه کی، گؤیه کئم قالخاجاق (کی، مسئحی اِندئرسئن)؟»#10:6 تثنئیه ۳۰:۱۲ 7و یا اؤلولر دئیارینا کئم اِنه‌جک (کی، مسئحی اؤلولردن قالدیرسین)؟#10:7 تثنئیه ۳۰:۱۳ 8بس نه دیئر؟
کلام سنه یاخیندیر،
آغزیندا و اوره‌یئنده‌دئر.#10:8 تثنئیه ۳۰:۱۴
یعنی، او ائمان کلامی کی، بئز اونو وعظ ادئرئک. 9چونکی اگر سن آغزینلا عئسانین رب اولدوغونو ائقرار ادئب، اورَکدن ائناناسان کی، تاری اونو اؤلولردن دئرئلتدی، نئجات تاپارسان. 10اونا گؤره کی، ائنسان اورَکدن ائمان اتمکله صالح ساییلیر، ائمانینی آغزی ائله ائقرار اتمکله نئجات تاپیر. 11چونکی موقدّس یازی دیئر: «اونا ائمان گتئرن هچ کئم اوتاندیریلمایاجاقدیر.»#10:11 اِشَعیا ۲۸:۱۶ 12اونون اوچون کی، یهودی ائله قیری‌‌‌یهودی آراسیندا فرق یوخدور. هامیسینین ربّی بئردئر، اونو چاغیرانلارین هامیسینا دا سخاوتله برکت ورئر. 13چونکی «ربّئن آدینی چاغیران هر کس نئجات تاپاجاق.»#10:13 یوئل ۲:۳۲
14آمّا ائمان گتئرمه‌دئکلری او کئمسه‌نی نجه چاغیراجاقلار؟ اشئتمه‌دئکلری کئمسه‌یه نجه ائمان گتئره‌جکلر؟ وعظ ادن اولماسا، نجه اشئده‌جکلر؟ 15و اگر گؤندَ‌رئلمه‌سه‌لر، نجه وعظ اده‌جکلر؟ نجه کی، یازیلیب:
«نه گؤزَلدئر یاخشی شیلری موژده ورنلرئن آیاقلاری!»#10:15 اِشَعیا ۵۲:۷
16آمّا موژده‌یه هامی قولاق آسمادی. چونکی اِشَعیا دیئر: «یارب، وردئیئمئز خبره کئم ائناندی؟»#10:16 اِشَعیا ۵۳:۱
17بله‌جه ائمان اشئتمکدن، اشئتمک ده مسئحئن کلامی ائله دئر. 18لاکئن دیئرم؛ مگر اشئتمه‌دئلر؟ البتّه کی، اشئتدئلر.
اونلارین سسی بوتون یر اوزونه،
سؤزلری دونیانین اوجلارینا قدر چاتدی.#10:18 مزمور ۱۹:۴
19بئر ده دیئرم؛ مگر ائسرایئل آنلامادی؟ موسا اوّلجه‌دن دیئر:
«طایفا اولمایانلا سئزی قیرته گتئره‌جه‌یم،
فهمسئز بئر طایفا ائله سئزی حئرصلندئره‌جه‌یم.»#10:19 تثنئیه ۳۲:۲۱
20لاکئن اِشَعیا جورعت ادئب دیئر:
«منی آختارمایانلار منی تاپدیلار،
منی طلب اتمه‌ینلره، من ظاهئر اولدوم.»#10:20 اِشَعیا ۶۵:۱
21لاکئن ائسرایئل حاقّیندا بله دیئر:
«بوتون گون اللرئمی،
ائطاعتسئز و عاصی بئر خالقا اوزاتدیم.»#10:21 اِشَعیا ۶۵:۲
Currently Selected:
روملو‌لارا 10: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
